Овогодишната 26. Златна бубамара на популарноста ќе се одржи на 16 март во арената „Борис Трајковски“. По минатогодишната 25. Златна бубамара, со која одбележавме сребрен јубилеј, овогодишната манифестација е прва од следните 25 – до следниот златен јубилеј.

Под мотото „Да наполниме батерии во скапа тарифа“, омилената манифестација ќе направи пресек на овогодишната креативна продукција, сатирично ќе раскаже измината година и ќе ги награди најголемите уметници од Македонија и регионот.  

Во ова време на енергетска, инфалциска, морална и духовна криза, Златна бубамара повикува да се забавуваме во музички ефикасна тарифа и да се арчиме за убаво расположение.

Од енергетски ефикасниот штаб на Бубамара сега за сега ни откриваат само наградата за животно дело која ќе ја добие братскиот тандем Миле и Ѓорѓи Барбаровски, кои напишаа некои од најубавите песни во антологијата на македонската народна музика .

БИЛЕТИТЕ ЌЕ БИДАТ ПУШТЕНИ ВО ОН ЛАЈН ПРОДАЖБА НА 23 ФЕВРУАРИ ВО 12 ЧАСОТ преку сервисот на karti.com.mk и mktickets.mk и во Розе Веро 2.

Од Бубамара ни најавуваат незаборавна престава од 3 часа, за секој посетител на секое седиште традиционално ќе има шише Пролом вода и ветување дека сите ќе се вратат дома пред да бидат исклучени уличните светилки.

70 отсто од компаниите кои користеле субвенционирана енергија од државата не ги намалиле цените на прехранбените производи. фирми. Поради несовесните сопственици, сега и оние што ги почитувале правилата ќе плаќаат поскапо за струја, бидејќи владата ја укинува помошта, изјави министерот за економија Крешник Бектеши во емисијата „Економски магазин“ синоќа на ТВ Алсат.

Според прелиминарните податоци, значителен дел од фирмите кои се над 250, а ја користат мерката за субвенционирање на електрична енергија, речиси над 60-70 отсто не ја почитувале истата одлука, а ги задржале истите цени во однос на месецот ноември пред да стапи во сила одлуката за субвенционирање на струјата. Затоа, по крајот на месецот, како што предупредивме, Министерството за економија ќе и предложи на Владата да донесе одлука за укинување на оваа мерка, изјави Бектеши.

Министерството за економија го добил извештајот на Пазарниот инспекторат и по завршната анализа не ја исклучува можноста неговиот ресор да и предложи на Владата укинување на мерката за субвенционирање на електрична енергија.


Имавме повеќе средби со стопанските комори, особено со секторите кои се занимаваат со производство на основни производи, каде сите дојдовме до заклучок дека Владата треба да преземе соодветни мерки за да им помогне за да ги намалат цените на леб, масло, тестенини и млеко. Значителен дел од локалните компании, за жал, не го испочитуваа џентлменскиот договор што го постигнавме меѓу Владата и стопанските комори. Извештајот како министер за економија го прифативме од Пазарниот инспекторат, конечниот извештај треба да се направи до крајот на овој месец. Според прелиминарните податоци, имаме дека значителен дел од компаниите кои ја искористиле мерката за субвенционирање на електрична енергија, би рекол над 60 некаде до 70 отсто, не ја почитувале одлуката и ги задржале истите цени, во однос на месецот ноември, пред да стапи во сила одлуката за субвенционирање на електрична енергија. Затоа Министерството за економија ќе и предложи на Владата да донесеме одлука за укинување на оваа мерка за субвенционирање,рече Бектеши.

Сепак, според него, дел од мерките остануваат за некои релевантни институции.

Мерките за основните и средните училишта ќе останат, тоа го ветивме. За Јавните општински претпријатија ќе останат до крајот на кризата. За компаниите предлогот на Министерството за економија до Владата ќе биде да ги укине и тие средства да ги искористи за поддршка на граѓаните, особено за оние кои немаат големи приходи, најави министерот.

„Синцеритас“ АД Скопје е фармацевтска компанија чиј фокус на работење е култивирањето и производството на канабис за медицинска намена. Работните практики и политики во нашата компанија се усогласени со највисоките домашни и европски стандарди во фармацевтската индустрија (ISO, GACP, GMP) со цел производство на сув цвет и на масло од канабис со висока чистота и различни концентрации на CBD и THC.

Нашиот тим се состои од талентирани луѓе кои имаат желба за напредок и постојано усовршување. Тоа значи дека бараме талентирани, одлучни луѓе кои се истакнуваат во своето поле на работење и би сакале да ни се придружат со полно работно време во нашето седиште во Скопје, или пак, во лабораториските и производствени капацитети во Росоман. Доколку сте заинтересирани да се придружите на #TeamSinceritas

Моментално се оворени следниве работни позиции:

АНАЛИТИЧАР ВО КОНТРОЛА НА КВАЛИТЕТ
МЕНАЏЕР ЗА KОНТРОЛА НА КВАЛИТЕТ- QC
ФИНАНСИСКИ МЕНАЏЕР
QP - КВАЛИФИКУВАНО ЛИЦЕ
МАШИНСКИ ИНЖЕНЕР
ПРАКТИКАНТИ

Доколку сеуште го барате вашето идеално работно место, сите останати активни работни позиции можете да ги најдете ТУКА.

Просечната месечна исплатена нето-плата по вработен, во декември 2022 година, изнесува 34 364 денари и во однос на декември 2021 година, е зголемена за 14,8 проценти, објави денеска Државниот завод за статистика.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Преработувачка индустрија (20,4 проценти), Уметност, забава и рекреација (20,2 проценти) и Административни и помошни услужни дејности (19 проценти).

Зголемување на просечната месечна исплатена нето-плата по вработен, во однос на претходниот месец, е забележано во секторите: Транспорт и складирање (10,4  проценти), Дејности во врска со недвижен имот (10,2 проценти) и Уметност, забава и рекреација (8,4 проценти).

Како што објави ДЗС, просечната месечна исплатена бруто-плата по вработен, во декември 2022 година, изнесува 51 387 денари.