Целите кон напредување во вашата кариера, но иако изгледа дека сè правите правилно (не доцните на работа, секогаш ги завршувате задачите во поставениот рок), сè уште не добивате унапредување или зголемување на платата. Одговорот зошто не сте наградени за вашиот труд и посветеност кон работата е едноставен: не сте ги исполниле очекувањата на вашиот претпоставен. Исполнување на очекувањата на вашиот шеф се клучни за добивање на саканото покачување, затоа треба да се потрудите да додадете вредност на работата.

Барање за зголемување на платата може да биде непријатно и стресно, но постојат стратегии што може да ги користите за да стигнете до својата цел – да ви се покачи платата без да побарате.

Додадете вредност на вашата работа

Една од најефикасните стратегии за да добиете зголемување на платата без да го побарате е да се обидете да додадете повеќе вредност за вашата работа преку носењето повеќе пари или клиенти на компанијата или намалување на трошоците.

Професионален развој

Покрај развивање на вештини што се потребни за вашата работа, научете повеќе за компанијата, конкурентите, најновите технологии и предизвици. На тој начин ќе додадете вредност на работата, а шефот ќе биде воодушевен од знаењето што го имате.

Откријте ги грешките

Одговорноста е многу важна. Многумина се обидуваат да ги прикријат своите грешки плашејќи се од последиците кога би ја признале вината. Покажете му на вашиот шеф дека не се плашите да ги признаете своите грешки и понудете решение за нивно поправање. Така ќе покажете дека сте одговорни, креативни и проактивни.

Бидете проактивни

Не бидете работник кој го изработува само тоа што му е делегирано да го заврши. Шефовите сакаат работници со визија, затоа пренесете ја секоја идеја што ја имате за компанијата на долг рок.

Покажете смиреност во криза

Способноста да се справите со кризни времиња во компанијата е способност што ја цени шефот. Без разлика дали станува збор за конфликт меѓу вработени, сменето правило… потрудете се да останете смирени. Вашата смиреност и способност да размислувате јасно за време на криза покажува дека имате лидерски потенцијал.

Вработените лица кои се ослободени од работа врз основа на утврдената листа на хронични болести да се вратат на своите работни места и на редовно извршување на работните задачи.

-Исклучок од ова ќе бидат само лицата, односно пациентите кај кои болеста е во фаза на влошување и за оние со малигна болест, за кои ќе биде дадена потврда со наод и мислење од лекар специјалист, врз основа на која потврда овие лица ќе користат боледување, информираат од владината прес-служба.

Претставниците на повеќе здруженија на хронично болни пациенти денеска ги усогласија критериумите за враќање на работа на оваа категроија граѓани.

Предлозите, ги испратија до Министерството за здравство, а утре ќе имаат средба и со министерот Филипче.

Нивно главно барање е болните со најголем ризик да останат дома.

-Во рамки на денешната седница меѓу другото одлучено е бремените жени да продолжат да ги користат владините мерки. Тоа значи, за работничките кои се на продолжено породилно отсуство, отсуството ќе трае до 31 декември 2020 година. Исто така, продолжува и ослободувањето на бремените жени од работа, велат од Министерството.

Основање фирма со минимален износ на основна главнина од 1 евро, укинување на фирмарина за првите две години за новооснованите компании и драстично намалување на трошоците за добивање правна документација за потребите на бизнисот, се дел од ветувањата на новата Влада што треба да се реализираат во следниот четиригодишен мандат.

Тоа значи дека граѓаните ќе можат да основаат фирма со минимални трошоци и да ги реализираат своите идеи и бизнис планови преку отворање на сопствени компании, а се најавува и целосна промена на системот за плаќање и за висината на фирмарина, согласно големината на претпријатието, бројот на вработени и годишните приходи.

– Нашата цел е да создадеме амбиент за динамичен и конкурентен бизнис, ослободен од политичките влијанија, намалување на административните процедури и бариери, а со целосно искористување на претприемачкиот дух и знаења на домашниот човечки капитал. Трансформацијата на економијата ќе биде следена со серија добро осмислени, практични и остварливи мерки за поддршка, кои реално ќе помогнат нашиот бизнис да биде растечки, развоен и одржлив. Како и досега, клучната поддршка ќе биде токму на движечката сила на нашата економија, на најголемиот сектор за вработување, создавач на вредноста и најсилниот потрошувач, а тоа се микро и малите компании, се вели во Програмата на Владата.

