По колапсот кој дигиталната валута биткоин го доживеа во 2018 откако во 2017 беше на врвот, оптимизмот полека се враќа така што деновиве се тргува за 8.667 долари, и бележи раст од 21 процент во 2020.

Експертите сигурни дека луѓето ќе ја сфатат важноста на таа валута па со низа прогнози се јавуваат деновиве.

Оцената на биткоинот дека како валута е непроценлив е многу важен атрибут посебно во земјите како Аргентина и други во кои моментно усвојувањето на криптовалути расте.

Тони Вајс, поранешен трговец на Волстрит вели дека е оптимист во поглед на иднината на биткоинот и мисли дека е важно луѓето „конечно да сфатат колку тоа е важно за глобалниот финансиски систем“.

Трговецот со деривати, кој бил брокер скоро деценија, додава дека биткоинот значајно е супериорен во однос на златото.

-Не можете да ги запрете луѓето да користат биткоин - вели тој и додава:

-Ова средство е „непроценливо“, додека за златото тоа повеќе не можете да го тврдите.

Објаснува дека златото е тешко за транспорт, за пренесување, и дека е лесно за плен. За биткоинот е уверен дека ќе достигне нови високи вредности.

Данска, Шведска и Норвешка се земји кои се најдобри за растење на деца. 

Рангирањето го направи Универзитетот во Пенсилванија. 

Данска е прогласена за најдобра држава за одгледување на деца. Таа е „многу дарежлива кога станува збор за породилното отсуство на мајките и татковците” и има одличен здравствен и образовен систем. 

Зад неа се најдоа Шведска и Норвешка, поради фактот што имаат добри социјални програми и ниска стапка на криминал.

Во топ пет се и Канада и Холандија, а понатаму на листата следат Финска, Швајцарија, Нов Зеланд, Австралија и Австрија.

Рангирањето се прави четврта година по ред. 

Казахстан, Либан, Гватемала, Мјанмар, Оман, Јордан, Саудиска Арабија, Азербејџан, Тунис и Гана се земји каде е најлошо да се одгледува дете.

Грција е 21-ва, Хрватска е 24-та, Словенија е на 31-то место, Бугарија 42-ра, Србија е 62-ра, а Македонија ја нема на листата. 

Брисел планира да воведе заедничка европска минимална плата. 

Данска, Шведска и Финска немаат минимална плата. Наместо тоа, за платите се преговара директно меѓу синдикатите и работодавачите – т.н. систем на колективно договарање – и обично се повисоки отколку во повеќето други земји на ЕУ.

Европската комисија ќе се обиде да ги убеди скептичните северни земји во Унијата да ја поддржат иницијативата. Тоа го најави Николас Шмит, комесар на ЕУ, одговорен за работни места и социјални права.

Тој рече дека започнале консултации за планот на Комисијата за борба против експлоатацијата на евтина работна сила во Европската унија и фактот дека во многу земји во Унијата  работниците добиваат значително пониски плати за одредени професии отколку во други земји.

Соседна Албанија е заинтересирана да ја примени мерката „Мој ДДВ“ која кај нас се реализира веќе неколку месеци а од чие скенирање фискални сметки на трансакциите на граѓаните во декември легнаа и првите парични средства за првото тримесечие.

Дека Албанија по наш приемер сака да се обиде да ја намали сивата економија, станува јасно од средбата на директорката на УЈП со директорката на даночната администрација на Република Албанија, Делина Ибрахимај, на која Лукаревска и го пренела искуството кое го носи мерката.

Делина Ибрахимај е на ставот дека и кај нив оваа ерка може да допринесе да се намали сивата економија која е на ниво од 30%.

Имено, во февруари треба да почне исплатата на скенирани сметки за второто тримесечие а мерката продолжува и во 2020 година