Денес ви ги издвојуваме најпосетуваните работни позиции од реномирани компании на KARIERA.mk, се надеваме дека ќе го најдете вашето идеално работно место меѓу нив.

СКЕИЛ ФОКУС e компанија за развој на софтвер и дигитални услуги со мисија да им помогне на клиентите да растат преку искористување на најновите технологии и врвни таленти. Комбинирајќи длабока технолошка експертиза со широко индустриско знаење, им помагаме на бизнисите беспрекорно да се движат низ технолошкиот лавиринт. Како една од водечките софтверски компании во Источна Европа, обезбедуваме целосен опсег на ИТ консултантски услуги и услуги за развој на софтвер, покривајќи ги сите фази од животниот циклус на развој на софтвер. Нашите заеднички вредности опфаќаат иновации, се стремат кон извонредност, отворена комуникација, агилност и интегритет. Тоа ги прави сите наши колеги да се чувствуваат дел од енергична заедница која сонува големи и постигнува уште повеќе.

Моментално се отворени следниве работни позиции:

SENIOR IOS DEVELOPER
SENIOR TEST AUTOMATION ENGINEER
SENIOR JAVA DEVELOPER
SENIOR NODE.JS DEVELOPER

БРАКО ДОО се занимава со развој и производство на производи целосно изработени од метал или комбинација на метал и други материјали. Константно го прошируваме својот тим, со цел успешно да ги надоградиме своите перформанси и производи.

Моментално се отворени следниве работни позиции:

ОПЕРАТОР НА МАШИНА
ЗАВАРУВАЧ
ОПЕРАТОР НА МАШИНА ЗА ПАКУВАЊЕ НА КЛИНЦИ
ОПЕРАТОР НА МАШИНА ЗА ИЗВЛЕКУВАЊЕ НА ЖИЦА

MAJOREL дизајнира, гради и испорачува висококлвалитетна корисничка подршка, CX за многу светски водечки брендови.  Ние ги сервисираме клиентите ширум светот преку нашите  82,000+  вработени, лоцирани во  45 земји на 5 континенти на 60 јазици . Ние ги подржуваме вашите клиенти во секое време, преку различни апликации и алатки, на начин на кој тие очекуваат од нивните брендови. Го зборуваме нивниот јазик без разлика каде и да се и без разлика на нивната култура. Имаме повеќе од 400 клиенти глобално, со многу од нив работиме повеќе од 12 години.  Како лидери во индустријата, ние ви ги нудиме најсигурните и најсоодветните решенија. Некои од најголемите компании, вклучувајќи ги и најголемите познати брендови им веруваат токму на нашите вработени да ги преставуваат.

Моментално се отворени следниве работни позиции:

RECRUITMENT SPECIALIST – (GERMAN AND ENGLISH SPEAKING)
СПЕЦИЈАЛИСТ ЗА КОРИСНИЧКА ПОДДРШКА

ЕЛЕКТРОДИСТРИБУЦИЈА ДООЕЛ Скопје е компанија чија главна дејност е дистрибуција на електрична енергија. Компанијата е дел од EVN групацијата. ЕЛЕКТРОДИСТРИБУЦИЈА вработува професионалци од различни области. Нашите вработени се луѓе кои се секогаш подготвени со својот труд, знаење и искуство да излезат во пресрет на барањата на корисниците. За возврат ние им обезбедуваме можности за обука, личен развој и напредок во кариерата, во пријатна атмосфера со изразен тимски дух.

Моментално се отворени следниве работни позиции:

ТРЕНИНГ ПРОГРАМА ЗА СПЕЦИЈАЛИСТИ ВО ОДДЕЛОТ УПРАВУВАЊЕ СО МРЕЖА
СПЕЦИЈАЛИСТ ЗА ДАЛЕЧИНСКО УПРАВУВАЊЕ НА ЕЛЕКТРО ЕНЕРГЕТСКИ ОБЈЕКТИ (ЕЕО)
ТЕХНИЧАР ЗА 5А-СКИ МЕРЕЊА ВО НЕГОТИНО
СПЕЦИЈАЛИСТ ЗА РЕЛЕЈНА ЗАШТИТА И ПОГОНСКИ МЕРЕЊА

СИНЦЕРИТАС АД Скопје е фармацевтска компанија чиј фокус на работење е култивирањето и производството на канабис за медицинска намена. Работните практики и политики во нашата компанија се усогласени со највисоките домашни и европски стандарди во фармацевтската индустрија (ISO, GACP, GMP) со цел производство на сув цвет и на масло од канабис со висока чистота и различни концентрации на CBD и THC. Нашиот тим се состои од талентирани луѓе кои имаат желба за напредок и постојано усовршување. Тоа значи дека бараме талентирани, одлучни луѓе кои се истакнуваат во своето поле на работење и би сакале да ни се придружат со полно работно време во нашето седиште во Скопје, или пак, во лабораториските и производствени капацитети во Росоман.