Олеснителна околност за новоформираните компании ќе биде и тоа што Централниот регистар задолжително ќе им издава т.н. „Информатор“ со сите важни информации за водење бизнис како што се документите што се потребни за едно трговско друштво, постапката за регистрација за ДДВ обврзник, можностите што ги дава државата за субвенционирање и поддршка, начините на пристапување и обезбедување на документација од државните институции….

Економскиот тим на Владата ќе треба да работи и на намалување на трошоците за добивање на потребната документација за потребите на бизнисот како што се документите од Централниот регистар, царината, документите за учество на тендери и.т.н., а во Програмата на Владата стои дека драстично ќе се намали цената за издавање на тековната состојба на претпријатијата.

Плановите на Владата се да биде укинат и данокот на личен доход за обуките, квалификациите и  добивањето на лиценци со што ќе се овозможи подобрување на квалитетот на работната сила со која располагаат компаниите.

Од Владата најавуваат и намалување на парафискалните давачки до 75 проценти и нивно нивелирање согласно големината на стопанските субјекти што е едно од барањата на стопанските комори. Неодамна на средбата со премиерот Зоран Заев, претседателката на Сојузот на стопански комори Данела Арсовска изјави дека парафискалните давачки претставуваат поголемо оптоварување за компаниите, дури и од даночните давачки.

Планирано е да се укине надоместокот за поврзување на фискалниот апарат со серверите на УЈП и надоместокот за контрола на промет што го врши УЈП, а сервисирањето на фискалните апарати да биде бесплатно. Ќе се зголеми и временскиот рок за менување на СИМ-картичка од фискална каса од една на три години.

Владата планира да направи и регистар на парафискални давачки кој ќе биде редовно ажуриран и дополнуван, со што компаниите во секое  време ќе имаат увид и ќе може соодветно да ги планираат своите финансиски активности.

По 6 месеци, повторно се врати детскиот џагор во градинките. Почнаа со работа под посебни протоколи и мерки за заштита од корона вирусот. Поголемите деца веќе знаат дека нема гушкање и поздравување со другарчињата како порано.  

Новото нормално за градинките е при прием задолжително мерење на температура на детето, дезинфекција на раце и лекарска потврда дека е здраво. 

Негувателките и воспитувачките со маски и честа дезинфекција на подовите е сликата која ја видовме утринава на првиот работен ден. Родителите со коментар дека со почитување на протоколите, нивните деца ќе бидат побезбедни во градинките отколку во парковите.

- Не, нема страв бидејќи во градинките ќе биде побезбедно отколку во парковите и на лулашките. Добро е што ги отворија, со почитување на протоколите нема страв. Го земав внучето, секако не е сеедно, ама не може дете цело време дома со баба...велат родители.

Во градинката Буба Мара во Аеродром порано згрижувале 1100 деца во петте објекти кои ги имаат. Сега со ковид протоколите има место за 560.

- Добро е што повторно се гледа детската смеа во градинките, утрово се беше согласно протоколите, вели Елена Устамитова, директор на градинка Буба Мара.

Министерката за труд и социјална политика која ја посети оваа градинка, побара од вработените согласно препораките на Комисијата за заразни болести, да не се групираат во една просторија за време на пауза туку секој да си биде со одредената група. Има и посебен алгоритам доколку се појави сомнителен на корона.

- Пример, ако дете има зголемена температура, неователката го изолира во посебна просторија. Друго лице е задолжено да ги извести родителите или старателот и епидемиолошката служба. Согласно епидемиолошката анкета и реултатот од евентуално тестирање ќе покаже кој ќе оди во изолација, вели Јагода Шахпаска, министер за труд и социјална политика.

Во градинкитер има утврдено и време за прием и заминување на децата се со цел да не биде загрозено нивното здравје како и работниот процес во установата.

- До 6 деца кај најмалите и максимум 15 во поголемите групи. Ова е само дел од протоколот донесен од Комисијата за заразни болести за функционирање во услови на пандемија од корона вирусот.

Дел од градоначалниците се пофалија дека немаат проблеми, додека, пак, некои се пожалија на недостиг од кадар во градинките за нивно нормално функционирање. Од 19 000 места, досега интерес за згрижување пројавиле родители на 14 555 деца.