Изградбата на најголемата фотонапонска постројка на светот е завршена во Кина.

Tаа е приклучена на локалната електроенергетска мрежа. Тоа е еден од чекорите на кинеската влада, критикувана заради емисијата на штетни гасови, во обидите да предводи во примената на системи за обновлива енергија.

Сместена во градот Хуинан, ова 40 мегаватна постројка ја направи компанијата Сунгров Пауер Саплај.

Самата пловечка мрежа на соларни панели е изградена над поранешниот, а денеска поплавен, рударски регион.

Соларните фарми стануваат сè попопуларни во светот заради единствениот дизајн, кој е ефикасен и решава проблеми на градското планирање.

Министрите за трговија на земјитре од ЕУ постигнаа договор околу строги еколошки правила за приватни возила.

Здруженијата за заштита на животната средина и потрошувачите не се задоволни и сметаат дека правилата имаат недостатоци.

После долги и макотрпни преговори, министрите за трговија на ЕУ постигнаа договор во Брисел околу тестирање на издувните гасови.

Во позадина на тој договор се манипулациите околу количините на штетни издувни гасови кај автомобилите со мотори на дизел погон кои веќе неколку години се присутни во јавноста.

Kрајно време е ЕУ да предложи оддржани системи за издавање на употребни дозволи за автомобили, рекла комесарка на ЕК за трговија Бјенсковска.

Комисијата ќе ги предлага правиалта, а контрола ќе спроведуваат самите земји членки. Комисијата ќе може да изрекува казни и до 30 илјади евра по автомобил. 

Со почетни цени од 899 евра започнува продажбата на станови во кулата Б во висококатниците на Џевахир во Аеродром.

Цените за апартманите во кулата Б се одлична понуда на пазарот на недвижнини во Македонија. Оваа цена вклучува дополнителни елементи кои не ги нуди никој на пазарот, а во исто време новите станари стануваат дел од првите функционални згради во државата, односно се дел од еден мини град, изјавија од Фортон, агенцијата за недвижнини одговорна за продажба на становите.

Во цената се вклучени вградените елементи во кујната, како и опремено бања, што е дополнителна вредност за секој купувач. Системот за греење и ладење значително ги намалува трошоците. Како дел од секојдневието на секој сопственик на стан во функционалниот комплекс влегува и организирано домување кое вклучува 24часовна рецепција, обезбедување и одржување на просторот. Во рамките на комплексот има базени, турска бања и спа, фитнес центар, како и игротеки за децата и поврзаност со трговскиот центар. 

Во предлог-програмата на Владата доставена до Собранието, во делот за здравството, пишува дека веднаш ќе започнат подготовките за воведување бесплатно болничко лекување за сите здравствени осигуреници. Освен тоа, новата Влада планира зголемување на основната плата на сите здравствени работници, со што се очекува основните плати на да бидат двојно зголемени до крајот на мандатот.

До 2020 година платите на докторите-специјалисти во терциерното здравство  предвидено е скалесто да се зголемуваат и да изнесуваат минимум 100.000 денари, односно 1.600 евра.

„Мој термин“ ќе биде заменет со систем кој ќе гарантира брза и квалитетна здравствена заштита на секое ниво, со точно утврдени рокови и обврски. Во предлог-програмата пишува дека новиот систем драстично ќе го намали времето за административни обврски на докторите.

Владата во програмата предвидува и изградба на нов, современ и функционален Универзитетски клинички центар во Скопје и ќе го врати концептот на единствен Универзитетски клинички центар во кој клиниките ќе бидат функционално поврзани. Предвидена е специјализација за најдобрите 10 студенти во секоја генерација и да се зголемат квотите на државните специјализации. Предност ќе имаат дефицитарните специјализации според потребите на здравствените установи и регионите, а за време на специјализацијата на приватните специјализанти, ќе им се исплаќаат плата и придонеси во висина на минимална гарантирана плата за општ лекар.

Во соработка со здруженијата на родители за деца со ретки болести и посебни потреби Владата ќе предложи нови законски регулативи со кои ќе се овозможи грижата за оваа чувствителна категорија да биде посеопфатна, и посигурна.

Во делот на стоматологијата, Владата ќе планира зголемување на капитацијата по пациент за матичните стоматолози и основни бесплатни стоматолошки пакети за деца до 18 години, како што пишува во предлог-програмата, ќе работи и на надминување на состојбата со немање на лекови на рецепт после 15 во месецот и зголемена достапност на лекови.

Освен тоа,  во предлог-програмата пишува дека ќе се воспостави систем кој ќе оневозможи злоупотреба на пропишаните рецепти и фиктивно трошење на месечните квоти за набавка на лекови. Листата на лекови кои паѓаат на товар на ФЗОМ ќе се ревидира еднаш годишно, со внесување на нови лекови во истата и гарантирана застапеност на сите лекови од есенцијалната листа на лекови. Владата ќе се залага барем еден вид на орална контрацепција да биде ставен на позитивната листа.