Нема да има рестрикции на струја по Нова Година. Ќе има доволно количество на електрична енергија, а поскапувањето нема да биде како што некои сеат страв кај граѓаните, порачува вицепремиерот за економски прашања, координација со економските сектори и инвестиции Фатмир Битиќи во предновогодишното видео интервју за МИА.

Тој не сака да навлегува во предвидувања колку ќе поскапи струјата по 1 јануари, но нагласува дека како Влада направиле се што е во нивна моќ за да осигураат евентуалното поскапување да не биде како што некои најавуваат.

Знам сигурно една работа што ќе се случи, а тоа е дека за граѓаните ќе обезбедиме доволно електрична енергија, не само во јануари, туку и понатаму, што значи дека потребите за електрична енергија нема да се загрозат. Тоа значи дека нема да има рестрикции. Тоа можам да го гарантирам. Знам дека како Влада се што беше во наша моќ сторивме за да се осигура дека поскапувањето евентуално по 1 јануари не биде големо како што некои навестуваат. Јас гарантирам дека нема да биде како што некои сакаат да сеат страв кај граѓаните. И ќе продолжиме да инвестираме во обновливи извори на енергија, истакнува вицепремиерот.

За ранливите категории на граѓани ќе бидат обезбедени ваучери за енергетски додаток и ќе се прошири целната група.

И претходно го имаа овој додаток, но тој беше вкалкулиран во социјалната помош. Тој ваучер сега ќе се прошири со поголема целна група и ќе оди директно како енергетски додаток за да се ублажи евентуалниот удар од можното зголемување, вели Битиќи.

За цените на основните прехранбени продукти кои се замрзнати до 31 јануари, вицепремиерот вели дека будно се следи ситуацијата и доколку е нужно, ќе бидат воведени и други мерки.

Битиќи не е застапник на тоа Владата да интервенира во пазарната економија со замрзнување на цените и со лимитирање на маржа, бидејќи смета дека сите чинители во општеството треба да бидат совесни и да не ги користат евентуалните можности за да ги зголемуваат цените, но, за жал, како што вели, се уште како општество не сме дораснати за вистинските пазарни вредности.

Има еден концепт за кој се залагам повеќе од 20 години, а тоа е дека секогаш кога правиш нешто, прави го, но да не му наштетиш на другиот. Тоа значи да профитираш за себе, но ако заради твојот профит, тоа го правиш на грбот на стотици луѓе, сметам дека тоа не е етички и морално и според правилата на игра не би требало да се применува. Јас сум еден од првите кој најави дека ќе бидеме многу ригорозни кон компаниите ако има здружување и договарање на цени на одредени продукти затоа што тоа му наштетува на основниот принцип на пазарната економија. Јас сум поборник да елиминираме такви појави, а не да замрзнуваме цени. Но за жал, моравме да го направиме тоа затоа што во нашето општество не сме се уште дораснати за вистинските пазарни вредности кои треба да ги имаме, нагласува вицепремиерот Битиќи во интервјуто. 

Претседателот на Собранието, Талат Џафери, иницијативата на ССМ за Законот за изменување и дополнување на Законот за минимална плата ја доставил до пратениците по четири дена од денот на поднесувањето на истата.„Му се заблагодаруваме на Претседателот на Собранието, Џафери за брзата реакција и ги повикуваме пратениците, согласно нивните надлежности, истата да ја прифатат и да го искористат своето право согласно член 132 од Деловникот за работа на Собранието и со тоа да го искористат право да предложат донесување на закон, кое право го има секој пратеник во Собранието и треба да го искористат по иницијативата на ССМ.

Ги охрабруваме и пратениците, предлог за донесување на Закон за изменување и дополнување на Законот за минимална плата во Република Северна Македонија доставен од страна на ССМ, согласно своите надлежности да го поддржат и предложат и тие“, се вели во соопштението од Сојузот на синдикати на Македонија.

Истовремено, Сојузот на синдикатите на Македонија како член на Економско – социјалниот Совет достави барање за свикување на седница на Економско – социјалниот Совет во најкус можен рок на која ќе се дискутира и разгледа иницијатива на ССМ за предлог за донесување на Закон за изменување и дополнување на Законот за минимална плата како посебна точка на дневниот ред.

