Сојузот на синдикатите на Македонија (ССМ) апелираше до пратениците што побргу и „без политичка битка“ да го изгласаат ребалансот на буџетот со што ќе се прераспределат финансии за да се обезбеди покачувањето од 10 отсто за вработените во јавниот сектор со септемвриската плата, за што Собранието денеска ја почнува расправата.

Синдикатот на УПОЗ денеска испратил во Собранието амандман на предложениот ребаланс со барање за сите корисници на буџетот платите да бидат повисоки од најмалку 30, а најмногу 78 проценти т.е. колку што им се зголемени на функционерите.

Претседателот на ССМ Слободан Трендафилов на прес-конференција ги повика министрите, градоначалниците и директорите на институции да го применат Општиот Колективен Договор за јавен сектор со оглед на тоа што до Синдикатот стигнале пријави од вработени дека нивните раководители не преземаат никакви активности во врска со одредбата за зголемување на платите од дополнителните 10 проценти.

„Бараме да изготват решение за секој вработен во јавниот сектор со кој ќе го утврдат ова право и на таков начин ќе го исплатат или, пак, да склучат колективни договори на ниво на работодавачи, нешто што правиме во изминатиот период како синдикати здружени во ССМ,“ рече Трендафилов.

Претстојното покачување од 10 проценти за вработените во јавниот сектор е согласно Општиот колективен договор (ОКД) кој ССМ го потпиша со Владата во јули годинава. Со Договорот, исто така, првпат е обезбедено право на регрес за годишен одмор кое вработените во полицијата, армијата, здравството, образованието ќе го остварат со очекуваниот ребаланс.

Трендафилов соопшти дека пратениците не одговориле на иницијативата на ССМ, поднесена пред повеќе од еден месец, за намалување на нивните и платите на судиите и именуваните функционери кои беа зголемени за 78 проценти. Со иницијативата се бара измена на Законот за плати на избрани и именувани функционери односно примена на ОКД со кој и функционерите и вработените ќе имаат ист начин на пресметка на плата, почнувајќи од март 2025 година.

Од ССМ најавуваат „жешка есен“ на протести и штрајкови на синдикатите здружени во Сојузот.

Денеска вработените во Водостопанство АД во државна сопственост излегуваат на протест пред Владата затоа што два месеца немаат плата.

Претседателот на УПОЗ Трпе Дејаноски на прес-конференцијата соопшти дека на 27 септември во штрајк ќе стапат вработените во јавните обвинителства, а наредниот ден и вработените од сите судови во државата ќе протестираат пред Министерството за правда и пред Владата.

И едните и другите ќе бараат зголемување на платите во ист износ како и именуваните функционери, односно за 78 отсто, како и враќање на додатоците на плата кои им се загарантирани со закон, а не им се исплаќаат веќе половина година.

Деаноски вели дека незадоволството е огромно и во други институции на државната управа и дека „под закана од штрајк и прекин на работата“ се и вработените во државното Правобранителство, Управата за заштита на културното наследство и во Фондот за здравствено осигурување.

Општествената одговорност е саморегулирачки деловен модел кој и помага на компанијата да биде одговорна – пред самата себе, пред своите засегнати страни и oпштеството. Практикувајќи корпоративна општествена одговорност компаниите можат да бидат свесни за видот на влијанието што го имаат врз сите аспекти на општеството, вклучително и економското, социјалното и животната средина. 

Предности на општествената одговорност на претпријатијата:

1. Ја подобруваме продуктивноста на работниците;
2. Задоволство на клиентите - задоволен клиент ќе може да го повтори купувањето и ќе им верува на производите;
3. Намалување на трошоците;
4. Подобрување на угледот и имиџот на самата компанија;
5. Придонес во намалувањето на сиромаштијата и унапредувањето на развојот.

Пред се компаниите се формирани за остварување на основната економска дејност, но мора да се има предвид дека сите функции на претријатието мора да бидат спроведени според легислативата. 

Не смееме да заборавиме дека општествената одговорност на компанијата е круцијално бидејќи постапуваме според аспектите неопходни за позитивниот развој на општеството.

Податоците на „Ју-ес њуз & ворлд рипорт“, покажуваат дека годинава на листата со најсилни земји во светот на прво место се најдоа САД, а зад нив се Кина и Русија.

Анкетата, која е дел од истражувањето „Најдобри земји“, праша 17.000 луѓе за нивните размислувања за 87 различни нации.

Рангирањето го оценува влијанието на една држава врз основа на перцепцијата на испитаниците за факторите како што се политичката, економската и воената моќ.

На 4. место се најде Германија, а потоа се Обединетото Кралство, Јужна Кореја, Франција, Јапонија, Саудиска Арабија и ОАЕ. САД доминираат во технологијата, Кина има брз раст, но и проблем со загадувањето. Германија, иако е најнаселена земја во ЕУ, има висок процент на старо население. Јужна Кореја има силна војска, а Франција има туризам и извоз на оружје.

foto freepik.com

По неколку месеци надолна траекторија, кириите експлодираа овој месец. Најновиот извештај на порталот Некретнине.рс покажува дека речиси сите набљудувани општини и градови во Србија бележат поскапување на метар квадратен. На некои локации растот бил речиси 20 проценти!

Кога станува збор за Белград, кириите се зголемени во речиси сите општини, а во две останале на исто ниво како и претходниот месец, но пад на закупнината не е забележан во ниту една од набљудуваните општини во Белград.

И натаму најскапи се кириите во центарот на градот. Нивната цена е 16 евра за метар квадратен. Ова е општина каде цената остана непроменета во однос на месец јули. Во општина Нови Београд, кириите пораснале за 2,88 отсто, па цената во август изнесувала 14,3 евра.

Многу значително зголемување на кириите во претходниот месец имаше и во Мириево. Закупнините пораснале за 4,88 отсто и нивната цена во август изнесувала 8,6 евра за метар квадратен. Убедливо најголем раст од сите е забележан во општина Палилула од 18,27 отсто, киријата во август во оваа општина изнесувала 12,3 евра, се вели во извештајот на порталот nekretnine.rs.

Вождовац ги задржа кириите на исто ниво како во јули, нивната цена е 11,4 отсто. Во Врачар кириите поскапеа за 1,35 отсто, а во август цената им беше 15 евра за метар квадратен.

Повеќе детали на Блиц.рс