Македонија и Грција ги обновуваат директните летови помеѓу двата главни градови после повеќе од 10 години.

Директните летови меѓу Скопје и Атина постоеја помеѓу 2003 и 2007, но се прекинати кога претходната влада на Македонија на аеродромот во Скопје му го даде името „Александар Македонски“ што ја разгневи Атина.

Владата на Заев пак во февруари во рамки на обидот да се реши долгогодишниот спор околу името на Македонија одлучи аеродромот да се преименува во Меѓународен аеродром во Скопје.

Според скопскиот аеродром, грчката авиокомпанија „Aegean Airline“ ќе има двенеделни летови почнувајќи од денес.

Вицепремиерот Бујар Османи и заменик министерот за европски прашања Јоргос Катругалос ќе бидат на свеченото отворање на првиот лет после десет години од Атина за Скопје утре во 18.55 минути а делегацијата која ја предводи Османи со тој лет ќе се врати во Македонија.

Тринаесетгодишно дете паднало во кома и се бори за живот во една од белгиските болници по обид за самоубиство, информираат медиумите утринава.

Отворена е истрага за да се дознае дали морбидната игра за тинејџери „Момо Челенџ“ е причината поради која детето се обидело да се обеси. Ако се докаже улогата на оваа игра во овој трагичен настан, ова би била втора жртва на „Момо“ во Европа.

Пред десетина дена во Франција се самоубил тинејџер откако играл со оваа игра на социјалните мрежи.

Играта однесе една жртва во Аргентина и повеќе истраги се отворени во Мексико.

„Момо Челенџ“ е игра за адолесценти која се шири преку социјалните мрежи и посебно „Ватсап“.

Блогерот Шејн Ендруз, која ја истражувал играта, раскажува дека таа започнува со поставување „лесни предизвици“ за децата – на пример будење во текот на ноќта. Но предизвиците многу бргу ескалираат и стануваат сѐ поопасни, како скокање од тераса за да го натера детето да докаже дека е „во добра форма“.

Учесникот во играта е повикан да се снима додека ги реализира предизвиците. Дванаесетгодишното дете во Аргентина го загубило животот додека се снимало исполнувајќи еден од предизвиците на ликот „Момо“. 

Во период кога во Европа е во тек голема чистка на дизел возилата кои се под „евро 5“ еко- стандардот, кај нас се забележува зголемен увоз на половни автомобили со ваков тип на погон, пишува Фактор.

Според последните анализи на Царинската управа на Македонија во земјава за првите девет месеци годинава, односно до први октомври, се увезени вкупно 25.401 патнички автомобили од кои што 21.069 се половни, а 4.332 се нови возила. Дека најголем дел од овие возила се со дизел мотор, покажува најобична прошетка по авто- плацовите за продажба на увезени користени автомобили . При тоа, може да се види дека станува збор за модели кои се под удар на строгото европско законодавство за квалитетот на воздухот.

На овој феномен, надлежните треба што поскоро да се одговорат со соодветни мерки и стратегија за обнова на возниот парк затоа што веќе сме преплавени со возила од западните авто- депонии. Ова е тема за која треба што почесто и постојано да се дискутира, а не да се отвара само пред почетокот на зимските денови кога загаденоста на воздухот е повидлива и достигнува ниво на елементарна катастрофа.

Спротивно од Македонија, во Европа дизелот повеќе не е во мода. Од година во година се регистрира голем пад на продажбата на дизелвозила поради засилените мерки за заштита на животната средина. Само во првата половина од годинава, продажбата на автомобили со дизел мотори во Европа е драстично намалена, односно падназа 16 отсто споредено со претходната година. Во Германија, матичната земја на најголемите светски производители на дизел-автомобили, уделот во продажбата на дизелвозила е помал за 31,1 отсто од вкупно продадените автомобила.Сериозен пад е забележан во Велика Британија каде што се продадени дури 30 отсто помалку дизелвозила во споредба со истиот период лани. Многу од големите европски градовивоведоа забрана за возење на дизел-автомобили по најпрометните улици.

И додека германската влада на сопствениците на овие автомобили им нуди две опци:субвенции за замена старо за ново или пак надградба на хардверот за контрола на емисиите на штетни гасови, македонските возачи тешко се откажуваат од половните дизел автомобили. Причината е едноставна, за 2.000- 3.000 евра може да се набави солидно возило старо десетина години, кое нема друга маана „освен“ што го загадува воздухот. Од друга страна за купување на нов автомобил, и тоа од најниска класа, потребно е да се издвојат најмалку 10.000 евра, а овој износ е сериозен издаток за едно просечно македонско семејство.

Анализата на статистичките бројки покажува загрижувачки нагорен тренд на бројот на дизел- автомобили, од кои најголем дел се половни возила донесени од странство. Односно, бројот на дизелашите во 2015 година е дуплиран во споредба со нивниот број во 2011 година, кога тој изнесувал 85.426 возила. Според последните достапни податоци од Државниот завод за статистика, кои се однесуваат на 2105 година, во земјава се регистрирани 383.833 автомобили. Најголем дел или 209.122 се бензинци, а 163.038 се со дизел мотор и уште 744 возат на мешавина или речиси половина од возниот парк. Уред за погон на авто- гас имале вградено 10.896 автомобили, а 33 од регистрираните биле хибридни и електрични возила.

Уште еден неповолен податок е старосната структура на авто- паркот. Постари од 10 години се 79,4 отсто од автомобилите во земјава, или околу 305.000 возила. На нашите патишта има малку нови возила, околу 6.000 возила се помлади од две години, што изнесува 1,6 отсто во однос на 384 илјади патнички моторни возила, колку што биле вкупно регистрирани на крајот од 2015 година.

И се заканува ли колабирање на Клиниката за детски болести поради одлив на кадар? Лекарка од одделот за онкологија веќе поднела оставка а уште 4 според информации на Сител планираат да ја напуштат оваа здравствена установа и да работат во приватни болници или во странство.

Од менаџментот на клиниката ни потврдија само за дел од лекарите, но не добивме одговор што ќе се случи ако Интензивна остане без двајца специјалисти а помалку лекари ќе има и на одделите за неврологија и кардиологија. Министерот за здравство по разговорите што ги имал со дел од специјалистите е убеден дека ќе ги разубеди да останат во јавното здравство.

Нема да напуштат, разговарав со нив до мене не стигнала информација за 5 јас зборев со две и начелно постигнавме договор дека ќе останат а ние ќе направиме се за унапредување на едукацијата, вели Венко Филипче, министер за здравство.

И додека министерот е оптимист, лекари од детска кои сакаат да заминат, неофицијално за Сител велат дека ништо не е договорено. И Не само од Клиниката за детски болести туку намалување на ресурсите ќе има и од други установи доколку надлежните ја реализираат идејата детската кардиохирургија како јавно приватно партнерство да биде префрлена во приватна болница.

Размислуваме како јавно приватно партнерство да бидфе детсдка кардиохирургија во приватна болница со цел да ги споиме ескпертизата и условите што ги нудат приватните болници, вели Филипче.

Зголемувањето на платите за 5 проценти на здравствените работници очигледно не е доволна за задржуваење на кадарот. Иако Министерстовото додели над 260 специјализации и субспецијализации, треба да поминат најмалку 5 години додека овие специјалисти ги пополнат испразнетите места во клиниките.