Предлог-законот за ратификација на договорот меѓу Македонија и Босна и Херцеговина за заемно признавање и замена на возачките дозволи, ќе се најде на дневен ред на утрешната, 38 седница на Владата.

Според потпишаниот договор, надлежните органи на двете држави реципрочно ќе ги признаваат возачките дозволи на возачите кои како туристи или комерцијални возачи управуваат со возило на територија на едната или другата држава. Воедно, граѓаните кои имаат регулиран престој согласно националното законодавство на двете држави, ќе можат да ја заменат својата возачка дозвола од истата категорија и подкатегорија на другата држава, без да има потреба од полагање теоретски и практичен испит.

Се очекува овој чекор значително да ја подобри соработката на двете држави, поради фактот што голем број граѓани живеат или транзитираат преку Македонија или преку БиХ.

Бејжинг е еден од најзагадените градови во светот. Токму во овој град е поставена вакум кула за справување со смогот. Оваа кула го „вшмукува“ смогот на градот и го претвора во дијаманти. Кулата впива до 30.000 метри кубни на смог по час, го чисти користејќи многу малку електрична енергија и потоа испушта чист воздух. Паркови, игралишта и сите други простори околу кулата имаат 55 - 75% почист воздух од остатокот од градот. 

Ден Розенгард, креаторот на оваа вакум кула, истражил дека 42% од смогот е од карбон и карбонот под притисок, се претворал во дијаманти. На тој начин, креира прстени кој потоа ги продава и собраните пари се инвестираат во кулата, како и во други кули кои создавачот планира да ги гради. 

Погледнете го следното видео за да видите за каква кула станува збор: 

https://www.youtube.com/watch?v=LND6W7w4OpU

На еден состанок во една голема компанија се зборувала за тоа како компанијата оди во надолна линија и како вработените не се ангажирани доволно.

Директорот јасно кажал дека е навистина несреќен и ги прашал како се чувствуваат вработените.

Одеднаш се свртел кон сите во канцеларијата и ги прашал: „Дали сакате да бидете среќни? Веднаш можам да ве направам среќни, можам да ви дадам вечна среќа. Дали некој од вас го сака тоа?“

Многумина од присутните кренале рака.

„Одлично!“, продолжил директорот. „Ќе добиете среќа во замена за сè што имате. Дајте ми сè што го поседувате и јас ќе ве направам среќни.“, рекол тој.

Вработените го гледале збунето. Мислеле дека зборува метафорички.

„Јас ви ветувам! Не се шегувам!“, сериозно им одговорил директорот.

Тогаш рацете на вработените почнале да се спуштаат и тој рекол: „Аха … Не сакате. Никој не сака …“

Потоа им објаснил на вработените дека среќата ја поврзуваме со удобност, успех, слава, авторитет, аплауз, пари, уживање и привремено задоволство. Среќата всушност е прашање на избори и одлуки и секој може да ја доживее само на тој начин.

Следниот пат кога ќе помислите дека сте несреќни и дека ви недостасуваат многу работи само потсетете се на приказнава.

Главните потрошувачи на електрична енергија се клима уредите, печките на кои се грееме, но и машините за садови и алишта.

Во продолжение прочитајте како сметката за струја да биде дупло помала од претходните.

Планирајте - кога и да можете, подгответе оброци за два-три дена одеднаш. Потрошната електрична енергија не е иста кога готвите секој ден и секој трет ден.

Исклучувајте од штекер - не оставајте ги уредите на чекање, туку исклучете ги од струја. На пример, телевизорот трши околу 24% енергија кога е исклучен.

Внимавајте на температурата - внимавајте вратата од фрижидерот да не биде предолго отворена, бидејќи ќе мора одново да ја лади внатрешноста, а тоа не е возможно без трошење на електрична енергија.

Фрижидер на ладно - ставете го фрижидерот на најладното место во станот. Секој степен помалку ја намалува и потрошувачката на струја.

Внимавајте на големината на садовите - големината на садовите прилагодете ја на храната која ја подготвувате. Ако храната ја ставите во преголем сад ќе потрошите повеќе енергија за подготовка, како и на подоцнежното миење.

Избегнувајте да ги паузирате уредите - обидете се никогаш да не ги паузирате уредите, бидејќи на тој начин се троши дури и до 6% од електричната енергија во домаќинството.

Не оставајте ги полначите вклучени во штекер - полначите обавезно извлечете ги од штекер кога веќе не ги користите.

Туширајте се пократко - намалете го времето на туширање на пет минути. Избегнувајте капење во када, бидејќи со туширањето трошите дупло помалку енергија отколку со капењето.