Македонскиот пасош е рангиран на 44. место според индексот на Henley Passport за 2023 година, и со него без визи може да се патува во 125 земји во светот.

Северна Македонија бележи напредок од една позиција во однос на лани кога беше позиционирана на 45 место.

Од земјите во регионот, најдобро рангиран е грчкиот пасош на осмото место и со него може да се патува во 185 земји, словенечкиот е на 11 позиција (182 земји), следуваат бугарскиот и хрватскиот на 18 (174), српскиот е 38 (136), црногорскиот 45 (124). Пасошот на Босна и Херцеговина е на 49 место (118 земји), на Албанија на 51 (115), а на Косово е рангиран како 101 (41).

На врвот на листата на Henley Passport се јапонскиот, сингапурскиот, јужнокорејскиот, шпанскиот, германскиот, италијанскиот, како и пасошите на скандинавските земји. На дното, пак, се патните исправи на Сирија, Ирак и Авганистан со кои без визи може да се патува во само во двесеттина земји во светот. 

Инфлацијата и немањето работна сила најмногу ги погодуваат малите фирми. 

Очекувањата на малите фирми во декември во САД се намалиле. Тие имаат најлоши прогнози за период од шест месеци. Газдите мака мачат да најдат работници.  Третина од газдите ја навеле инфлацијата како најголем проблем, исто како и во ноември. Но, 41 отсто рекле дека не можат да најдат работна сила. Ова најмногу ги погодува транспортот, индустријата и градежниот сектор. Но, и за 2023 година немаат оптимизам. Очекуваат дека состојбата ќе се влоши. 

Image by Tumisu from Pixabay

Излезе листата на најмоќните пасоши во светот.

Tри азиски држави обезбедија најголема слобода на патување за своите жители, стои во новиот квартален извештај објавен од лондонската истражувачка компанија за глобално државјанство и престој Henley & Partners. Јапонските граѓани уживаат безвизен пристап или пристап до рекордни 193 дестинации ширум светот, веднаш пред Сингапур и Јужна Кореја, чии граѓани можат слободно да посетат 192 држави.  Потоа следат Германија и Шпанија, кои имаат на располагање 190 „бесплатни“ дестинации, а потоа се рангирани Финска, Италија и Луксембург со 189.

Потоа се редат се Австрија, Данска, Холандија и Шведска, кои се изедначени на петтото место, додека Франција, Ирска, Португалија и Обединетото Кралство се на 6 место. Нов Зеланд и САД се на седмото место заедно со Белгија, Норвешка, Швајцарија и Чешка. Граѓаните на Авганистан пак се на дното на индексот и можат да посетат само 27 земји без претходно да аплицираат за виза.

Хрватска се најде на 18 место. Граѓаните на оваа земја можат без виза да патуваат во 174 земји во светот. Босна и Херцеговина е на 49 место со 118 дестинации до кои нејзините жители можат да патуваат без виза. Србија е подобро рангирана од БиХ на 38 место со 136 дестинации, Северна Македонија на 44 место со 125 дестинации и Црна Гора едно место подолу со 124 дестинации. Најлошо позиционирано е Косово, на 101. место и со само 41 дестинација до кои имателите на косовски пасош можат да патуваат без виза. Сопствениците на албански пасош можат слободно да патуваат до 115 дестинации, односно Албанија е на 51. место.

Со години неколку земји се на врвот и нудат најмногу можности за патување за своите граѓани. 

Компаниите кои сакаат да ја одржат бројката на таленти во своите тимови треба да го прочитаат ова. Наместо да ги објаснувате правилата на компанијата, време е да ги прашате вработените што сакаат да се случи и соодветно да создадете план кој ќе излезе во пресрет на нивните потреби и во исто време нема да го наруши текот на работата. Доколку не го направите ова, бидете подготвени најдобрите вработени да си заминат.

Прашања кои треба да ги земете предвид кога ќе дебатирате за следниот чекор во компанијата:

• Дали сакате да се вратите на работа во канцеларија?
• Дали би сакале да бидете во канцеларија бар на одредено време? Ако да, колку часа и денови во неделата?
• Што функционира, а што не во однос на работата од далечина и како можеме да го подобриме тоa искуство?
• Каков тип на развој или кариерна поддршка ви е потребна за да можете да дадете се од себе во наредната година?
• Дали ви е преку глава од Zoom состаноци? Ако да, дали опцијата една недела без состаноци би помогнала?
• Дали се чувствувате доволно безбедно за да се вратите во канцеларија? Ако не, што би направило да се чувствувате безбедно за да може да се одржуваат состаноци во живо?
• Како би ја оцениле сопствената работа од минатата година? И што беше најголемата пречка за да може работата да си тече нормално?
• Дали имате некакви препораки за тоа како можеме да ве поддржиме во годинава што доаѓа?

Ако ги поставите овие прашања, вашиот тим ќе се чувствува ценето и разбрано, нешто што е есенцијално кога се работи за одржување на лојалноста во месеците што доаѓаат.