Августовските пензии ќе бидат на располагање преку мрежата на банкомати и во трговската мрежа од 31 август. За лицата кои не користат картички, пензиите ќе бидат исплатени етапно, со цел да се овозможи поголема заштита на пензионерите, известуваат од фондот за пензиско и инвалидско осигурување на Македонија.

Исплатата на шалтерите во банките ќе се врши во четири групи.

За пензии со висина до 11 000 денари, исплатата ќе се врши на 31.8.2021г.(вторник);За пензии со висина 11 001-14 000 ден, исплатата ќе биде на 1.09.2021г.(среда);За пензии со висина 14 001-18 000 ден,исплатата ќе биде на 2.09.2021г. (четврток);За пензии со висина над 18 001 ден, исплатата ќе биде на 3.09.2021г. (петок)

Македонската дијаспора дочека. Конечно и таа ќе може да аплицира и да се фотографира за пасош секој работен ден, во конзулатните претставништва на земјава во странство. Таа веќе нема да ги чекаат мобилните екипи на МНР еднаш-двапати годишно да ги посетат и да ги фотографираат, кои пак изминатата година и половина не го правеа тоа, па владата за да го бајпасира тој проблем го продолжи важењето на истечените пасоши на дијапсората до 31 декември годинава.

ТОА ШТО ГО ПРАВИМЕ ДЕНЕС Е ВСУШНОСТ РЕВОЛУЦИЈА ВО УСЛУГИТЕ ШТО ГИ ДАВА ДРЖАВАТА КОН ДИЈАСПОРАТА, ОЦЕНИ БУЈАР ОСМАНИ, МИНИСТЕР ЗА НАДВОРЕШНИ РАБОТИ.

Први привилегија да се фотографираат за пасош без притоа да прават долгорочни планови кога да го спроведат тоа во Македонија, ќе ја имаат македонските граѓани во неколку европски држави.

ВО МОМЕНТОВ СЕ ИНСТАЛИРААТ БАЗНИ СТАНИЦИ ВО МИНХЕН, БОН И БЕРЛИН, А ПОТОА И ВО БРИСЕЛ. ВТОРАТА ЕКИПА ОДИ ВО БЕРН, ВИЕНА, ЉУБЉАНА И ВЕНЕЦИЈА, ТРЕТАТАТ ЕКИПА ОДИ ВО ЛОНДОН. ПОТОА, ЌЕ ИМА БАЗНА СТАНИЦА ВО СТОКХОЛМ, ИНФОРМИРАШЕ ОСМАНИ.

Во САД вакви базни станици ќе бидат инсталирани во Њујорк и во Чикаго, во Канада во Торонто и во Австралија во Мелбурн.

Првите 15 фиксни и мобилни базни станици за земање биометриски податоци за пасош треба бидат инсталирани до крајот на октомври, а со МВР е договорено во иднина сите ДКП-а да бидат опремени со вакви станици.

ЗА СИТЕ ОВИЕ 15 БАЗНИ СТАНИЦИ, КОЛКУ ШТО ВО ОВОЈ МОМЕНТ ЌЕ СЕ КОРИСТАТ И ЕДНА БАЗНА СТАНИЦА КОЈА ШТО ТРЕБА ДА ОСТАНЕ ВО МИНИСТЕРСТВОТО, ВКУПНО 16 БАЗНИ СТАНИЦИ, НИЕ ПРИ НАБАВКАТА ПОТРОШИВМЕ ОКОЛУ 150.000 ЕВРА, ИНФОРМИРАШЕ ОЛИВЕР СПАСОВСКИ, МИНИСТЕР ЗА ВНАТРЕШНИ РАБОТИ.

Дијаспората освен што ќе може кога сака да се фотографира за нов пасош, тие документот ќе го добијат со новото уставно име на земјата, со што Македонија исполни уште една точка од Преспанскиот договор, заедно со вметнувањето на новото име на змејата во личните карти, возачките дозволи и ознаката на регистарските таблички.

Ќе се разгледа опцијата македонските државјани да можат да прават ПЦР тест на граница. За ова прашање ќе има дополнителен став. 

Нашите државјани кои ќе се затекнат на граница од 1 септември натаму, а не се имунизирани или немаат ПЦР тест ќе мора да одат во седумдневна изолација. Сепак,  властите најавуваат дека би можело повторно да се разгледа оваа мерка. Министерот за здравство Венко Филипче денеска најави дека ќе се размисли за тоа дали може вакви тестови да се прават на самата граница при влез во државата. Македонија со денови има над 1.000 заразени од коронавирусот. Најмногу заболени има во Скопје, Тетово, Гостивар. 

Новите КОВИД мерки целосно ќе го ослабнат бизнис секторот, реагираат трговците.

Тие максимално ги поддржуваат напорите на институциите да се изборат со вирусот, но сметаат дека мерките се остри. Укажуваат и дека трговските центри се речиси празни, посетеноста е намалена за 60 отсто во споредба со минатиот месец.

Уште од почетокот на пандемијата, трговските центри и дуќаните воедно и брендовите комплетно ги применуваат мерките за поголема борба против вирусот. Вработените и посетителите константно носат маски, имаме ограничувања на посетителите во продавниците, како и сигнализација на далечина, се користи дезинфекција, сите системи за вентилација редовно се чистат, дезинфицираат. Сепак и покрај сите овие мерки, втората мерка за вакцинирани лица целосно или со едно доза, ни направи да прометот се намали за 40 отсто, што повторно се соочивме со уште еден бран на економски пад на нашите брендови, посочуваат од Фешн Груп.

Сити Мол регистрирал големи загуби во последната 1,5 година, од почетокот на пандемијата.

Само за еден месец приходите на продавниците се намалени за 30 до 49 проценти, токму тие вложија големи напори да ја одвиваат својата работа по прописи. Можеби треба да се размисли за нова евентуална итната мерка, поточно посетителите во затворените Молови да влагаат со негативен брз тест, како што е пример во поголемите европски земји, појаснуваат од Сити Мол.

Од страна на бизнис секторот велат дека на ваков начин ја отежнува работата на бизнисите и драстично се намалува работата во дуќаните, како и затворање на своите бизниси доколку продолжи со ваквата мерка, така што треба да се најдат други начини да ги охрабрат граѓаните да се вакцинираат или да овозможат брзи тестови со ниски цени.

Земјите во регионот спроведуваат различни методи за мотивирање на поголем број граѓани да се вакцинираат и нема ограничувања за влез во трговските центри. И бевме сведоци дека владите беа во соработка со трговските центри каде што имаше многу станици за вакцинација во трговските центри. Исто така, беше предложена соработка во нашата земја, но за жал остана без никакви повратни информации. Разбираме дека не можеме да ги копираме решенијата на другите земји, реагираат од Сити Мол.