Веќе подолго време размислувате да ја промените вашата работна позиција меѓутоа никако да се решите да го направите првиот чекор. Со вас во иста ситуација се илјадници други луѓе кои се во иста ситуација.

Токму поради тоа тимот на KARIERA.mk споделува со вас неколку причини зошто е тоа така најчесто:

Ја обожавате програмата, дејноста или продуктот кој го нудите или продавате

Не е лесно да се работи против себе, меѓутоа бидете свесни дека доколку не се чувствувате убаво на работа, насвистина не е важно што мислите за дејноста, продуктот или програмата која ја нудите. Вие секогаш сте на прво место!

„Немам време да си го средам CV-то“

Пријателите веќе немаат нерви да ги слушаат вашите жалби и поплаки во врска со работата. Кога ве прашуваат зошто не преземате ниту најмала иницијатива за промена, вие одговарате дека CV-то ви е хаотично и немате време да го средите.

Тоа секако – е лага. Доколку вистински посакувате да го смените работното место мора да вложите малку напор, а средувањето на професионалното резиме е минимален почетен чекор кој треба да го направите.

„Можеби не е толку лошо како што си мислам“

Некој ден на работа е малку подобар од останатите. Тогаш се враќа тој добропознат оптимизам кој успева да ве залаже. За момент вие сте среќни и комфорни во својата зона.

Момент подоцна лажниот оптимизам и позитивна енергија се уриваат како кула од карти. Одеднаш сте свесни за сите лоши и негативни работи кои ви се случуваат, мобингот, платата која е ниска и згора на сé доцни, шефот кој не умее да менаџира.

„И да одберам друга работа, нема да биде подобро од ова“

Па зошто тогаш би се мачел/а да правам промена? Зошто да се малтретирам и да си го губам времето?

Затоа што ништо нема да постигнете без малку ризик и добра волја. Ова е последниот и најтежок изговор кој ве влече назад врзувајќи ве за лошата работа како со синџири.

Вие во принцип не можете да знаете како може да изгледа вашата следна работна позиција. Бидете храбри, бидејќи како што велат – среќата ги следи токму таквите луѓе.

Вие заслужувате подобро отколку да бидете проколнати со работни позиции кои ќе ги мразите до крајот на животот.

Сигурно забележувате дека околу нас се помалку луѓе пушат цигари и тоа е навистина убав тренд.

За потенцијалните негативни здравствени ефекти на пушењето постои сомневање уште од 1859 година. Епидемиолошки докази од потенцијално штетните ефекти од пушењето цигари се зголемуваа во  текот на следните години. Конечно, во 1962 година, кралскиот колеџ за лекари од Лондон официјално потврди дека пушењето претставува сериозна закана по здравјето на луѓето а во 1964 година хирурзите од САД го потврдија мислењето.

Сепак, има една загатка која не е логична и е поврзана со овој тренд во светот. Во последните 15 години продажбата на цигари паѓа за 37% додека тутунските компании имаат раст на приходите од цигари за околу 32%, и во 2016 тие достигнуваат 93,4 милијарди долари.

Всушност една кутија цигари што порано во просек чинела 3,73 долари, денес чини 6,42 долари. Иако компаниите губат пушачи, тие ова го компензираат со поскапување на нивната навика. Според Вол стрит журнал минатата година Американците трошат повеќе пари на цигари отколку на пиво и негазирани пијалоци.

Вака позитивните исходи резултираа и со скок на акциите на производителите на цигари, па според Вол стрит журнал во последните 10 години Тутунскиот индекс е зголемен за 178%.

Кога е распишан оглас, работодавците добиваат стотици досиеа кои треба да ги погледнат и да ги селектираат. Тимот на KARIERA.mk секојдневно слуша како еден апликант испратил cv на 20 места оваа недела и отишол на 7 интервјуа меѓутоа ниту еден разговор не резултирал со вработување.

Токму заради ваквите забелешки, решивме да издвоиме неколку ситуации во кои можете да се издвоите од толпата апликации за истата работна позиција.

Имајте одговор на прашањето - Колку очекувате да биде вашата плата?

Најпрво, одлучете си од дома која е најмалата сума што сте подготвени да ја прифатите и која би била вашата идеална плата, а потоа обидете се да се распрашате кои се цифрите што се вртат внатре во фирмата. Врз основа на сето ова, пресметајте го износот кој би можел да биде реален за вашата позиција и не се ни обидувајте да се ценкате на лице место

Никогаш не звучете очајнички

Колку и да ви е потребна работа, никогаш не нагласувајте дека ќе направите апсолутно сè и ќе работите 24 часа. Добриот работник ја знае својата вредност, не му е тешко да остане малку подолго на работа, но бара и почитување.

