Здружението на граѓани Викимедија МКД како огранок на Фондацијата Викимедија во Македонија, работи на промовирање на Википедија, како и на други сродни проекти.

На отворената работна позиција за 2024 година со можност на продолжување во наредните години, се бара иновативен, мотивиран поединец, со добро чувство за професионална одговорност и со работна етика за позицијата:

* Менаџер на заедница

Потребни квалификации:

• Најмалку ВСС VII/1 степен (или најмалку 240 кредити според ЕКТС)
• Одлично познавање на англиски јазик (пишување и зборување)
• Возачка дозвола Б – категорија - не е услов
• Познавање на работа со Википедија се смета за предност
• Работно искуство од најмалку 2 години во невладин сектор се смета за предност

Работно време:

Работното време е 6 часа дневно, од кои 4 платени и 2 волонтерски часа, но доколку проектите го бараат тоа, може да биде и попладневно или за време на викенди.

Одговорности и задачи:

• Водење на активностите, настаните и обврските што Здружението ги има со заедницата;
• Спроведување на наградни и други видови уредувања во кои се повикува заедницата да учествува;
• Проверка на статиите од учесниците на уредувачките повици;
• Помагање на менаџерот за образование и менаџерот за маркетинг и комуникации, и/или другите членови при изведување на настани и проекти;
• Да врши организирање на материјали и услуги потребни за проектите.

Ние нудиме:

• Платена обука, и потоа вработување;
• Интересна и исполнета седмица, соработка со различни профили на луѓе;
• Патувања.

Ве покануваме да ја доставите Вашата професионална биографија (CV), мотивациско писмо и фотографија со назнака за позицијата ​на мејлот [најави се за да го видиш е-маилот]

Само кандидатите кои ќе влезат во потесен круг ќе бидат контактирани.