Сите активни работни позиции од СИНЦЕРИТАС можете да ги најдете ТУКА.

СИСТИНА ОФТАМОЛОГИЈА е најголемата и најмодерна приватна болница во регионот и е пример за успешна приказна во здравствениот сектор со медицински услуги според најсовремените протоколи во лекувањето на пациентите. Врвниот медицински тим користејќи современи методи и техники им стои на располагање на пациентите 24 часа во денот, 7 дена во неделата. Располага со еден дијагностички и оперативен центар во Скопје и четири дијагностични центри во Штип, Битола, Гостивар и Тетово.

Моментално се отворени следниве работни позиции:

МЕДИЦИНСКА СЕСТРА – АНЕСТЕТИЧАР
ХИГИЕНИЧАР/КА

СИЛК РОУД БАНКА АД Скопје е финансиска институција која нуди производи и финансиски услуги за физички и правни лица. Дискрецијата и почит се стандардите на Банката. Силк Роуд Банка АД Скопје се издвојува од другите банки во земјата со примена на критериумите на модерните банкарски принципи кои креираат понуди каде клиентите се во центарот на вниманието. Вредноста и принципот на работење на Банката се потребите на клиентите да се подмируваат лесно како свила.

Моментално се отворени следниве работни позиции:

БАНКАРСКИ СЛУЖБЕНИК ВО ЕКСПОЗИТУРА ВО ТЕТОВО
БЛАГАЈНИК ВО ЕКСПОЗИТУРА ГЕВГЕЛИЈА

ХАЛК ОСИГУРУВАЊЕ АД Скопје е Друштво за неживотно осигурување кое се стреми кон брз развој и зголемено учество на пазарот на осигурување во Република Северна Македонија. На нашите вработени им нудиме динамична работа со можност за професионален развој и надоградба како и одлични услови за работа во средина со амбициозен и професионален тим.

Моментално вработува:

САМОСТОЕН РЕФЕРЕНТ ЗА ФИНАНСИИ

МАКСТИЛ е регионален лидер во производството на топловалани дебели лимови. Ние, тимот на Макстил, се стремиме да бидеме успешна компанија, ориентирана на безбедноста, со силен фокус на клиентите. Преку трансформирање на отпадниот метал во висококвалитетни челични производи, ја заштитуваме животната средина и го подобруваме општеството во кое работиме, истовремено одржувајќи одлични односи со локалната заедница. Ги достигнуваме нашите цели преку инвестирање во технологија, синергија на вештините, знаењето и искуството. Секој во Макстил е важна алка од синџирот. Ние не сме само тим, ние сме семејство. Со цел да креираме заеднички раст, заедно се движиме напред, преку почитување на нашите вредности и високи стандарди.

Моментално се отворени следниве работни позиции:

ТЕХНИЧАР ВО ОДРЖУВАЊЕ
ЕЛЕКТРИЧАР
ЕЛЕКТРО ИНЖЕНЕР - ЕНЕРГЕТСКА НАСОКА

Доколку сеуште ја немате пронајдено својата идеална работна позиција, останатите активни работни позиции можете да ги најдете ТУКА!

Повторно здодевниот утрински аларм ви го нарушува парчето тишина во кое уживате. Постојано одложувате и не сакате да станете од вашиот кревет. Пристигнувате во вашата канцеларија и го вклучувате компјутерот. Сè Ви изгледа толку нормално, освен што умот ви лута…се чувствувате здодевно на работа. Здодевноста ги открива потенцијалните проблеми што ги имате на работа.

Вашите интереси и работата не се совпаѓаат.

Во ваков случај добро е да размислите зошто сте аплицирале на тоа работно место.

Мали можности за развој и учење.

Замислете дека ги правите истите задачи две недели или две години, одново и одново. Како би се чувствувале вие?

Имате премногу слободно време. 

Кога имате премногу слободно време, вашиот ум лута на некое друго место.

Се чувствувате исцрпено и изморено.

Додека вложувате помалку труд на работа, толку сте помалку мотивирани и заинтересирани за вашата работа, што пак ве вознемирува уште повеќе.

