Дали некогаш сте се запрашале колку време трошиме на социјални мрежи? Една студија од страна на маркетинг агенцијата Mediakix ја постави задачата за прецизно пресметување на ова прашање.

По обработка на податоци од агенцијата утврдиле дека просечниот корисник поминува 40 минути на ден во YouTube, 35 минути на Facebook, 25 минути во Snapchat, 15 минути во Instagram и само една минута на Twitter.

Ако овие бројки се земени како основа, излегува дека 5 години и 4 месеци од нашиот живот ќе поминат во социјални мрежи. Само на Фејсбук ќе поминеме 1 година и 7 месеци од нашиот живот.

За споредба, просечно лице троши 7 години и 8 месеци гледајќи телевизија и 3 години и 5 месеци во јадење и пиење во нивните животи.

А пак ако ви е чудно што друго можете да направите за поминатите 5 години и 4 месеци, од агенцијата дале неколку примери - можете да отидете до Месечината и назад 32 пати, да се искачите на Еверест 32 пати, да ја изгледате серијата "Симпсонови" 215 пати или да го прошетате вашето куче 93.000 пати.

Швајцарски стартап флашираше воздух од Швајцарија, кој потоа го продава на граѓаните во многу загадените градови, како оние во Кина и Индија.

Според податоците на компанијата, воздухот се собира од различни локации ширум швајцарските Алпи и се компресира во аеросолна киселина. Производот доаѓа со прицврстена маска за помош при дишење.

Конзервите воздух чинат 19,95 швајцарски франци (21 долар) и содржат доволно воздух за повеќе од 120 вдишувања, што е доволно за околу 10 минути користење.

Овој производ е за населението кое секојдневно живее со страшно загадување. загадување кое може да го скрати животот и да предизвика големи здравствени проблеми. Една конзерва швајарски воздух не е одговор на нивните проблеми, но е толку убаво што можете да дишете чист воздух, свеж воздух, па макар и на кратко, изјави извршниот директор на компанијата Дени Вур.

Тој посочи дека очекува неговата компанија да стане „главен играч на новиот пазар на воздух“.

Вур вели дека првата испорака е веќе направена и воедно упати повик до инвеститорите за да се олесни растот на компанијата. 

Државниот завод за статистика објави дека нето платите во јули 2017 споредено со истиот месец лани се поголеми за 1,5 проценти, односно нето платата во земјава достигнала 22.671 денари.

Но, има многу сектори во кои се зема двојно повисока плата од просечната на ниво на цела земја.
Ви ги претставуваме топ 5 професии во кои се земаат највискоите плати во Македонија:
1. Компјутерско програмирање 54.118 денари
2. Воздухопловен транспорт 53.637 денари
3. Производство на фармацевтски производи 45.658 денари
4. Финансиски услужни дејности 41.399 денари
5. Телекомуниации 40.078 денари

Граѓаните на земјите на ЕУ, во просек работат 35,6 години, што е за 1,8 години подолго отколку во 2006 година.

Според податоци на Евростат, траењето на работен стаж е изразено зголемен кај жените-во просек, за 2,5 години, а кај мажите за 1,1 година. За жените во 2016 година просечен очекуван работен стаж изнесувал 33,1 година, во споредба со 30,6 години во 2006. Кај мажите очекуван просечен работен стаж минатата година изнесувал 38 години, наспроти 36,9 во 2006 година.

Показателите за траење на работниот стаж го подразбраат бројот на години во кои секоја личност до 15 години може да очекува во текот на животот да биде активна на пазарот на труд, вработена или невработена, наведуваат од Евростат.

Меѓу земјите членки на ЕУ, Швеѓаните имале најдолг очекуван просечен работен стаж-41,3 години, а во стапката ги следат и Данците и Холанѓаните со очекуван работен стаж во просек од 40,3 односно 40 години.

Во Велика Британија работниот стаж во просек изнесувал 38,8 години, во Германија 38,1, во Естонија 37,8 а во Финска 37,7 години.

На дно на листата е Италија со очекуван просечен работен стаж од 31,2 години.

Меѓу земјите со просечен очекуван работен стаж пократок од 33 години се Бугарија-31,7 години, Хрватска - 32,1 година, Романија-32,4 години, Грција -32,5 години, Белгија-32,6 години, Луксембург и Полска -32,9 години.

Во сите земји членки на ЕУ, исклучиво Летонија и Литванија, во 2016 година се очекувало траењето на работниот стаж да биде подолг за мажи отколку за жени. За вкупно зголемување на работниот стаж меѓу земјите членки воглавно е причина промената во траење на стажот за жени, се наведува во извештајот на Евростат.