Вкупно 19 големи онлајн платформите и пребарувачи од утре ќе мора да се усогласат со новите правила за интерент содржини на ЕУ, затоа што стапува во сила Законот за дигитални услуги, усвоен во 2022 година, кој има за цел да ги сузбие „нелегалните и штетни дигитални содржини“.

Новите правила се однесуваат на социјални мрежи се Фејсбук, Инстаграм, ТикТок, Икс (поранешен Твитер), Јутјуб, Снепчет, Линкедин и Пинтерест, но и на Амазон, Букинг, АлиЕкспрес, Заландо, Гугл Шопинг, Гугл Срч, Гугл Мапс, Бинг, Википедија, како и на онлајн продавниците за апликации на Гугл и Епл. Станува збор за интернет платформи, кои според статитичките податоци, месечно ги посетуваат над 45 милиони Европејци.

Согласно новите правила, како што јави специјалниот известувач на МИА од Брисел, социјалните мрежи и платформите ќе мора веднаш да ги отстранат содржините кои со европските и националните законодавства на членките на ЕУ се оквалификувани како „нелегални“, на пример фотографии од сексуална злоупотреба на деца, а ќе можат и да ги блокираат корисниците кои често објавуваат нелегални содржини. Дополнително, онлајн продавниците ќе треба да „направат најдобри напори“ за да спречат продажба на фалсификувани луксузни марки и опасни играчки за деца.

Компаниите ќе мора да проценат и да предложат конкретни мерки за „справување со можните ризици што платформите ги претставуваат за општеството“, меѓу кои и ширењето дезинформации и онлајн малтретирање. Социјални медиуми и пребарувачите ќе мора да ги приспособат своите услуги за да спречат ширењето на лажни вести во случаи на елементарни непогоди, војни или пандемии.

За таа цел тие ќе треба до Комисијата да достават детален годишен извештај за т.н. „системски ризици што ги претставуваат за Европејците“, како и да преземат мерки за ограничување на идентификуваните ризици, преку прилагодување на нивните алгоритми, создавање алатки што ќе им овозможат на родителите да контролираат што гледаат нивните деца, воведување инструменти за потврдување на возраста на корисниците, како и јасно назначување на содржините, како фотографии или видеа, генерирани од алатки за вештачка интелигенција.

Во случај на блокада или суспензија на корисник или отстранување на некоја негова содржина, социјалните мрежи ќе мора му ги образложат причините за таквата одлука, при што корисниците ќе имаат право да ги оспоруваат одлуките на платформите преку вонсудски тела, а во крајна инстанца и на суд.

Дополнително на платформите ќе им биде забрането да таргетираат луѓе со онлајн реклами засновани на нивните лични податоци, како верска припадност, сексуални преференци, здравствени информации и политички убедувања, како и да собираат лични податоци на деца и тинејџери.

Онлајн компаниите ќе мора да бидат потранспарентни за начинот на нивното функционирање, преку објавање на своите и ревизорските извештаи за проценка на нивните ризици по општеството, вклучително и за закани за слободата на говорот, јавното здравје и изборните процеси, а регулаторните тела ќе имаат право на пристап до податоците и алгоритмите на компаниите и до нивните деловни документи. 

Со Законот, за непочитување на утврдените правила, Европската комисија ќе може да изрекува казни во висина до 6 отсто од годишниот глобален приход на компанијата, но ќе може и времено да ја забрани работата на одредена социјална мрежа, платформа или пребаравач во блокот во случаи на „сериозна неусогласеност“. Големите онлајн платформи и пребарувачи, исто така, ќе мора да плаќаат и такса во износ од 0,05 отсто од нивните глобални приходи за финансирање на извршната работа на Комисијата.

Според податоците од истражувањето објавени во средата, Германија претрпе најголем пад на деловната активност за повеќе од три години овој месец, поттикнувајќи стравувања дека најголемата европска економија повторно запаѓа во рецесија.

Првичното читање на индексот на менаџери за набавка на земјата (PMI), кој ја следи активноста во производствениот и услужниот сектор, падна на 44,7 во август, од 48,5 во јули. Тоа е најниското читање од мај 2020 година, кога земјата почна постепено да ги укинува строгите ограничувања за пандемијата. Читањето под 50 укажува на голем пад, пишува денеска CNN Business.

Истражувањето го истакна „продлабочувањето на падот во производството“, при што производството паѓа четврти месец по ред. Активноста во услугите падна за прв пат по осум месеци.

Германија ризикува повторно да западне во рецесија, бидејќи автомобилската индустрија се распрснува.

