Промовирани огласи »

Мерката „МojДДВ” со која граѓаните остваруваат право на поврат на дел од платениот ДДВ и со тоа влијаат кон адресирање на сивата економија е еден од неколкуте проекти на мојата агенда. Во следниот период ќе се работи на унапредување на решението (самата мерка и мобилната апликација)“, соопшти министерката за финансии, Нина Ангеловска.

„Ќе бидат имплементирани подобрувања и се планираат нови функционалности, затоа ве поканувам да учествувате со коментари, сугестии и критики како од аспект на корисници на мерката, така и од професионален аспект.

Мерката е популарна помеѓу граѓаните, наплатата на ДДВ се зголемува а граѓаните го остваруваат правото на поврат на 15% од нивното ДДВ на скенираните сметки што е дел од Владината програма “Пари назад кај граѓаните”. Исплатата за првиот квартал од лансирањето (јули-септември) ќе се реализира во месец декември.

Бидејќи “секогаш се’ може подобро” и притоа земајќи ги предвид сите досегашно апсолвирани коментари од пријатели и соработници околу мене (вклучително моите како корисник на “МојДДВ” и од професионален аспект) сакам да ве поканам да придонесете и активно да учествувате со споделување на вашите сугестии и предлози кои ќе бидат предмет на разгледување од страна на работната група која ќе работи на формирање на барањата за промени (анг. change requests).

Во прилог се неколку статистики:

  • Мобилната апликација до сега има 196К инсталации (85% Android, 25% iOS)
  • Во јули 137К граѓани скенирале 7.2М сметки со вкупна вредност на ДДВ од 59 милиони денари.
  • Во август беа скенирани 7.8М сметки со вкупна вредност на ДДВ во износ од 66 милиони денари од страна на 142К корисници.

Сите предлози се добредојдени. Детални идеи, предлози и сугестии може да испратите и на [email protected]“, додава таа.

Промовирани огласи »

Зајакнување на капацитетите на вработените во Агенцијата за вработување во посредување меѓу бизнис секторот и невработените, што треба да придонесе бизнисот полесно да дојде до квалификувана работна сила, а невработените до одржливи работни места, има за цел тридневната обука за бизнис советници во Агенцијата за вработување на Република Северна Македонија што почна денеска во Скопје.

Квалификувањето и дообука на вработените од Агенцијата за вработување за соработка со бизнис секторот, смета министерката за труд и социјална политика Мила Царовска, е од исклучителна важност. Агенцијата има потенцијал бидејќи на е добро поставена на локално ниво односно има 30 центри, вели, но комуникацијата со бизнис секторот во минатото била слаба.
„Минатата година оперативниот план се правеше токму преку регионални средби и на локално ниво на средбни на центрите на Агенцијата и бизнис секторот при што утврдивме дека тие мерки кои беа креирани заедно со бизнис секторот дадоа многу поголеми резултати. Обучени вработени кои знаат да пристапат на бизнис секторот како да ги проценат потребите со цел поголемо ввработување или зголемување на вработливоста на граѓаните на локално ниво преку одредени мерки, ќе даде поголема успешност и кон опслужување на бизнис секторот со капацитет и кадар, но и ќе го намали бројот на невработени лица“, рече Царовска.
Директорката на АВРМ Билјана Јовановска смета дека посредувањето меѓу невработените и бизнис секторот е една од најважните услуги што ги нуди Агенцијата.
„Таа услуга сакаме да ја унапредиме преку тоа што нашите колеги непосредно ќе комунициираат секојдневно со работодавачите и стопанството. Наоѓањето на соодветна квалификувана работна сила за потребите на работодавачот е нешто што е многу важно во овој момент и што е важно за целиот систем и за стопанството и за граѓаните воопшто“, рече Јовановска.
Нарине Сахакијан, постојана претставничка на УНДП, го дели ставот дека оваа обука треба да и помогне на Агенцијата да ги разбере потребите на работодавачите, а на барателите на работа особено ранливите групи граѓани, да најдат работа која што ќе можат да ја задржат.
Обуката, додаде таа, ќе остручи 50 лица во 30-те центри на Агенцијата, кои потоа ќе бидат способни да ги сфатат потребите на работодавачите, а на невработените да им помогнат да најдат одржлива работа.
Стефано Томажиан, од Амбасадата на Швајцарија, вели дека е фрустрирачка состојбата во земјава што од една страна работодавачите не можат да најдат потребна и квалификувана работна сила, а невработените пак не можат да најдат пристојна работа.
Затоа, вели, Швајцарската амбасада помага работодавачите да креираат пристојни работни места, невработените да се квалификуваат, преквалификуваат и дообучуваат, и како што рече, во креирање на врски меѓу бисносот и невработените за да се спојат понудата и побарувачката на пазарот на труд.
Обуките се поддржани од УНДП и Швајцарската амбасада во земјава.

