Вработените во Албанија, и мажи и жени, имаат најдолго работно време во Европа.

Кај мажите достигнува и до 50 часа неделно, додека жените во таа земја работат околу 45 часа неделно, пренесува Кљан Косова.

Овие податоци беа објавени во неодамнешниот извештај на Европската комисија за работните услови и идните импликации, врз основа на истражување што се спроведува еднаш на секои пет години со анкетирање на 70.000 работници во 36 европски земји.

Ова ги вклучува земјите-членки на ЕУ, како и Обединетото Кралство, Норвешка, Швајцарија, Албанија, Босна и Херцеговина, Црна Гора, Северна Македонија и Србија.

Долгите работни часови во Албанија се чини дека се поврзани со два фактори. Едниот е викенд работа, а другиот е високото ниво на самовработени, што во Албанија е околу 36 отсто од вкупниот број вработени, што е рекорд во регионот, пренесува Косово онлајн.

Според истиот извештај, во просек во земјите членки на ЕУ, мажите работеле нешто повеќе од 42 часа неделно, додека жените околу 37 часа. Класичната недела од 40 часа остана стандардна во 2021 година во огромното мнозинство земји, освен Франција (35 часа), Данска (37 часа), Норвешка (38 часа) и Швајцарија (42 часа). Околу 20 отсто од сите работници (31 отсто од жените и 12 отсто од мажите) работеле 34 часа или помалку неделно.

Во текот на 2021 година, околу половина од мажите и жените работеле помеѓу 35 и 40 часа неделно. Самовработените трошеле во просек 6,4 часа повеќе на платена работа (4,3 часа повеќе за жени и 6,9 часа повеќе за мажи) од другите вработени.

Во извештајот се наведува дека долгите работни часови се поврзани со здравствени состојби како депресија, анксиозност, нарушувања на спиењето и коронарна срцева болест и можат да влијаат на рамнотежата помеѓу работата и другите аспекти од животот.

Просечната годишна плата за полно работно време за вработените во ЕУ во 2021 година изнесувала 33.500 евра, објави Евростат.

Меѓу земјите-членки на ЕУ, највисока просечна годишна приспособена плата за полно работно време во 2021 година е забележана во Луксембург од 72.200 евра, по што следат Данска (63.300 евра) и Ирска (50.300 евра).

Најниски плати имаат Бугарија (10.300 евра), Унгарија (12.600 евра) и Романија (13.000 евра).

Оваа информација е задолжителна поради Директивата за сина карта, која ја пропишува употребата токму на овој индикатор за одредување на просечната бруто годишна плата за секоја земја-членка на ЕУ, а нејзината цел е да привлече висококвалификувани работници во ЕУ под пофлексибилни услови.

Сината карта е еден вид дозвола за престој и работа наменета за висококвалификувани граѓани кои не се членки на ЕУ кои сакаат да живеат и работат во ЕУ.

Според овие податоци, најголем дел од земјите се под просекот на ЕУ, меѓу земјите од регионот највисока просечна годишна плата има Словенија од 28.760 евра, додека во Хрватска таа е 16.170 евра.

Парламентот на Португалија го одобри контроверзниот закон за легализирање на активната евтаназија, пренесе ДПА.

На петтиот обид да се донесе предлог-законот преку Собранието на Републиката во Лисабон, пратениците го поддржаа со јасно мнозинство од 129 гласови „за“ и 81 „против“.

Првите четири обиди не успеаја поради вето на претседателот Марсело Ребело де Соуса и поради приговорите на Уставниот суд.

Според уставот, шефот на државата сепак мора да даде согласност и да го одобри законот, кој е неколкупати ревидиран, во рок од осум дена од приемот во претседателската палата.

Активната евтаназија е прекршок во повеќето земји на ЕУ и може да носи тешки затворски казни. Во 2021 година, Шпанија стана четвртата земја што ја легализираше, по Холандија, Белгија и Луксембург.

Веројатно никој не е изненаден од фактот што работниците во ИТ секторот ќе бидат најбарани и во следниот период. Сепак, се проценува дека работодавците ќе бараат и продавачи, инженери и занаетчии. Работа ќе има за граѓани од сите степени на образование, а платите ќе варираат - од минимални до неколку илјади евра.

Дури и ако се чини дека секој друг човек е ангажиран во некоја работа во ИТ индустријата, сепак постои висок дефицит.

Овој сектор забрзано се развива, а образовниот систем не може да го следи, па иако квотите за упис се зголемуваат, сепак тоа не е доволно, па работните места за програмирање ќе бидат сѐ уште меѓу најбараните.

Патем, ова е секторот во кој може да се заработи најмногу, така што просечната плата е 1.600 евра, но можете да заработите повеќе од 8.000. Исто така, голем број ИТ професионалци немаат формално образование во оваа област, со оглед на зголемениот број на курсеви.

Контрола на летот

На второ место е занимање за кое е задолжително формалното образование, но платите се повеќе од примамливи, а тоа е контролата на летот.

Платите на контролорите на летање се многу високи, особено кога се споредуваат со просечните.

Занаети

И пред пандемијата имаше изразен дефицит на занаетчии, па дури сега доаѓа до израз.Пазарот на трудот и образованието овде не се во хармонија, но можеби уште поголем проблем е тоа што младите не се доволно заинтересирани.

Така се бараат автомеханичари, столари, пекари, водоинсталатери, молери и градежни работници.

Продажба

Трговскиот сектор е баран изминативе 20 години и нема причина да не се повтори годинава.

Платите во овој сектор варираат. Така, вработените во малите продавници често работат за минимум, но во големите компании месечната плата може да биде далеку над просечната.

Електротехника и машинство

Во иднина ќе бидат барани работници и во електротехничкиот и машинскиот сектор.