Секоја надеж дека услужниот сектор би можел да ја спаси германската економија, исчезна. Наместо тоа, услужниот сектор е на пат да се приклучи на рецесијата во производството, рече Сајрус де ла Рубија, главен економист воКомерцијална банка во Хамбург, која го објавува истражувањето на германските компании во партнерство со S&P Global.

Бројките додаваат доказ дека германската економија повторно ослабува откако излезе од зимската рецесија во вториот квартал. Податоците претходно овој месец открија поостро забавување од очекуваното на индустриското производство во јуни - поттикнато од остриот пад во огромниот автомобилски сектор во земјата.

Економската слабост на Германија се прелева и на останатите 19 земји кои го користат еврото, при што поширокиот регион исто така е изложен на ризик да западне во рецесија откако го оствари растот во вториот квартал.

Почетното читање на PMI за еврозоната падна на 47 во август, што е најниско од ноември 2020 година, според посебно истражување објавено во средата од страна на Хамбург Комерцијална банка и S&P Global.

Надолниот притисок врз економијата на еврозоната во август главно произлегува од германскиот услужен сектор, рече Де ла Рубија.

И двете истражувања покажаа загрижувачки пораст на инфлацијата во услугите поради зголемувањето на платите, што би можело да ја направи Европската централна банка понеподготвена да ги паузира зголемувањата на каматните стапки кога ќе заседава следниот месец. Повторно, сликата е полоша во Германија отколку во остатокот од Европа, со „стагфлација“ - што се однесува на токсична мешавина на висока инфлација и бавен раст.

Активноста почна да се намалува додека цените повторно се зголемија, дури и забрзано“, рече Де ла Рубија. „Кога инфлацијата не може да се скроти во најголемата економија во еврозоната, ова е лоша вест за ЕЦБ.

Ендрју Кенингам, главен економист за Европа во Капитал Економикс, рече дека економијата на еврозоната веројатно ќе влезе во рецесија во втората половина на годината, а Германија веројатно би имала најлоши резултати.

ФОТО: Unsplash

Како што деновиве објави Државниот завод за статистика (ДЗС), најниската просечна нето-плата ја земаат вработените во секторот Заштитни и истражни дејности – 18.800 денари. 

Потоа  следи секторот Услуги поврзани со одржување на згради и дејности на уредување и одржување на животна средина и природа – 23.197 денари, па Производство на кожа и слични производи од кожа – 23.787 денари, Рибарство и аквакултура – 24.652 денари и Производство на облека – 25.317 денари. 

Просечната месечна исплатена нето-плата по вработен, во јуни годинава изнесува 36.527 денари. 

foto freepik.com/user31875352

Германската Влада го одобри долгоочекуваниот закон за модернизација на законот за државјанство, јавува Анадолија.

На прес-конференција во Берлин, министерката за внатрешни работи Ненси Фезер соопшти дека предложениот закон ќе го рационализира процесот на натурализација и ќе овозможи двојно или повеќекратно државјанство за имигрантите.

Воведуваме модерен закон за имиграција кој подобро ќе и служи на нашата модерна и разновидна земја. Новиот закон за државјанство е една од најважните реформи на нашата коалициска влада. Многу ми е драго што сега го спроведуваме, рече таа.

Според предложениот закон, имигрантите ќе имаат право на германско државјанство по пет години престој во земјата, наместо претходните осум години. За имигрантите кои покажале исклучителни академски или професионални достигнувања и добро го зборуваат јазикот, овој период ќе се намали на три години.

Законот, исто така, ќе им овозможи на имигрантите да имаат двојно или повеќекратно државјанство, што во моментов не е можно за повеќето имигранти.

Децата родени во Германија, а кои имаат родители странци, ќе можат да добијат германско државјанство доколку барем еден родител легално живеел во земјата најмалку пет години. Овие деца ќе можат да го задржат државјанството на нивните родители.

Во моментов, повеќе од 12 милиони луѓе во Германија, околу 14 отсто од вкупното население, немаат германско државјанство. Според официјалните податоци, околу 5,3 милиони од нив живеат во земјата најмалку 10 години.

Реформата на законот за германско државјанство беше централен дел од коалицискиот договор, кога социјалдемократите, зелените и либералните Слободни демократи формираа коалициска влада пред две години.

Канцеларот Олаф Шолц во неколку наврати рече дека забрзувањето на процесот на натурализација, овозможувајќи повеќекратно државјанство за имигрантите, ќе ја подобри интеграцијата, социјалното и политичкото учество.

Предложениот закон треба да биде одобрен од парламентот и се очекува за него да се расправа во Бундестагот по летниот одмор.