Купувачите се всушност сите луѓе околу нас, купувачи сме и ние. Дали и како нашето однесување се рефлектира на пазарот.

Незадоволните купувачи се нешто кое секоја компанија го има директно или индиректно. Секако, незадоволните купувачи значат многу за компаниите - во негативна конотација.

Екпертите со години пробуваат да создадат правила за тоа како треба да се однесувате кон вашите купувачи кои се незадоволни по некој основ. Ги издвојуваме следните:

1. Слушајте ги

Без оглед на видот на купувачот кој е лут на вашата компанија, вие треба да бидете добар слушател пред сè друго. Ќе треба да знаете зошто тој е лут и кои се грешките што тие мислат дека вашиот бизнис ги прави.

2. Прво анализирајте пред да одлучите било што

Не одлучувајте пред да направите добра анализа на тоа зошто се лути купувачот.

Ќе треба да поставувате прашања како што се како тој купувач придонесува за вашиот бизнис, колку приход генерираат за вас, што е со фреквенцијата на нивните купувачки навики, можете ли да подобрите нешто во врска со тоа …

Врз основа на одговорите на овие прашања можете да се одлучите за вредноста да го трошите вашето време за да се справите со таков купувач.

3. Нема ништо лично

Понекогаш јазикот на лутиот купувач може да изгледа многу лично за вас. Но, ништо не е лично. Без оглед на тоа што вашиот купувач го вели или прави, не сваќајте го тоа лично.

Вие сте претприемач со купувачи кои во повеќето случаи се разочарани од вашите бизнис процеси, а не од вас или вашите вработени.

4. Ако е вредно за вашето време, запрашајте го како можете да го направите среќен

Вие не сакате само да го задоволите лутиот купувач туку сакате да ги најдете вистинските проблеми и да се обидете да ги подобрите вашите бизнис процеси за во иднина. Најдобрите информации можат да дојдат токму од овие видови на купувачи.

Но, морате да бидете внимателни, особено за купувач кој не е некој што придонесува многу за вашата компанија. Понекогаш тие можат да бидат обични минувачи кои доаѓаат еднаш и никогаш повеќе не прават бизнис со вас. Запрашајте се дали е достоен за вашето време, за да најдете начин како да го направите среќен.

5. Ставете го тој купувач на вашата листа на чекање

Кога ги знаете причините за нивната лутина, ќе ти треба дополнителна анализа за да донесете правилна одлука. Заблагодарете им се за информациите и кажете им дека ќе им се јавите подоцна.

Но, не заборавајте да им се јавите.

6. Вреди ли да се занимавате со нив?

Веќе ја знаете вредноста за тој купувач, веќе ги проверивте и изворите на проблемот, па сега лесно можете да одлучите даоли вреди да се занимавате со нив.

7. Повикајте го да се врати и разговарајте за проблемот

Кога ќе се одлучите што е потребно да направите, повикајте го да се врати и разговарајте со него за проблемот. Сега, веројатно не е толку нервозен и разговорот може да биде поинформативен и поквалитетен за вас.

Имате две можности: да се извините или да престанете да работите во иднина со нив.

8. Се извинувам и ветувам

Ако тие се вредни за вас и откривте дека вашите бизнис процеси се вистинската причина зошто тие се лути, можете да им каже дека такво нешто никогаш нема да се случи повторно. Извинете им се и кажете им што веќе сте преземале за да се справите со проблемот.

Како резултат на ниските температури во грејната сезона 2016/2017 година од Снабдување со топлина Балкан енерџи информираат дека била испорачана топлинска енергија повеќе од прогнозираното, а грејната сезона траела и 16 дена подолго од вообичаеното.

-Екстремно ниските температури во текот на зимата ја зголемија испораката на топлинска енергија во централниот систем за топлинска енегија во Скопје. Како резултат на ниските температури, во грејната сезона 2016/2017 година до потрошувачите биле испорачани 507.906.124 kwh, а предвидени биле 480.235.185 kwh, согласно прогнозите направени во август 2016. Зголемената испорака на топлинска енергија пред сè е резултат на екстремно ниските надворешни температури измерени во одделни месеци кои во одредени денови се симнаа до минус 21 степен целзиусов како и невообичените ниски температури во октомври и април, заради што и грејната сезона започна порано и заврши подоцна од вообичаеното, велат од БЕГ.

Оттаму додаваат дека грејна сезона 2016/2017 започна на 5 октомври, за разлика од вообичаениот старт на 15 октомври. Истовремено, грејната сезона траеше и подолго од вообичаениот термин – 15 април, и годинава траеше до 24 април. Ова значи дека годинава грејната сезона траела 16 дена подолго, односно наместо 183 дена, траела 199 дена.

-Поголемата количина на испорачана топлинска енегија до потрошувачите од прогнозираната, ќе биде нивелирана во сметките што потрошувачите ќе ги добијат во текот на мај, јуни и јули, кога вообичаено се врши порамнување, помеѓу прогнозираната и реално испорачаната топлинска енергија. Висината на порамнителните сметки е различна за секој потрошувач и зависи од карактеристиките и енергетската ефикасност на објектот и секако од количината на испорачана топлинска енергија во согласност со надворешните временски услови, велат од БЕГ.