Не плукајте по поранешните работодавци

Може да кажете дека не сте биле задоволни од условите или дека сте барале нови предизвици, но плукањето по поранешните шефови и изнесување на нивниот „валкан веш“ е строго забрането на разговорот за работа. Поради таквото непрофесионално однесување, повеќето работодавци глатко ќе ве пречкртаат.

Ако сте насочени кон тоа да ја изградете вашата кариера а не само да пронајдете работа, развивањето на вашата професионална мрежа ќе е далеку поважно и повредно отколку прикачување на вашето CV на секој сајт за работа на Интернет.

• Каде да започнете? 

Не отфрлајте никого кој/а вие сметате дека нема да ви е од помош и бидете љубезни кон секого што го/ја запознавате. Никогаш не знаете кој/а личност би можела да ве поврзи кон одлична можност. Наместо да ја гледате вашата мрежа како луѓе кои вие би можеле да ги искористите во блиска или подалечна иднина, пристапете на таа идеја како можност да запознаете интересни, различни луѓе кои ќе ви ги прошират хоризонтите и вашиот свет и ќе ве запознаат со нови искуства, без разлика дали тоа ќе се работни места или не. Не се ограничувајте на целите на краток рок или на пронаоѓањето работа; инвестирајте во односи и врски кои може да чувате со години. 

Ако сте нови во пронаоѓањето на кариера и немате за што специфично да се докажете, развивањето на мрежата може да непријатно. Особено ако сте срамежливи по природа, може да биде уште потешко да иницирате разговори со луѓе кои одвај ги познавате или со повозрасни колеги кои имаат многу поголемо искуство. Вистината е дека многу од успешните менаџери, сопственици или колеги вообичаено уживаат да ги користат своите успеси за да помогнат на некого кој покажува амбиција и квалитет во работата.  

• Како да се развиете? 

LinkedIn е одлично место за поврзување со потенцијални ментори како и поединци кои нудат работни места. Исто така може и да ги посетете страните на комапниите кои ве интересираат или да пронајдете вработени во секторот каде вие би сакале да работите. Но, исто како што слепото споделување на вашето резиме не ви гарантира резултати, ќе треба да направите нешто повеќе од само праќање на покани за поврзување. Креирајте персонализирана порака кон секоја личност овјаснувајќи ги вашите цели, зошто ја сметате оваа личност за ваш идол и зошто заслужувате половина час од нивното време. 

Дополнително, потребно е да им пристапувате на луѓето и во реалноста. Излезете од комфорната зона, присуствувајте на конференции или јавни состаноци од индустријата која ве интересира, барајте неформални интервјуа со луѓе вработени во секторот кон кого вие целите. Најлошото што може да се случи и тие да одговорат „не, благодарам“ или воопшто да не одговорат. 

Продолжување на образованието е друг начин за запознавање луѓе вклучени во вашата област, како професори така и студенти. Прашајте каде работеле претходно, како ги пронашле нивните работни места и дали би сакале да ве поврзат вас. Дополнително, поврзете се онлајн за да пронајдете други личности кои биле во контакт со нив. 

Не го формирајте секој разговор во професионално поврзување, држете ги очите и ушите отворени и кога се социјализирате. Можеби има некој/а со кој би можеле да се поврзете во локалната библиотека, локалниот парк или фитнес час кој познава некој/а кој би можел да ви значи многу како професионална конекција. 

• Како да користете? 

Пред се, запомнете дека вие ги замолувате луѓето да ви дадат нешто: нивното време, нивниот совет, нивната поддршка. Вие ги замолувате нив за услуга, затоа бидете љубезни, трпеливи и гостопримливи. Слушајте повеќе отколку што зборувате. Бидете љубопитни, отворени за предлози и флексибилни, отколку да имате фиксирана агенда и очекувања. Ако сте имале добар прв состанок, но не сте сигурни каде одите од таму, прашајте дали би можеле привремено да се консултирате со нив при подготовката за важни интервјуа. Доколку не успеете да се договорите ништо на еден состанок, тоа не е неуспех. Ја градите вашата кариера и врски, не барате работа. Ова може да трае многу подолго отколку работа, ако има вредност и за двете страни.