Во Daimler ќе има 18.500 работници кои ќе работат со скратено работно време во Германија поради глобален недостиг на чипови.

Фабриките на компанијата во Бремен и Растат ќе бидат засегнати, денеска соопшти компанијата, oбјави europe.autonews.com. 

Во моментов, во целиот свет има недостаток на снабдување со одредени компоненти на полупроводници. Ние продолжуваме да ги следиме работите. Ситуацијата е непостојана, така што не е можно да се направи прогноза, рече портпаролката на компанијата. 

Овој потег ќе го прекине производството во фабриките, но ќе им овозможи на вработените кои работат на специјални проекти да продолжат. Tоа ќе стапи на сила почнувајќи од 23 април, една недела, за почеток. 

Фабриката во Бремен, која брои 12.000 работници, е глобално место за производство на делови  за Mercedes C-Class, најпродаваниот модел на производителот, а исто така е и главната фабрика за производство на кросоверот GLC. Фабриката го гради и комплетниот електричен кросовер EQC. Околу 6.500 работници се вработени во фабриката во Растат. 

Во повеќе сектори во државата, работниците земаат плати кои се за нијанса повисоки од минималецот. 

Тука спаѓаат вработените во туристичките агенции, организатори на патувања (туроператори) и останати резервациски услуги како и дејностите поврзани со нив, и тие во февруари според Државниот завод за статистика земале плата од 16.818 денари во просек. 

Заштитни и истражни дејности е сектор каде работниците имаат просек од 15.830 денари. 

Услуги поврзани со одржување на згради и дејности на уредување и одржување на животната средина и природата има просек од 17.792 денари. 

Работниците кои се занимаваат со производство на кожа и слични производи од кожа во просек земале по 16.581 денари. 

Производство на облека е сектор со просек од 17.652 денари. 

Просечната плата во февруари изнесувала 27.948 денари. 

На KARIERA.mk го имаме првиот оглас за вработување на ЕСПОРТ ЕКСПЕРТ (кој е заинтересиран да аплицира ТУКА). Очигледно е дека еспортот и кај нас зема професионален замав, се повеќе луѓе одлучуваат да се занимаваат (и забавуваат) со еспорт, се основаат еспорт клубови а активно работи и Македонската еспорт Федерација!

Разговараме со Претседателот на Федерацијата Бобан Тотовски. Честитки за отворената работна позиција, како ќе ја искоментирате?

Еспорт индустријата во светот е во постојан пораст, а со самото тоа и понудата на работни позиции. Како релативно млада индустрија, нуди одлични услови за работа. Можноста за работа во еспортот е сон на многу млади и сега имаат можност, преку Македонската Еспорт Федерација да соработуваат со партнери и компании од целиот свет. Граници нема, постојат само безброј можности за напредување и патување. Ќе бидеме домаќини на европската канцеларија на Меѓународната Еспорт Федерација и новите вработени ќе ја имаат таа чест да бидат дел од светското семејство на повеќе од 100 држави. Иако се ова првите вработувања, очекуваме во наредните години оперативниот тим да се зголеми уште повеќе. GLHF!

Кои се главните активности на Македонската еспорт Федерација?

Македонската Еспорт Федерација е непрофитна организација одговорна за еспорт натпревари и турнири. Нашата мисија е промовирање на еспортот и признавање од страна на државата. МЕСФ организира национални еспорт лиги и квалификациски турнири за светски и европски шампионати. Федерацијата моментално има 7 постојани клубови како основачки членки и повеќе од 120 тимови кои учествуваат на турнири. Официјално регистрирана во 2009 година, ние сме најстарата еспорт организација во регионот. Дел сме од интернационални натпревари уште од 2005. До сега сме учествувале на 11 интернационални шампионати, веејќи го знамето на Македонија.

Податоците на Агенцијата за вработување за месец март 2021 година покажуваат дека според возраста, најмногу без работа се лица од 55 до 59 години – 20,177 лица. Блиску до нив се лицата на возраст од 50 до 54 години, од кои 16,823 лица биле невработени. Трети се лицата од 60 години па нагоре – 16,510. Од друга страна, невработеноста според општините, во март месец најмногу забележала раст во Скопје, Тетово, Куманово и Гостивар, а најмал раст во Кратово, Демир Хисар и Валандово. 

Според податоците од Агенцијата за вработување, заклучно со 31 март имало 145, 327 невработени, од кои гледано според возраста на невработените, 3,164 се на возраст од 15 до 19 години; 14,260 од 20 до 24 години; 15,331 од 25 до 29 години; 14,704 од 30 до 34 години; од 35 до 39 години, невработени биле 13,803 лица; 14673 од 40 до 44 години; 15,882 од 45 до 49 години; 16,823 од 50 до 54 години; 20,177 од 55 до 59 години, додека од 60 години па нагоре 16,510 лица биле невработени.

Гледано според податоците од центрите за вработување во 30 -те општини на територија на Македонија, најмалку невработени има во Кратово – 650, Демир Хисар – 827 и Валандово – 960 невработени. Од друга страна, најмногу невработени има во Скопје – 28,112, Тетово 19,057, Куманово – 15,470 и Гостивар – 10, 740 невработени.

Владата го донесе Оперативниот план за вработување за 2021 година кој предвидува обука и доквалификација на невработените, меѓу другите мерки. 

„Невработените лица ќе посетуваат обуки што ќе траат три месеци за што ќе добиваат месечен надомест во износ од 9 000 денари, а обучувачите по 30 000 денари. Откако обуката ќе заврши лицата ќе се стекнат со соодветни вештини и знаења во наредните 10 месеци тие ќе обезбедуваат грижа за лицата со попреченост и лицата со хронични болести и за тоа ќе добиваат месечен надомест од 30 780 денари. Со оваа мерка планирано е да бидат опфатени 150 лица“, појасни Министерката за труд и социјална политика Јагода Шахпаска.