Македонија бележи назадување во демоктратскиот прогрес открива извештајот на Фридом Хаус, „Нации во транзит 2024“. Ние како држава сме ставени во таканаречените „циклични хибриди“ каде сме вброени во земјите во кои редовните промени во владејачката елита не носат  значајни структурни промени и каде постојано се постојано ги политизираат и заробуваат слабите институции.

Ниту Груевски, ниту неговите најблиски соработници не беа изведени пред лицето на правдата за нивните злоупотреби на функцијата пред 2017 година. Уште полошо, контроверзните измени на Кривичниот законик во 2023 година ги намалија казните за таквите злоупотреби, предизвикувајќи отфрлање на историските случаи додека јавноста веќе се оптеретуваше од фатални корупциски скандали во здравството. Годината, исто така, имаше поларизирачка парламентарна дебата за уставните амандмани кои беа потребни за укинување на ветото на Бугарија на кандидатурата на земјата за пристапување во ЕУ, стои во извештајот. 

Според Фридом хаус земјите со оценка како нашата имаат тенденција да заостануваат во реформите.

Дефинитивната карактеристика на цикличните хибриди е комбинација на вистински политички плурализам и површни институционални промени. Тие имаат тенденција да заостануваат во однос на реформите насочени кон воспоставување силни бариери помеѓу јавниот сервис и приватната добивка. Затоа е од суштинско значење да се промовираат антикорупциски механизми и судски реформи во овие земји, а процесот на пристапување во ЕУ има важна улога во овој поглед. Ако на граѓаните и на новите влади им се обезбедат алатки и стимулации за темелно искоренување на антидемократските наследства по „пресвртни избори“, цикличните хибриди конечно можат да избегаат од нивните партизирани текови и да направат вистински напредок кон демократска консолидација, стои во извештајот. 

Ова објаснува зошто во Извештајот на Фридом хаус“ од оваа година оценката за Северна Македонија бележи опаѓање – од ланската 3.86 на 3.79.

Од оценуваните седум категории нема промени во оценката за пет – национално демократско владеење, изборен процес, граѓанско општество, независни медиуми и локално демократско владеење, а падот се нотира во две категории – судска рамка и независност, и корупција.

Земјите се оценуваат со оценка од 1 (авторитарен режим) до 7 (консолидирана демократија). За потсетување, Северна Македонија во Извештајот од 2023 година доби оценка 3.86 за демократски прогрес, и тогаш бележеше напредок во споредба со 2022 година, кога таа оценка била 3.82. Последната оценка за РСМ сега е пониска од онаа што ја имала во 2022 година.

Според извештајот на Фридом хаус“ 11 земји се во кaтегоријата хибридни режими, но и тие не се униформни, бидејќи ги карактеризираат разлики.Северна Македонија е во групата циклични хибриди заедно со БиХ, Црна Гора, Албанија и Ерменија, за разлика од Косово, Украина и Молдавија кои се во групата демократизирачки хибриди. Србија, Унгарија и Грузија се во групата автократизирачки хибриди.  

Како што се наближува времето за сезонски вработувања, така има се повеќе прашања и од работниците и од работодавците. Иако кога ќе се спомнат сезонските работници, обично се мисли дека се берачи на јаболка и сливи... и дека се таму да помогнат по потреба, не е баш така. Затоа што кој и да ги вработи има обврски и должности според сегашниот Закон за поедноставен работен однос.

Сезонските работници можат да бидат постојано вработени, самовработени, земјоделци, како и корисници на паричен надоместок. На овие работни места можат да се ангажираат и лица помлади од 18 години под услови пропишани со законот за вработување на малолетни лица.

За странски државјанин не важат посебните услови за вработување утврдени со закон кој инаку ја уредува неговата работа. Од Фондот за пензиско и инвалидско осигурување посочуваат дека работодавачот е должен да го информира сезонскиот работник за работата што ќе ја работи, местото на работа, висината на надоместокот без поврзаните даноци и придонеси, како и кога ќе му биде исплатена платата. .

Работното време на сезонски работник не смее да биде подолго од 12 часа на ден, а надоместокот за работа се пресметува по работен час, без поврзани придонеси и даноци, најмалку во висина на минималната цена на трудот утврдена во согласност со закон. , кој важи на денот на уплатата. Надоместокот за работа се исплаќа на крајот на работниот ден или во други договорени рокови.

Сезонскиот работник има права на здравствено осигурување само во случај на професионална повреда и професионално заболување, како и права од пензиско и инвалидско осигурување. Пријавувањето и одјавувањето на сезонските работници се поднесува по електронски пат до Даночната управа.

По основ на надоместок што го заработува сезонски работник, работодавачот е должен да плаќа персонален данок и придонеси за задолжително социјално осигурување на начин пропишан со закон, посочуваат од ПИО Фондот и додаваат дека плаќањата за пензиско и инвалидско осигурување и здравствено осигурување се сметаат придонеси.

Даноците и придонесите за сезонските работници работодавачот ги плаќа во рок од 15 дена од денот на приемот на податоците од платниот налог доставен од Даночната управа.

Работодавачот може да ангажира сезонски работници најмногу до 180 дена во текот на календарската година, јавува „Гласот на осигурениците“ на пензискиот фонд.

Еспресо

Зегин ДОО е првата приватна компанија во Република С. Македонија регистрирана за продажба на лекови.Една од најуспешните и најголемите компании кај нас, со најдобра инфраструктура и најголема дистрибутивна мрежа.

Моментално вработува:

АДМИНИСТРАТИВНО ТЕХНИЧКИ СОРАБОТНИК - СКОПЈЕ
СТРУЧЕН СОРАБОТНИК ЗА ОРТОПЕДИЈА - СКОПЈЕ
ФАРМАЦЕВТ/ФАРМАЦЕВТСКИ ТЕХНИЧАР - СКОПЈЕ

Се уште невработени?! Сите останати актвини работни позиции можете да ги најдете ТУКА.

Избирањето на најдобрата понуда за работа може да биде комплексен процес, но важно е да го извршите прецизно за да го пронајдете најдоброто работно место за вашиот профил и потреби.

Еве неколку чекори кои би можеле да ви помогнат во тоа:

• Оценете ги вашите потреби и цели

Размислете го што е најважно за вас. Дали сте на пример, во потрага по повисока плата, професионален напредок, работа од дома, или пак културата на работното место е најважна за вас?

• Истражете ги компаниите

Проучете ги компаниите кои ги нудат работните места кои ве интересираат. Прочитајте рецензии, посетете ја нивната веб страна, и дознајте повеќе за нивната култура и вредности.

• Проценете ги работните услови

Помислете за аспекти како работното време, бенефиции, можност за напредок, флексибилност и слично. Видете дали понудата за работа ги исполнува вашите очекувања и потреби.

• Истражете ги понудите за плата и други бенефиции

Споредете ги понудените плати, бонуси, осигурувања и други бенефиции од различни работодавци. Не се фокусирајте само на платата, туку и на другите аспекти на компензацијата и бенефиците.

• Разговарајте со луѓе кои веќе работат таму

Ако имате можност, разговарајте со луѓе кои веќе се вработени во компанијата за која размислувате да се вработите. Тие можат да ви дадат вредни информации за работната средина, културата и работните услови.

• Разговор за работата

Доколку добиете понуда за работа, разговарајте со регрутерот или потенцијалниот работодавец за сите детали кои ги имате и круцијалните прашања за работата, културата на компанијата и очекувањата.

Секако, изборот на најдобрата понуда за работа е индивидуален процес и зависи од вашите лични потреби, цели и пррференци.