Поранешниот премиер Зоран Заев синоќа во интервју за емисијата „360 степени“ изјави дека во македонскиот буџет недостигаат две милијарди евра, при што додаде дека тоа не треба да се крие и дека тоа треба да го знаат граѓаните. И Кочо Анѓушев, поранешниот вицепремиер за економски прашања во владата на Заев ја потврди катастрофалната кондиција во која се наоѓа буџетот на Македонија.

Заев прогнозира дека реализацијата на буџетските приходи ќе биде околу 30 – 40 проценти, што значи дека ќе недостигаат 60 проценти од планирана наплата во буџетот.

Мерката која ја предлагаме за кратење на платите на администрацијата можеби и нема да биде доволна затоа што недостигаат некаде околу две милијарди и 200, тоа се 60 отсто“, рече Заев. Тој додаде дека во моментов владата има усно одобрение за добивање на кредит во износ од 600 милиони евра, но тоа е малку затоа што до 2,2 милијарди имаме уште 1,6 милијарди евра. Но понудата на пари веќе не е така голема затоа што поголемите пари веќе ги земаа поголемите држави, рече Заев.

И Анѓушев прогнозира катастрофална состојба со буџетот на Македонија и дека буџетската дупка ќе биде две милијарди евра. Тоа значи дека државата во наредните месеци ќе има проблем со исплата на плати на администрацијата.

Во интервјуто за ТВ 21, Анѓушев вели дека мерката сите во администрацијата да земаат плата од 14.500 денари во април и мај, може и нема да може воопшто да се спроведе затоа што можеби ќе нема и за тоа пари во буџетот ако државата не преземе итни мерки.

Денарот е и ќе остане стабилен – нема промени на нивото на неговиот девизен курс, порачува Народна банка денеска по гласините дека еврото е поскапено во однос на националната валута. Цената на еврото останува 61,69 денари и нема индиции дека тоа ќе се промени.

„Имајќи предвид дека во некои медиуми и на социјалните мрежи има објави во коишто се коментираат девизни курсеви на онлајн-платформи, би сакале да укажеме дека овие онлајн-платформи не се релевантен извор за следење на вредноста на денарот. Објавите на овие онлајн-платформи не произлегуваат од реално тргување со валути. Единствен релевантен извор на информации според којшто населението и фирмите може да го следат девизниот курс на домашната валута е курсната листа што ние како централна банка ја објавуваме на нашата веб-страница –www.nbrm.mk. Таа ги отсликува цените на валутите од реалните тргувања на домашниот девизен пазар. На курсната листа којашто е во важност и во моментов, средниот курс на еврото во денари изнесува 61,69 денари“, информираат од НБРМ.

Од таму апелираат на совесно и одговорно информирање и проверка на вистинитоста на изворите на информации, бидејќи со произволно толкување на информациите во врска со домашната валута може да се креира негативни ефекти за нашата економија. 

„Апелираме онлајн-платформите да не се користат како релевантен извор на информации и нивното прикажување на виртуелни пресметковни курсеви да не се смета за релевантен податок. Овие платформи не ја прикажуваат вредноста по која странските валути се купуваат на домашниот пазар, односно кај банките и менувачниците“, додаваат од централната банка.

Девизниот курс на денарот во однос на еврото ќе остане стабилен, а девизните резерви се на двојно повисоко од пред глобалната економска криза во 2008 година, порачува Народна банка.

„Граѓаните треба да бидат спокојни. Стабилноста на курсот била, е и ќе остане наш приоритет. Ние гарантираме дека денарот е и ќе остане стабилен!“, се вели на крај.

Луѓето кои се излекувани од новиот коронавирус можат да останат носители на Covid-19 и треба да бидат повторно тестирани, изјави вирологот и директор на Научно-истражувачкиот центар во францускиот град Безансон, Филип Имбер.

– Може да се излекувате од вирусот, но сѐ уште да го имате во носната шуплина и на тој начин да го ширите. Тоа се случува кај носителите на хепатитис Б и Ц. Ова значи дека може да имате антитела против вирусот, но во исто време и самиот вирус, истакна Имбер на брифинг на Асоцијацијата на странски дописници на ОН во Женева.

Според последните податоци на Светската здравствена организација, досега во светот има над 22.000 починати лица од новиот корона вирус.

Во врска со информациите кои кружат по порталите и социјалните мрежи, во однос на здравствените услуги и референтните цени на Фондот за здравствено осигурување, би сакале да Ве известиме за следното:

1. Во лабораториската дејност постојат повеќе различни техники за детекција на инфективни причинители како на пример:
– серолошки испитувања при кои се детектираат антитела кон причинителот на инфекцијата

– молекуларни испитувања при кои се детектира присуството на самиот
причините во овој случај вирусот

2. Соодветно на погоре наведеното и Фондот има формирано здравствени услуги за лабораториска дејност во зависност од техниката која се користи во здравствените установи кои имаат договор со фондот, а се однесуваат за инфекции со корона вирусот Covid-19
– лабораториски услуги за серолошки анализи на инфективните причинители
(ЕЛИСА, ИгМ или ИгГ) со референтна цена од 1.100 денари.
– лабораториски услуги за молекуларни анализи за инфективни причинители и истите во зависност од техниката (Полимеразно верижна реакција- PCR и
Мултиплекс PCR) и бројот на причинители (еден, повеќе или цел сет на вируси) кои истовремено се детектираат. Постојат повеќе различни лабораториски услуги со референта цена од 3.000 до 5.500 денари.

3. Во сумата на референтите цени се влезени сите трошоци за извршување на овие здравствени услуги, како што се труд на медицинскиот персонал, трошоци за медицински и друг материјал (тука влегуваат однапред спремени китови за детекција), трошоци за одржување на апаратите и просториите, како и режиските трошоци. Пр некои техники се користат само однапред спремени китови, а во други техники и покрај користењето на китови, потребни се други дополнителни активности за припрема за изведување на тестот.

Сите тие си носат соодветни трошоци.

4. Сите наведени цени се со партиципација според Одлуката за висина на учеството на осигурените лица во вкупните трошоци на здравствените услуги, а до Фондот се фактурираат без партиципација. Сите наведени цени се објавени во Службен весник бр.18 од 01.02.2013, а се во употреба од 09.02.2013.

5. Здравствените установи се одговорни при фактурирање до Фондот да ја избираат соодветната шифра, односно здравствена услуга со референтна цена во зависност од извршената услуга, во случајов лабораториска услуга извршена по соодветна техника и броја на.

6. Кој тип на тест и по која метода, е одобрен како дел од протоколот на СЗО за тестирање на инфекција од корона вирусот Covid-19, потребно е да се обратите до Комисијата за заразни болести, Институтот за јавно здравје или Министерството за здравство.