ССМ укажува дека во услови кога Синдикалната минимална кошница за октомври 2021 година изнесува 34.893,00 денари, или истата само во 2021 година е зголемена за повеќе од 1.300,00 денари, постои реална потреба од зголемување на минималната плата, а со дискусијата ако минималната плата дојде до висина од најмалку 18.000,00 тогаш одприлика две минимални плати би биле доволни да ја покријат синдикалната минимална кошница што би значело подобрување на животниот стандард на македонскиот работник на кој очигледно му е потреба плата за живот.

Уште повеќе ако знаеме дека одлуката за замрзнување на цените на одредени производи завршува заклучно со 31.01.2022 година, како и очекуваното зголемување на цената на електричната енергија за најмалку 10% што исто така ќе придонесе до зголемување на Синдикалната минимална кошница и зголемување на цените, а овие трошоци ќе се плаќаат во месец февруари 2022 година, неопходно е работниците да добијат зголемена минимална плата како и зголемени плати поради растот на минималната плата согласно Закон и колективен договор, реагира ССМ.

Сите сме работеле за барем еден лош работодавец. Сепак, никој на таква позиција не прави ништо во врска со тоа. Но сте останале во таа компанија и давате се од себе, и покрај вашиот шеф.Или сепак не? Ако некое од овие ви изгледа познато, време е вашето работно место да се обликува или да размислите да најдете поздраво место за работа.

1. Токсичното работно место може да има слаба комуникација

Недоволната комуникација е виновникот за толку многу проблеми на работното место.Всушност, комуникациските вештини се најважните вештини потребни за секоја успешна организација.

2. Вашите колеги создаваат хаос

Прво, колегата кој често се жали дека има премногу работа или дека неговата канцеларија е премногу мала, може да го чувствувате како некој на кого можете да му се доверите кога ќе се соочите со ваша болка. Но, таа негативност може да излезе од контрола.

3. Токсичното работно место често нема рамнотежа помеѓу работата и животот

Вие заслужувате да имате исполнет живот надвор од работата. Треба да можете да ги исклучите известувањата. Треба да можете да ја оставите е-поштата непрочитана по вечерата во вторник. Треба да бидете во можност да закажете преглед на стоматолог без да се чувствувате виновни.

4. Токсичното работно место предизвикува лоша интуиција

Исто како кога јадете расипана храна или премногу бонбони, вашите црева се вашиот најдобар знак за предупредување. Ако вашата интуиција ви кажува дека вашето работно место е лошо, веројатно е лошо. Ако вашата вознемиреност е преку покривот, ако се сомневате дека доживувате дискриминација, ако вашето физичко здравје страда - и сето ова се случува на редовна основа, имате голем проблем.

Што да правите во случај на токсична работа? Развијте пријателства со луѓе кои се чувствуваат исто како вас. Направете нешто после работа што може да помогне да се ослободите од стресот.  Започнете ја вашата стратегија за излез од ваквата ситуација.

Формула 1 болидите имаат екстремно скапи делови, затоа тимските шефови со право се фаќаат за глава кога некој од нивните возачи ќе направи некаква штета на своите болиди. Во сезоната зад нас, секој од возачите на некој начин го оштети својот болидот, а компаниите мораа да направат нови делови кои се исклучително скапи. За поправки на болидите се потрошени точно 38.871.000 евра. За споредба, цената на еден цел болид е 10,5 милиони евра.

Оштетување на болидите на возачите во Формула 1 во 2021 година:

• Естебан Окон 280.000 евра
• Фернандо Алонсо 315.000 евра
• Себастијан Фетел 660.000 евра
• Даниел Рикиардо 713.000 евра
• Антонио Џовинаци 854.000 евра
• Серхио Перез 939.000 евра
• Пјер Гасли 1.113.000 евра
• Луис Хамилтон 1.255.000 евра
• Ландо Норис 1.453.000 евра
• Карлос Саинц 1.756.000 евра
• Џорџ Расел 1.845.000 евра
• Кими Раиконен 1.950.000 евра
• Никита Мазепин 2.468.000 евра
• Јуки Цунода 2.606.500 евра
• Ленс Строл 2.686.000 евра
• Валтери Ботас 2.713.500 евра
• Никола Латифи 3.116.500 евра
• Макс Ферстапен 3.889.000 евра
• Шарл Леклер 4.046.000 евра
• Мик Шумахер 4.212.500 евра