Промовирани огласи »

Синдикатот на работниците од управата, правосудните органи и здруженија на граѓани (УПОЗ) денеска предложи нов начин на пресметка на платите во администрацијата, според кој, вредноста на бодот секој месец би се усогласувала со висината на просечната плата во државата.

Доколку Владата не сака да отстапи од сегашниот концепт на плати, УПОЗ бара, како што велат оттаму, да се направи правилна пресметка на трошоците за храна и превоз кои што во бруто платата се пресметуваат со износот од 2009 година.

Трпе Деановски, генерален секретар на УПОЗ, денеска на прес-конференција рече дека не се согласуваат со предвиденото покачување на платите.

„Со зголемување на минималната плата, концептот на платите во администрацијата, судовите и обвинителствата и затворите ќе биде апсолутно нефункционален и некорисен. За де се избегне колапсот и неминовните штрајкови предлагаме нов начин на пресметка на платите со кој што Владата ќе ја замрзне сегашната вредност на бодот на административните службеници од 81,1 денар. Вредноста на бруто исплатената плата на јуни изнесува 37.440 денари. Кога вредноста на бруто платата ќе ја поделиме со 81,1 денар ќе ни го даде коефициентот 462“, рече на прес-конференција Деаноски.

Таков систем на пресметка на плати, според него, веќе постои во многу држави во Европа и со него ако расте просечната плата ќе се зголеми и платата во администрацијата, а ако паѓа ќе се намалува и платата на административците.

Според Деановски, со правилна пресметка на храната и превозот платите на сите вработени во државата без разлика дали се во јавниот или во приватниот сектор ќе се зголемат за 4.755 денари. Во 2009 година со реформата на концептот на бруто плата на вработените во пресметката на плата им беа вклучени и трошоците за храна и превоз. Тогаш износот за превозот беше 900 денари, а за хранарината 2.300 денари.

„Согласно со последната објавена потрошувачка кошничка од Државниот завод за статистика доколку месецот има 22 работни дена висината на трошокот за храна треба да изнесува 6.755 денари, а за превоз се движи од 1.200 до 1.500 денари и вкупно би бил 7.955 денари“, изјави генералниот секретар на УПОЗ и најави дека за предлозите ќе ги информираат Владата и министерствата за финансии и за информатичко општество и администрација.

Со најавената субвенција од Владата, велат од УПОЗ, платите во приватниот сектор ќе се зголемуваат до 6.000 денари, а со покачувањето од пет проценти вработените со најниски плати во администрацијата и јавниот сектор ќе добијат зголемување од 500 денари.

„Бидејќи државата не може да се субвенционира самата себе бараме решение како да го направи тоа без некаква субвенција. Наједноставно решение е зголемување на трошокот за храна и превоз. Ако се зголеми нема да биде 100 евра, но ќе дојде до 4.900 денари. Но, подобар би бил првиот предлог, да се замрзне вредноста на бодот и платата да се пресметува со ислатената бруто плата секој месец“, рече Деановски.

Тој оцени дека нискиот износ на платите во администрацијата е причина за одлив на вработените од овој сектор. Ако во државата просечната плата изнесува 25.200 денари, просечната плата во администрацијата е 17.000 денари. Над 80 проценти  од вработените во администрацијата земаат помала плата од државниот просек, информира генералниот секретар на УПОЗ.

Минималната плата во државава сега изнесува 12.600 денари, а според УПОЗ нејзиниот реален износ треба да биде 60 проценти од просечната плата и да изнесува 15.123 денари.

МИА

Промовирани огласи »

Францускиот министер за финансии Бруно Ле Мер рекол дека Европа би требало да ја разгледа својата јавна дигитална валута која би можела да ја предизвика либрата на Фејсбук.

Oва е последна во низата дилеми во врска со плановите на криптовалутата на Фејсбук за која јавно полемирал францускиот министер, пренесе Ројтерс.

На состанокот со министрите за финансии на ЕУ во Хелсинки, Ле Мер им рекол на новинарите дека следниот месец со своите колеги на континентот ќе разговараат за потенцијалот на европската јавна дигитална валута.

Ле Мер го повика европскиот блок да продолжи со својата работа на намалување на трошоците за прекугранични плаќања.

Како што напоменува Ројтерс, плаќањата во реално време во Еврозоната се достапни од 2017 година, но во шемата учествувале само половина од банките во блокот. Како и да е , проектот моментно во голема мера е фокусиран на домашната исплата.

Повеќе вести...
барај огласи за вработување » барај останати огласи »