Немате јасна цел.

Луѓето кои се во иста позиција подолго време лесно се чувствуваат изгубено.

Помалку познати последици:

• Зголемен стрес
• Лоши навики
• Намалена продуктивност
• Намалено психичко здравје

Што да правите доколку постојано се чувстувате здодевно на работа? Секогаш е добро да разговарате со вашиот претпоставен или супервизор за вашата ситуација на работа. Ова не само што ќе Ви помогне да не се чувствувате здодевно, туку исто така ќе остави впечаток кај вашиот претпоставен дека сакате да напредувате и учите. Пробајте искористете го времето што Ви преостанува за да сработите нешто дополнително. Кратките паузи се исто така чекор напред во борбата со здодевноста, а истите тие ја зголемуваат продуктивноста.

Кога се чувствувате здодевно на работа, тоа е всушност предупредувачки знак што не треба да го занемарувате. Тоа може да значи дека ви недостасува некоја цел во животот. Започнете да правите промени што повторно ќе ве направат ентузијастични за вашата кариера и живот.

Просечната месечна исплатена нето-плата по вработен во октомври годинава изнесува 33 104 денари и во однос на октомври лани е зголемена за 13,6 проценти, објави денеска Државниот завод за статистика.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Уметност, забава и рекреација (19,6 проценти), Објекти за сместување и сервисни дејности со храна (19,3 проценти) и Преработувачка индустрија (17,6 проценти).

Како што наведува ДЗС, зголемување на просечната месечна исплатена нето-плата по вработен, во однос на претходниот месец, е забележано во секторите: Снабдување со електрична енергија, гас, пареа и климатизација (6,7 проценти), Други услужни дејности (3,9 проценти) и Дејности во врска со недвижен имот (3,2 проценти).

Просечната месечна исплатена бруто-плата по вработен, во октомври годинава изнесува 49 585 денари.

Во поштенските сандачиња низ земјава започнаа да пристигнуваат сметките за струја во преку пример е прикажан износот на субвенцијата на Владата во конечната цена на електричната енергија.

Владата во текот на целата енергетска криза со 73% ја субвенционира цената на електричната енергија која ја плаќаат граѓаните, а сега преку информативната табела тоа може појасно да се види. Во информативната пресметка е прикажано колку би изнесувале сметките доколку Владата не ја субвенционираше цената на електричната енергија.

Согласно пресметката едно домаќинство кое плаќало 2000 денари за електрична енергија, без субвенцијата на Владата би плаќало околу 3455 денари односо 1455 денари повеќе, додека пак семејство кое плаќало 5000 денари за електрична енергија, без субвенцијата сметката би достигнала 8638 денари или над 3600 денари повеќе.

Вицепремиерот за економски прашања, Фатмир Битиќи во гостување на Алсат синоќа кажа дека секое домаќинство во земјава било субвенционирано со по 21 илјади денари за електрична енергија оваа година, односно секој граѓанин добил субвенција од 6800 денари.

Средствата што ги даваме за регулираниот пазар на електрична енергија значи дека секој еден наш граѓанин добива 6.800 денари годишно субвенции за струја или секое едно домаќинство добива по 21.000 денари субвенции за струја за оваа година кажа вицепремиерот Битиќи и кажа дека субвенционирана електрична енергија добиваат и малите компании кои плаќаат 220 до 260 евра за мегават час, додека берзанската цена е околу 500 евра.

Ова значи дека субвенцијата на Владата изминатава година овозможила 21.000 денари да останат во семејниот буџет на секое домаќинство во земјава и да се искористат за други намени, наместо да бидат потрошени за сметките за струја.

Во годинава која изминува Владата издвои околу 240 милиони евра за субвенционирање на електрична енергија и обезбедување на топлинска енергија за Град Скопје, сума која беше неопходна за да се спречи повисок ценовен шок и рестрикции во енергетскиот сектор.

Оваа сума ќе беше значително помала доколку во изминатите 30 години, претходните Влади наместо на споменици и фасади, парите од Буџетот на граѓаните ги инвестираа во енергетскиот сектор и државата обезбедеше поголема енергетска независност.

Со правилното менаџирање и правењето баланс меѓу справувањето со кризата и основните функции на државата, Владата успеа да се избори граѓаните да добиваат енергија и тоа да не биде на грбот на семејниот буџет. Борбата со енергетската криза на Владата ќе продолжи и следната година, што може да се види од Буџетот за 2023 година, каде се предвидени 250 милиони евра за мерки.