Оттаму додаваат дека потрошувачите во текот на целата година во своите сметки добиваат податок за тоа колку енергија потрошиле, во споредба со месечниот паушал и колкава е разликата помеѓу потрошената и прогнозираната топлинска енргија. Ако при порамнувањето се утврди дека е потрошена повеќе топлинска енергија отколку што авансно е пресметана, тогаш разликата ќе биде распределена на три еднакви рати и соодветно фактурирана во сметките за месеците мај, јуни и јули. Ако пак потрошувачот авансно платил повеќе отколку што е утврдено при мерењето на потрошената топлинска енергија, тогаш разликата ќе му биде вратена на неговата трансакциска сметка, доколку нема заостанати долгови.

-Согласно со законската регулатива, сметките/фактурите за топлинска енергија се состојат од надоместок за ангажирана топлинска моќност (фиксен дел) и надоместок за топлинска енергија (варијабилен дел). Фиксниот дел од сметката/фактурата зависи од ангажираната топлинска моќност, додека варијабилниот дел зависи директно од количината на потрошена топлинска енергија на мерното место. Потрошувачите што ја плаќаат топлинската енергија на 12 месечни рати, од август во тековната година, до април следната година добиваат месечни сметки/фактури, во кои покрај фиксниот дел, им се пресметува и авансен варијабилен надоместок. За месеците мај, јуни и јули 2017-та, овие потрошувачи ќе добијат фактури во кои е извршено порамнување на варијабилниот дел и на фикскиот дел согласно со законската регулатива. Ова порамнување е во согласност со разликата помеѓу евидентираната потрошена топлинска енергија во грејната сезона и авансно фактурираниот износ во перидот од август 2016 до април 2017, појаснуваат од БЕГ.

Оттаму велат и дека количината на испорачаната на топлинска енергија и времетраењето на испораката се одвива согласно Правилата за снабдување со топлинска енергија и Мрежните правила за дистрибуција на топлинска енергија, донесени од Регулаторната комисија за енерегика која носи конечна одлука за почеток и крај на грејната сезона.

-Снабдувањето со топлинска енергија на тарифните потрошувачи може да биде започне пред 15-ти октомври и да биде продолженo по 15-ти април, доколку прогнозираната средна надворешна температура за следниот ден е еднаква или помала од 12 степени Целзиусови, според податоците од Управа за хидрометеролошки работи на Република Македонија. Грејната сезона може да биде продолжена најмногу до 1. мај, велат од БЕГ.

Се повеќе семејни долгогодишни бизниси изумираат во нашата држава. Бидејќи се занимаваме со HR решивме да истражиме што е тоа што ги убива овој тип на компании.

Нашите баби и дедовци и родители купуваат млеко од истата компанија со генерации а денес гледаме дека компанијата има послаб квалитет, повисоки цени и лош однос со клиенти.

Зошто е тоа така?

Зошто семејните компаниите иако во помодерни услови не успеваат барем да останат на истото ниво како и во минатотот?

“Кога јас се мачев, тој/таа не мора” е уникатнa за нашиот регион.  Всушност, не знеме дали тоа е мудрост. Дури и ако е оправдана, во трите наведени случаи не е применлива.

Никој никого не мачи, ако му/и даде работа за која е квалификуван/а, ако за таа работа е адекватно вреднуван/а и ако поттикнува да ја почитуваат работната дисциплина.

Прва причина  - Наследникот не смее да биде генерален менаџер одеднаш, туку треба да почне да се искачува по скалилата на успехот во компанијата на своите родители
Втора причина - Членовите на семејството не треба да имаат повисоки плати од нивните колеги на иста позиција на која ги извршуваат истите задачи;
Трета причина - Членовите на семејството треба да го почитуваат работното време

Традицијата е нешто прекрасно и семејните бизниси треба да се негуваат и продлабочуваат со нови идеи од подмладокот, сепак, размислете во кој правец одат семејните бизниси во нашиот регион, се согласувате нели?

На многу од нас жените ни е преку глава од купување на скапи дизајнирани хулахопки 3 пати месечно, бидејќи ги кинеме на работа или пак ќе ги закачиме со нокт при облекување.

Секоја жена сака да ги носи хулахопките повеќе време. Но, за жал, уште на второто или третото облекување по нив се појавува грда линија и треба да ги фрлите. Но, има еден едноставен трик, кој ќе ви помогне да го продолжите животот на вашите омилени хулахопки!

Се што треба да направите е само да ги замрзнете хулахопките!

Да, тоа звучи малку лудо, но мора да го пробате овој метод. Следниот пат, кога ќе купите нови хулахопки, ставете ги во замрзнувач. По нивното замрзнување, одмрзнете ги и оставете ги да се исушат.

На овој начин ќе ги зајакнете влакната на хулахопките и тие ќе траат подолго од обично.

На девојките од Кариера.мк им успеа - пробајте и вие :)