Во последно време често се говори дека Албанија е туристичка дестинација која на оние со плиток џеб добро ќе им дојде како замена за дестинаци од кои се откажуваат поради високите цени.

Саранда е град во истоимената покраина на југот од Албанија, има околу 50 000 жители, излегува на Јонското море и е главно албанско пристаниште.

Таа им е омилена на туристите.

Саранда, која е центар на најјужниот округ на Албанија, е просперитетен регион со различни атракции, рамнини и планини, реките и езерата, цитрус насади, маслинови градини и лозја, пасишта и шуми.

Ако сакате да се сместите во приватно сместување во Саранда, најдобро е да го побарате на лице место, бидејќи приватни апартмани тешко се наоѓаат на интернет. За 20 евра од ноќ може да најдете пристоен и уреден апартман поголем од 60 квадратни метри во кој може удобно да се сместат до шест лица.

Сместување во хотел, е нешто поскапо и цените се движат од 18-20 евра во јуни/септември па до 30 евра од ноќ од лице во време на шпицот во хотел со три ѕвездички на 20 метри од плажа со појадок.

Во просек за седумдневен одмор за две лица, во Саранда потребно е да издвоите околу 350 евра, вклучувајќи го превозот, сместувањето и храната.

Официјална валута е лек (1 евро-139 леки), но во сите продавници, кафичи и ресторани примаат и евра, а може да избирате дали за кусур сакате евра или леки.

Што и да одлучите нема да бидете оштетени, бидејќи граѓаните таму добро баратаат со претворање на валути.

Цените на храна во супермаркети се поволни. Според туристи кои биле таму кока кола во лименка чини 60, флаширана вода од 1,5 литри 50. леб 60, макијато во кафе бар 150 леки.

За еден литар дизел потребно е во просек да издвоите 185 леки (1,33 евра). 

Цените во ресторани исто така се пристојни и во главната туристичка улица/шеталиште на плажа може да добиете вечера за најмногу 10 евра по лице.

На први јули годинава кутија цигари се очекува да поскапи за околу четири денари, а до 2023 година се очекува цената на една кутија цигари да биде повисока и за 40 денари во однос на сегашната.

Согласно регулативите за акцизи на цигарите, расте цената на ова „задоволство“ за граѓаните на Македонија.

Од 1 јули 2016 година заклучно со 1 јули 2023 година, акцизната стапка за цигарите ќе се зголемува за 0,20 денари за парче во секоја година, што значи на 1 јули секоја година, кутија цигари ќе станува за по 4 денари поскапа.

Пресметките покажуваат дека секоја година цигарите ќе поскапуваат најмалку по 4 денари за кутија, што значи дека до 2023 година, една кутија што денес се продава за 70 денари ќе чини над 110 денари.

Но во Македонија покачувањето на акцизата не секогаш се врзува со поскапувањето на цигарите во малопродажбата. Минатата година некои производители се решија цените да не ги покачат веднаш и акцизата да ја компензираат од сопствените приходи. Други производители пак поскапувањето го направија порано. Во Македонија оваа година веќе имаше еден бран на поскапување на цигарите.

Бројот на Британци кои станале германски државјани пораснал за 361 отсто во 2016 година, објави Државната канцеларија за статистика, што покажува дека многумина стравуваат дека Брегзит, ќе им го отежне или оневозможи животот и работата во Европската Унија, пренесува Reuters.

Вкупно 2865 Британци минатата година добиле германско државјанство, а се очекува оваа година таа бројка да биде во пораст.„Очигледна е врската со Брегзит“, објави Државната канцеларија за статистика.

Дел од Британците стравуваат од „тврд“ Брегзит, кој земјата ќе ја исклучи од единствениот пазар и дека ќе им го ограничи движењето. Минатата година германско државјанство добиле 110.400 странци, што е за 2,9 отсто повеќе од претходната година.

Велика Британија треба да ја напушти ЕУ во 2019 година.

Речиси 92 отсто од граѓаните на Франција сметаат дека електричните уреди што ги купуваат се програмирани да траат покус период, односно да се покаже дефект веднаш по истекот на гаранцијата.

Поради ова Одборот за внатрешен пазар и заштита на потрошувачите при Европскиот парламент усвои извештај за продолжување на рокот на употреба на уредите.

Усвоени се сите предлози на хрватската европарламентарка Биљана Борзан, која побарала забрана за програмиран дефект, поголема достапност до резервни делови на пазарите, како и воведување ознаки за минимален рок на употреба на апаратите.

Во претходна студија, спроведена во соработка со европски потрошувачки центри, се укажува дека машините за перење облека се програмирани на одреден број вртежи, телевизорите на неколку илјади работни часови, а печатарите на испишување одреден број страници.

Европскиот социјален и економски совет веќе објави студија за влијанието на рокот на траење на производи врз продажбата.

Предлогот сега го усвои и ЕП. Голем број европски држави веќе развија закони за проблемот со дефект на уредите. Во Франција со закон е забрането програмиран дефект. Во Австрија постои ознака што се става на електрични уреди кои подолго траат и лесно се поправаат, а во Шведска луѓето имаат даночни олеснувања доколку однесат електричен уред на поправка.