Тина Николаи откако почнала да работи на селекција на кадри, забележала дека многу луѓе носат погрешна биографија. 

Таа наведува дека луѓето не знаат „да се продадат“ и на пазарот да ги престават своите достигнувања. 

Токму од таа причина во 2010 година основала фирма која се вика Résumé Writers’ Ink. 

Николаи прочитала над 40.000 биографии и ги издвоила најчестите грешки. 

Вели дека многу луѓе се невнимателни и не обрнуваат внимание на детали. 

Ако биографијата е многу долга, тогаш е здодевна за читање. 

Се користат многу звучни зборови како тимски играч, комуникативен и слично. 

Има и биографии кои се многу формални, што не може луѓето да ги одвои од другите. 

Во секојдневниот живот секој кој што мора да пишува мејлови, без разлика дали е бизнисмен, менаџер или продавач, треба да е свесен дека правилно напишаниот мејл може да отвори многу нови врати. 

Можеби да верувате дека „начинот на кој го пишувам мејлот не ја менува пораката внатре“, но, едноставно кажано, ја менува. Начинот на кој се презентирате себеси пред другите луѓе преку вашиот мејл кажува многу за вас и тоа влијае на како другата страна ја разбира вашата порака. Во продолжение ќе прочитате шест совети кои ви ги нуди KARIERA.mk со кои ќе можете да ги направите вашите мејлови попрофесионални.

• Проверете ја вашата мејл адреса - Ако се уште ја користите вашата мејл адреса од кога сте биле во средно образование пример, [email protected], шансите дека нема да бидете сфатени сериозни се огромни. Направете си мејл кој ќе го содржи само вашето име или презиме, со број или интерпукциски знак ако само вашето име не е достапно. 
• Проверете ја адресата на која праќате мејл - На пример, ако контактирате ваш колега за маркетинг проект и го праќате мејлот на департманот за човечки ресурси, не на маркетинг, оставате впечаток како да не сте застанале за момент да проверите дали е се во ред со вашиот мејл. 
• Користете ги инструкциите во мејлот на кој враќате - Ако вашиот претпоставен побара од вас одреден документ, бидете сигурен дека сте го прикачиле во мејлот. Потребни се само неколку секунди последна проверка за да бидете сигурни дека сте и одговориле сите прашања и сте ги извршиле сите барања. 
• Користете ја вистинската терминологија - Не ги почнувајте вашите мејлови со „Ејј здраво“, нешто како „Добро утро господине Никола“ или „Почитувана госпоѓа Валентина“ би било далеку повеќе пристојно. Истото правило важи и за завршувањето на мејлот - наместо „Чао“, искористете „Со почит“ и ваше име и презиме. Доколку ја знаете личноста со која комуницирате, уште подобро е доколку ја користете правилната терминологија. Ако сте директни, прецизни и јасни со вашите мејлови, ќе создадете многу подобар впечаток за себеси и ќе комуницирате многу поефективно. 
• Без граматички грешки - Дури и доколку имате јасна идеја за тоа што сакате да постигнете со вашиот мејл, граматичките грешки може да ви го отежнат патот. Проверката може да ви одземе неколку минути, а да го зголеми вашиот кредибилитет и репутација доколку мејлот е без грешка. 
• Насловот постои со причина - Изненадувачки огромен број на луѓе го оставаат ова место празно. Напишете сеопфатен и јасен наслов кој ќе осигура дека вашиот мејл ќе биде отворен. Насловот се користи за другата страна веднаш да добие слика за што би читала во тој мејл и на тој начин, комуникацијата ќе биде поефикасна.

Компанијата Musala Soft и годинава ќе биде организатор на шестата по ред техничка Muffin конференција која ќе се одржи во Младинскиот културен центар на 28 октомври. 

Настанот ќе го отворат Делјан Илов, Извршен директор на Musala Soft, Неговата Екселенција Марјан Ѓорчев, Амбасадор на Република Македонија во Република Бугарија и Неговата Екселенција Иван Петков, Амбасадор на Република Бугарија во Република Македонија. 

Конференцијата Muffin e годишен настан и очекувањата се дека и оваа година ќе собере многумина од сферата на технолошките иновации. 

Новостите поврзани со конференцијата и каде може да се регистрирате може да следите на Facebook страницата на конференцијата https://www.facebook.com/MUFFINconference/  .

Многу е веројатно дека Google се надева дека ќе го зголеми квалитетот на апликациите во Play store со лансирањето на нова програма која е сосема различна од веќе постоечката. Додека старата програма се фокусирала на пронаоѓање грешки во веб страните и оперативните системи, оваа програма ќе им плаќа на хакерите кога ќе најдат слабости во некои од најдобрите Android апликации. Веднаш по пронаоѓањето, хакерите треба да го прикажат проблемот на програмерите и да работат заедно со нив пред да го предадат извештајот преку платформата наречена HackerOne и да можат да си ја подигнат својата награда. 

Google ветува 1000 долари за секоја грешка која ќе ги исполни критериумите, но хакерите нема да можат да изберат било каква апликација. Општо познато е дека има премногу spam апликација во плејсторот. Моментално, наградата може да ја добијат единствено ако најдат веродостојна грешка во Dropbox, Duolingo, Line, Snapchat, Tinder, Alibaba, Mail.ru и Headspace. Google планира и во иднина да покани уште повеќе програмери за решавање на овој вид проблеми.