Рокот за исплата на регресот за годишен одмор истекува на 31 декември. Работодавците од приватниот сектор имаат уште една недела да ја исполнат задолжителната законска обврска за исплата на регрес за годишен одмор или популарно наречен К-15.

Износот на К-15 се утврдува врз основа на просечната нето, односно бруто плата исплатена на ниво на држава во последните три месеци.

Доколку се’ уште не сте добиле регрес за годишен одмор треба да знаете дека неговиот износ е поголем во однос на износот што вработените го добиле пред 20-ти декември откако ДЗС ги објави новите податоци за движењето на платите во Македонија.

Според најновите податоци, износот на К-15 треба да се движи од 10.171 до 15.112 денари.

К-15 не им следува на сите вработени

Исплата на К-15 не треба да очекувате доколку е исполнет еден од следните услови:

1. Вработени сте во некоја јавна институција, односно во јавниот сектор. Вработените во јавниот сектор се уште немаат право на К-15 бидејќи тоа не е пропишано со нивниот Колективен договор.

2. Имате стаж во компанија кој не е подолг од шест месеци со што автоматски не ви следува исплата на регрес за годишен одмор бидејќи К-15 им се исплаќа само на вработени кои се пријавени кај ист работодавач најмалку шест месеци.

3. Доколку работите кај еден ист работодавач подолг временски период од шест месеци, но имате прекин во работен стаж.

Првите добитници на дневните награди: 4 х 1.000, 3 х 2.000 и 3 х 3.000 денари во наградната игра “МојДДВ, #МојаНаграда” се веќе познати и објавени.

Добитниците се објавени на следниот ЛИНК.

Наградниот фонд за играта ќе биде половина милион евра и ќе се доделуваат парични награди на дневна, месечна основа, како и две главни премии. Покрај повратот, кој ќе го остваруваат граѓаните со скенирање на фискалните сметки, тие ќе може да станат и добитници на парична награда. Со ова граѓаните ќе имаат уште поголем мотив да влијаат и на адресирањето на сивата економија, односно секоја скенирана фискална сметка потенцијално е добитна – односно зборуваме за една вин-вин наградна игра, бидејќи сите добиваме – единствено кога губи сивата економија. Надградената мобилна апликација ќе содржи и едукативни елементи, вели Ангеловска.

Втората исплата на повратот на ДДВ ќе се реализира во текот на месец февруари за месеците октомври, ноември и декември, во април за месеците јануари, февруари и март, во август за месеците април, мај и јуни и во ноември за месеците јули, август и септември.

Постапката за апликацијата за инверерите почнува од утре. Премиерот Зоран Заев верува дека веќе од јануари ваучерите за инвертерите ќе бидат во рацете за корисниците. 

Според премиерот, постапката малку доцни бидејќи работите одат согласно законот за јавни набавки. На средината на јануари ќе почне и масовна кампања за корисниците. 

Пред неколку дена во Собрание помина репрограмот кој даде пас, а денеска ќе се донесе одлука на Влада. До средината на јануари ќе почне масовна кампања за да ги информираме граѓаните. Постапката од утре почнува за апликација за инверторите. Кампањата ќе биде дополнителна информативна алатка. Ќе побараме од националниот сервис да ни даде бесплатен простор. Постапката е сложена. Тоа се 10 милиони евра што треба да се одвојат. Верувам дека во јануари ваучерите ќе бидат во рацете на корисниците. Добро би било да почнала порано. Но, финансиските параметри не дадоа можност од август или септември да се определат средства, рече премиерот Заев. 

Владата пред два месеци го промовираше планот за субвенционирање на инвертери. 

Владината мерка предвидува 10 илјади семејства да добијат по илјада евра за да купат инвертер.

Предвидено е 5200 да се доделат во Скопје, по 2500 во Тетово и Битола како и 800 во Кичево.

Граѓаните од земјава се повеќе се навлекуваат на купување преку интернет. Шопингот онлајн во државава и натаму расте со забрзано темпо. Спроведената анкета во првиот квартал на 2019 година во државава, во која испитаниците се изјаснуваат за направените онлајн нарачки и купувања во последните 12 месеци, покажува раст од 14 проценти, односно онлајн купувале 35,9 проценти од интернет корисниците, наспроти 31,6 проценти  во истиот период минатата година, информира Асоцијацијата за е-трговија.

Интернет пенетрацијата во првото тримесечје од 2019 година е зголемена на 81,8 проценти опфат на домаќинствата, наспроти 79,3 проценти во истиот период минатата година. Според резултатите, има подобрување и во начинот на пристап (фиксно широко појасно и мобилно) потребен за вршење на е-трговија. Осумдесет и еден процент од Македонците на возраст 15-74 години употребиле интернет во последните три месеци наспроти 79,2 проценти во истиот период лани. Притоа 72,9 проценти користеле интернет секој ден, наспроти 68,7 проценти лани, при што мажите користеле интернет повеќе (74,9 проценти) од жените (70,8 проценти).

Анализата на Асоцијацијата вo која се користени податоци на Државниот завод за статистика покажува дека Македонците интернетот најмногу го користеле на социјалните мрежи. 

И годинава, исто како и лани, граѓаните од земјава најмногу купувале облека и спортска опрема или 35,8 проценти, по што со 10,5 проценти  следат производи за домаќинство и 10,4 проценти електронска опрема. Најголемиот дел од он лајн купувањата 38,8 проценти се од продавачи од нашата земја. Ако во минатото доминантна онлајн трговија била од продавачите од другиот дел на светот, годинава тоа е намалено на 20 проценти, со 11 проценти учество на продавачите од Европска Унија.