Министерот за внатрешни работи Панче Тошковски во изјава за „Слободен Печат“  потврди дека налепниците „НМК“ се пристигнати и од утре ќе започне нивна дистрибуција до техничките прегледи ширум државата.

Иако претходно беше изјавено дека налепниците ќе се продаваат од 30 до 50 ден, министерот Панче Тошковски изјави дека ќе бидат на товар на државата.

Тендерот за набавка на налепниците „НМК“ го доби фирмата „Квантум дооел Скопје“, а производител на табличките е германската фирма „ЕХА Хофман“.

Според димензиите, МВР по различна цена ги набавува налепниците. Па така за налепница со димензија 99×42 МВР плаќа 35 денари, за налепниците со димензии 85×40 милиметри цената е 41 денар, налепниците со димензии 63×37 милиметри чинат 35 денари и налепниците со најмала димензија изнесува 29,5 денари за две налепници.

Град Скопје продолжува со проектот за поставување ЛЕД светлосни дигитални сообраќајни знаци со пиктограм на локации на кои во минатите години имало сообраќајни незгоди и кои се нотирани како високо ризични за пешаците, со цел зголемување на видливоста.

Поставени се нови знаци на булевар Партизански Одреди кај Палма и на улицата Јордан Мијалков, откако минатиот месец отпочнавме со поставување на три локации, информираа надлежните. 

ЛЕД светлосните дигитални сообраќајни знаци со пиктограм се поставуваат во близина на училишта, градинки и фрекфентните булевари и улици, а целта е да се зголеми видливоста на пешачките премини со што се зголемува внимателноста на возачите при движење во сообраќајот.

ЛЕД сообраќајните и ретрорефлективни знаци можат да ја зголемат видливоста до 60% што може директно да влијае на безбедноста и времето за маневрирање при возење, со што се намалува или избегнува можноста за сообраќајни несреќи предизвикани од реакција при недоволно растојание. Овие лед сообраќајни знаци можат да ги намалат сообраќајните незгоди на локалните патишта за повеќе од 70%, велат од Град Скопје. 

Контрастот на клучните информации на Лед сообраќајните знаци во текот на ноќта и при тешки временски услови е зголемен за 35%. Со овој вид сигнализација функцијата за предупредување е значително подобрена и истата има позитивна улога во зголемување на безбедноста во сообраќајот на патиштата. 

Австралија ќе воведе закони кои ќе им овозможат на работниците да игнорираат повиците и пораките без причина од нивните шефови надвор од работното време.

„Правото на исклучување“ е дел од серијата промени за вработување предложени од федералната влада за заштита на правата на работниците.

Слични закони веќе се во сила во Франција, Шпанија и други земји од Европската унија.

Мнозинството сенатори изразија поддршка за мерката, рече во средата министерот за вработување Тони Бурк од владејачката Лабуристичка партија. Преку правото на исклучување, тоа ги спречува вработените да работат неплатено прекувремено, рече Бурк.

Она што го расправаме е дека некој кој не е платен 24 часа не треба да биде казнет ако не е онлајн и достапен 24 часа на ден, рече во средата премиерот Ентони Албанесе.

Законот треба да се гласа во парламентот следната седмица. Некои политичари, здруженија на работодавачи и челници на компании предупредија дека овој закон ќе ја поткопа конкурентноста и ќе ја загрози транзицијата кон пофлексибилно работно време.

Зелените, кои први го предложија правилото минатата година, го сметаат за голема победа за нивната партија.

Во просек, Австралијците работат шест недели неисплатена прекувремена работа годишно“, рече лидерот на партијата Адам Бандт, додавајќи дека тоа изнесува околу 60 милијарди долари неисплатени плати.„Тоа време е твое. Не од вашиот шеф, заклучи тој.

Две третини од најпросперитетните држави во светот се во Европа, според индексот на просперитет „Легутам“ за 2023 година. Високо котираат Луксембург, Швајцарија, Холандија и Австрија, објави еuronews. 

Нордиските земји се над ЕУ-просекот, но не успеаја да ги заземат првите места.
Норвешка се најде на 2. место. Финска е на 10. место, а Шведска  се најде на 13. место од вкупно 35 земји на листата. Исланд и Данска се најдоа на 7. и 8. место.

Гледајќи ги четирите најнаселени земји на ЕУ, просечниот расположлив приход беше над просекот на ЕУ во Германија и Франција, додека беше помал во Италија  и Шпанија. Хрватска, последната земја што ѝ се приклучи на ЕУ, имаше повисок просечен расположлив приход од шест земји на ЕУ.

На дното се земјите од регионот кои не се дел од ЕУ, меѓу кои е и Македонија. Нешто подобра од Македонија е Црна Гора.

foto freepik.com