Пакетот на можности за привремено олеснување на финансискиот товар на кредитокорисниците, коишто веќе се соочуваат или во наредниот период би можело да се соочат со реални потешкотии во намирувањето на своите обврски кон банките и штедилниците, предизвикани од состојбата со коронавирусот, овозможен со вчерашните регулаторни измени може да е многу поповолен од мерка за замрзнување на кредитните обврски, доколку ефективно се примени, вели гувернерката Анита Бежовска-Ангеловска.

„Покрај одложувањето на обврската за плаќање којшто според одлуката што ја донесовме може да биде и подолго од три месеци, се овозможува и промена на другите услови – каматната стапка, вкупниот рок на достасување на кредитот итн., а го променивме и рокот за нефункционалните кредити. Оттука, пакетот што е содржан во донесената одлука е многу поширок“, објаснува гувернерката.

Ова таа го истакна во изјава за Канал 77. Таа и посочи дека можностите за промена на договорните услуги се однесуваат на сите кредитни услуги, вклучително и на кредитните картички и дозволеното пречекорување, односно минусните салда.

„Банките и штедилниците се мотивирани на засегнатите кредитокорисници да им ги понудат поволните можности за промена на постојните договорни услови. Очекуваме банките и штедилниците активно да ги користат можностите дадени со одлуката што ја донесовме вчера, бидејќи и во нивен интерес е да помогнат компаниите да го пребродат овој шок и да можат да опстанат на долг рок и да имаат капацитет за да можат понатаму да ги сервисираат обврските“, кажа Ангеловска-Бежоска.

Во изјавата, таа одговори и на актуелното прашање зошто централната банка не донесе одлука за запирање на наплатата на кредитите во следните три месеци.

„Народната банка нема законска надлежност да пропише неплаќање на обврски кон банките и штедилниците. Максимумот што можевме да го направиме го остваривме со регулаторните измени донесени вчера – остваривме максимално релаксирање на регулаторните услови за да се намали финансискиот товар на граѓаните и компаниите“, посочи гувернерката.

Министерот за внатрешни работи, Наќе Чулев информира дека денес до Владата доставил уредби со сила на закон со кој се овозможува продолжено важење на истечените лични документи до завршување на вонредната состојба на државата и тоа: лични карти, возачки дозволи и патни исправи за македонските граѓани и дозволата за престој за странските државјани.

„Свесен сум дека живееме во услови кога движењето е сведено на минумум, но со оваа одлука ги заштитуваме граѓаните, но и вработените во Управните служби на Министерството за внатрешни работи“, информира Чулев. 

Ги повика граѓаните да ги почитуваат мерките за заштита. 

Приватна агенција за вработување Мотиви, за потребите на свој клиент, реномирана компанија од Индустриска зона Ќојлија - Петровец вработува МАГАЦИОНЕРИ - 3 извршители: https://kariera.mk/job/QqQUjlDrm0O7DyCeV7MmsA/magacioner-3-izvrshiteli

Гемма Инженеринг има потреба од АРХИТЕКТ: https://kariera.mk/job/wHHAHkb0S0e6uUVm5k_fCw/arhitekt

Дени Интернационал има потреба од вработување на ИНФОРМАТИЧАР со и без работно искуство: https://kariera.mk/job/EyHJ9C-xl0aSxztzf-gCXQ/informatichar

iVote со отворено работно место за E - LEARNING COURSE CREATOR: https://kariera.mk/job/tj_8Ed3wzkKypws_Hw6Aig/e-learning-course-creator

Европа Лек Фарма го проширува својот тим со СТРУЧЕН СОРАБОТНИК: https://kariera.mk/job/Z62zdPkOBk6lH4CTzht5GA/struchen-sorabotnik

Ние сме држава во развој, но подготвени ja пречекуваме оваа криза, следува поместување на плаќањето на кредитите и одлагање на извршувањата од извршителите, порача претседателот на СДСМ Зоран Заев во емисијата Клик плус на ТВ 21.

Априлската рата и фирмите и граѓаните погодени од кризата ќе можат да ја платат во јули месец и ако требало да ја платат во април имаат уште 12 рати кои што им завршуват во април 2021 година почнувајќи сега со тој мораториум да плаќаат од јули 12 рата ќе им заврши во јули 2021 година. Тоа значи дека имаме буквално поместување за три месеци. Во овие три месеци и десет дена ќе се случи и стопирање на сите извршители, ќе има уредба со законска сила, сега владата е во вонредна состојба ќе има брзи и ефикасни модалитети, истакна Заев.
 
Лидерот на СДСМ истакна и дека со тимот експерти работи на нов, огромен пакет економски мерки за поддршка на стопанството, на фирмите, работниците и граѓаните, за санирање на економските последици од глобалната пандемија со коронавирусот, најавувајќи вкупна финансиска поддршка од 200 милиони евра во стопанството.
 
– 43.000 е бројката на вработени во угостителството и трговијата, кои се првично зафатени со кризата. Овие мерки кои се најавени од Владата, до сега имаат сериозен импакт. Особено кредитите без камата од Банката за развој, инвестиции во придонесите за вработените кои ги намалуваме за 50 отсто и други. Ние имаме до сега 20-тина милиони евра алокација кон здравствтото, потоа имаме кон Центарот на управување со кризи, Армијата, полицијата каде веќе 30 милиони евра се алоцирани. До 200 милиони евра ќе стигне финансиската подрршка за стопанството, рече Заев.