Скопје се поврзува со рускиот град Санкт Петербург со директна авиолинија. 

Авиопревозник „Нордвинд ерлајнс“ ќе отвори нова авиолинија од Скопје за Санкт Петербург месецов. По авиолинијата Скопје-Москва, ова ќе биде втора редовна линија, а летовите за Санкт Петербург ќе стартуваат на 21 септември и ќе се реализираат еднаш неделно, секој вторник. Летот на оваа релација ќе трае 3 часа и 25 минути.

Најмногу се бараат работници во услужни дејности и продажба

Во второто тримесечје од 2021 година стапката на слободни работни места во Македонија изнесува 1,78%, покажуваат податоците на Државниот завод за статистика.

Вкупниот број на слободни работни места во земјава за второто тримесечје изнесува 8.977, а според секторите на дејности, најголем број слободни места има во преработувачката индустрија (1.948), трговијата на големо и трговијата на мало; поправка на моторни возила и мотоцикли (1.6901) и во секторот објекти за сместување и сервисни дејности со храна (995).

Фото: Државен завод за статистика (printscreen)

Истовремено, највисока стапка на слободни работни места од 4,64% има секторот објекти за сместување и сервисни дејности со храна, додека најмала е стапката во секторот снабдување со електрична енергија, гас, пареа и климатизација, во кој изнесува 0,16%.

Деловните субјекти со број на вработени од 3 до 9 имаат највисока стапка на слободни работни места, која изнесува 2,54%.
 

Фото: Државен завод за статистика (printscreen)

Југозападниот Регион има највисока стапка на слободни работни места, која изнесува 2,72%.

Сепак, ако погледнеме во кој регион колку работници се бараат, паѓа в очи тоа што повеќе од половината од слободните места се во Скопскиот Регион, каде што се слободни 4.812 работни места. Во сите други региони бројот е троцифрен.
 

Доколку, пак, ги анализираме податоците според занимањата, можеме да заклучиме дека во второто тримесечје од годинава најмногу се барале работници во услужните дејности и продажбата, каде што биле слободни вкупно 3.690 работни места. Потоа следуваат техничарите и сродните занимања (1.444 слободни места), службениците (1.006 слободни работни места), ракувачите и составувачите на машини и постројки (1.002) итн.

Фото: Државен завод за статистика (printscreen)

Извршителите во просек имале чиста индивидуална заработка од 1,516.728 денари минатата година според надзорот на работата на извршителите што го објави Министерството за правда за 2020. Toa значи дека месечно имал личен приход од нешто повеќе од 2.000 евра.

Тоа, според министерството, е најмала заработка во изминатите години и единствена до сега што е помала од 2 милиони денари на годишно ниво е онаа една година претходно, во 2019, кога чистиот приход по извршител бил 2.298.097 денари што инаку пак бил најмал претходно. Споредбено, според овој извештај, падот на приходот за една година е 34 отсто. Најголем бил во 2018, во просек 3.251.272, што е далеку поголем од сите останати години. Тогаш дома месечно извршителите носеле по 4.400 евра.

Вкупните приходи, ако се тргне настрана наплатата за доверителите, изнесувале околу 85.000 евра по извршителска канцеларија, а за министерството и ова е големо намалување.

Од добиените податоци, се констатира дека на сите подрачја на основните судови има намалувања на вкупно остварените приходи по извршители. Вкупно остварениот приход по извршител изнесува 5,234.581 денари, што во споредба со 2019 кога оствариле просечен приход од 7.160.292 денари, има намалување од 26 проценти, се вели во надзорот.

Ваквиот пад на приходите се должел по претходно преземените законски мерки со кои беа лимитирани наградувањата при присилните наплато. Вкупниот профит што останал кај извршителите, по приходите и расходите, изнесувал 187 милиони денари, или 3 милиони евра, што според евиденцијата е за 16 проценти помалку од една година претходно.

Бројот на работниците во индустријата во јули 2021 година е намален за 0,8 отсто во однос на јули 2020 година, а  во периодот јануари – јули 2021 година во однос на истиот периодот лани покажува пад од 2,2 процента.

Според Државниот завод за статистика, бројот на работниците во секторот Рударство и вадење камен во јули 2021 година, во однос на јули 2020 година, бележи опаѓање од 7,5 отсто, во секторот Преработувачка индустрија опаѓање од 0,2, а во секторот Снабдување со електрична енергија, гас, пареа и климатизација намалување за 2,7 проценти.

Според главните индустриски групи, бројот на работниците во индустријата во јули 2021 година, во однос на јули 2020 година, бележи опаѓање кај Енергија за 3,9 отсто, Интермедијарни производи, освен енергија за 1,5 и Нетрајни производи за широка потрошувачка за 6,2 отсто, додека пораст бележи кај Капитални производи за 12,2 и Tрајни производи за широка потрошувачка за 5,6 отсто.