Владата на денешната седница на предлог на Министерството за економија донесе Одлука за определување на највисока трговска маржа на основните прехранбени производи во трговијата на големо и на мало, информира министерот за економија Крешник Бектеши.

Во консултација со бизнис заедницата и по координација со надлежните институции донесовме Одлука според која започнувајќи од утре, заклучно со 30 септември 2022 година за леб бел – сечен на парчиња или цел, шеќер бел како и сончогледово масло за јадење (без ладно цедено масло се утврдува трговска маржа во висина до 5 отсто во трговијата на големо и на мало. За брашно од пченица – тип 400 и тип 500, макарони и шпагети од тврда пченица, македонски ориз бел, трајно кравјо млеко со масленост од 2,8, 3,2 и 3,5 отсто и јајца од кокошка за сите трговски друштва и трговци поединци кои учествуваат во трговскиот ланец, се утврдува трговска маржа во висина до 10 проценти во трговијата на големо и на мало, информира министерот Бектеши на денешната прес-конференција пред Владата.

Тој додаде дека според Одлуката за овие производи нема да се пресметуваат оперативни трошоци и не се одобрува рабат и надоместоци кои трговецот на мало ги наплаќа од трговецот на големо и тоа за рекламирање и за изложување на стоките на рафтови односно полици.

Со оваа Одлука се ограничува растот на цените во наредниот период преку утврдување на висината на трговската маржа која треба да влијание на растот на цените на мало на основните прехранбени производи. На овој начин, евентуалниот раст на цените во трговијата на големо и трговијата мало ќе биде предизвикан од растот на увозните и берзанските цени, како и растот на производствените трошоци, додаде Бектеши.

Според Одлуката, како што нагласи министерот, се предлага рабатот и надоместоците да не се одобруваат до 31 декември 2022 година. 

Биткоинот и другите криптовалути имаат тенденција да корелираат со акции и други ризични средства

Биткоинот вчера во азиското тргување падна на најниско ниво во последните 18 месеци, под влијание на загрижувачките податоци за инфлацијата во САД, што предизвика аверзија кај инвеститорите кон инвестициите во ризични средства.

Но, падот не застана тука.

Имено, монетата продолжи да паѓа, достигнувајќи ниво под 24.000 долари - најниско од декември 2020 година, бидејќи инвеститорите ги отфрлија криптовалутите во услови на поширока продажба на ризични средства. Во меѓувреме, компанијата за криптовалути, Целзиус, го паузираше повлекувањето на средствата за своите клиенти.

Најголемата криптовалута во светот, биткоинот, се тргуваше за околу 23.575 долари во 7:45 часот на Волстрит, според CoinDesk. Во текот на викендот и понеделник наутро, повеќе од 200 милијарди долари беа избришани од целиот пазар на криптовалути.

Пазарната капитализација на криптовалутите падна на под еден трилион долари во понеделник, 13 јуни, за прв пат од февруари 2021 година, според CoinMarketCap.

За сето тоа, односно за пазарот на мечки на берзата секако придонесуваат различни макро фактори, додека инфлацијата продолжува, а се очекува дека Федералните резерви оваа недела ќе ги зголемат каматните стапки за да го контролира растот на цените. Минатата недела американските индекси силно се распродадоа, а индексот Nasdaq нагло падна.

Биткоинот и другите криптовалути имаат тенденција да корелираат со акции и други ризични средства. Кога овие индекси паѓаат, паѓа и крипто.

Европскиот парламент и европските влади се согласија во понеделникот вечерта за правилата за ковид потврди ќе останат во сила во следните 12 месеци бидејќи пандемијата на коронавирус сè уште трае.

Претставниците на Европскиот парламент и владите на ЕУ се согласија да ја продолжат регулативата до 30 јуни 2023 година, соопшти француското претседателство со Советот на ЕУ, додавајќи дека регулативата може да биде отповикана пред тој рок, доколку здравствената состојба дозволи.

Сертификатите се наменети да го олеснат слободното движење на луѓето за време на пандемија.

Со помош на QR-код, сертификатот може да се користи за да се докаже дали некое лице е вакцинирано против коронавирус, дали е негативно тестирано за коронавирус или дали се опоравило од ковид-19.

Дигиталната верзија може да се зачува на мобилен уред.

Во февруари, Европската комисија предложи продолжување на регулативата за сертификатите на ковид.

Вирусот што предизвикува Ковид-19 сè уште е распространет во Европа и во оваа фаза не е можно да се утврди влијанието на можното ширење на инфекцијата во втората половина на 2022 година или појавата на нови варијанти, соопшти Комисијата.

Проширувањето на регулативата им овозможува на патниците да продолжат да го користат својот сертификат за коронавирус доколку земјите-членки задржат одредени мерки за јавно здравје.

Новите мерки за справување со кризата почнуваат веднаш штом ќе биде изгласан ребалансот на Буџетот во Собранието. Мерките се насочени за најкритичните граѓани и компании, истакна вицепремиерот за економски прашања Фатмир Битиќи.

Тој во гостувањето во „Утрински брифинг“ истакна дека сите мерки што се преземаат треба да бидат адекватни и возможни во одреден период, секоја мерка може да има последователни негативни ефекти на друга страна.

Мерките се наочени кон најранливите категории, притискот е голем, преземаме мерки исто како во пандемијата, првите беа за сите, а потоа за најкритичните граѓани и комапнии. Исто така, и три програми за земјоделието преку интервентниот фонд не можат да поминат додека не се изгласа ребаланост. Ние имавме намалување на даночни стапки и за производи и за горива и за енергенси, за енергенсите останаа. За опозицијата ребалансот е задоцнет, но затоа има поднесено 800 амандмани, рече Битиќи.

Во врска со наглото зголемување на цените по завршувањето на мерките за основните прехранбени производи, Битиќи напомена дека тоа се должело на зголемување на маржите и било неоправдано, вештачко зголемување на цените, но по неговото укажување, цените се вратиле или стагнираат.

Во време на криза не можеш да се однесуваш како воен профитер, а знаеме како завршуваат воени профитери. Јас апелирам на моралните вредности на стопанствениците  кои треба да ја имаат предвид општата ситуација, и во пазарна економија мора да има морални и етички норми, истакна Битиќи.

Тој нагласи дека задолжувањето вчера падна за 2,2 проценти, и како што рече, граѓаните дека не треба да се грижат за задолжувањето, додека оди за продуктивни цели и за справување со кризата.

Се задолживме за време на пандемијата, но имавме пад на економијата помал за 4,2 проценти. Заради тоа спасивме 60.000 работни места. Не е продуктивно само на направиш зграда или пат, продуктивно е да спасиш едно семејство од губење работа. Задолжувањето за да спасиме граѓани од кризата, да обезбедиме енергенси, електрична и топлинска енергија, да креираме работи места, да продолжиме да инвестираме во инфараструктруа е продуктивно, порача Битиќи.