Тестовите треба да дадат дефинитивен одговор на експлозивното тврдење што ги фасцинираше читателите и проблематичните историчари речиси еден век. Дали Масарик - поборник за словенските права и татко на чехословачката држава – бил вонбрачен син на австроунгарскиот цар

Чешки експерт за ДНК прави тестови на облеката што му припаѓала на првиот претседател на Чехословачка, Томаш Гарик Масарик.

Тестовите треба да дадат дефинитивен одговор на експлозивното тврдење што ги фасцинираше читателите и проблематичните историчари речиси еден век. Дали Масарик - поборник за словенските права и татко на чехословачката држава – бил вонбрачен син на австроунгарскиот цар?

Па“, вели Марек Варека, историчар во музејот „Масарик“ во Ходонин. „Еве сме“

Автомобил запре во замокот Холич, на границата на Чешка со Словачка. Пред нас стоеше застрашувачка, трикатна барокна грамада опкружена со ров од трева.

Тогаш Хабсбурговците ги поседуваа двата имота Ходонин и Холич, така што често престојуваа тука - објаснуваше Варека.

Денес, градовите се одвоени со меѓународна граница. Ходонин е чешки, Холич е словачки.

Во 1849 година, границата била внатрешна: Ходонин бил во кралската земја Моравија, а Холич во Кралството Унгарија. Но, сето тоа било „Империјата“ на Хабсбурговците.

Познато е дека императорот Франц Јосеф дошол преку Ходонин и Холич во декември 1849 година, на пат да изврши смотра на царските војници кои го задушиле унгарскиот бунт во текот на летото - рече Варека.

Ги затворив очите и се обидов да го замислам, не Франц Јозеф, кралот со бакембарди од Првата светска војна, туку Франц Јозеф, 19-годишниот владетел, сјаен во црвено-бела воена униформа, како седи со шипката од пушката директно на неговиот царски коњ додека јава со кас на територијата на замокот.

Тој бил тука во декември. Дали можеби бил тука летото, исто така?

И дали можеби му било обезбедено женско друштво, за да го помине времето пријатно?

Ох, тоа би било сосема нормално“, вели Варека, објаснувајќи дека царскиот персонал избирал чисти, здрави локални жени за императорот.

И дали, можеби, таа жена била Терезија Кропачек, готвачка на хабсбуршкиот имот Ходонин? Истата Терезија Кропачек кој се омажила со нејзиниот соработник Јозеф Масарик во август 1849 година, а го родила Томаш само седум месеци подоцна?

Искрено, доказите се целосно посредни. Варека истакнува дека нема записи дека Терезија Кропачек или Франц Јозеф воопшто се сретнале, а не пак да делат постела. Сето тоа е чиста хипотеза.

Но, тоа не ги потиснува шпекулациите.

За почеток, Терезија , која зборувала германски, била 10 години постара од својот сопруг, неписмен словачки кочијаш. Таа, исто така, била од повисока општествена класа.

Во почетокот на животот, Томаш - момче од скромно потекло во Моравија - се чинело дека има заштитна рака која лебди над него.

Многу работи не се сложуваат сосема - вели авторот на чешки ТВ-документарец, Давид Вондрачек. Уште како дете, тој се преселил во аристократските кругови. Бил учител на најбогатите австриски семејства - продолжува тој.

Вондрачек смета дека е невообичаено што Масарик бил избркан од академија во Брно поради несогласување со директорот, а потоа примен во најпрестижната гимназија во Виена. „И еден од неговите најголеми добродетели бил виенскиот шеф на полицијата Антон фон Ле Мониер, кој бил близок пријател на Франц Јозеф“, додаде тој, објаснувајќи ги своето лично восхитување од теоријата.

Сега тој сака да ја реши мистеријата со помош на ДНК.

Дојде до куфер со облеката што некогаш му припаѓала на Томаш Масарик. Генетичкиот материјал на нив се споредува со оној на неговиот починат син Јан, за да се утврди дали тие навистина се негови. Ако се, таа ДНК ќе се споредува со онаа на живите машки потомци на Јозеф Масарик, човекот за кој се верува дека бил неговиот татко.

Ако нема совпаѓање, потоа ќе се споредува со хабсбуршката ДНК - било од живите Хабсбурговци или од артефакти во чешките музеи, како што е крвавото шамивче кое му припаѓало на надвојводата Франц Фердинанд, чие убиство во Сараево ја предизвика Првата светска војна.

И ако се најде едно совпаѓање, тоа ќе биде време да започне преработката на историските книги.

Чешката телевизија ќе ги објави резултатите за неколку месеци. За некои, тоа не може да се случи наскоро.

Лично, како историчар, не би се трудела да ги погледнам - вели Ирена Чованцикова, директор на музејот „Масарик“, очигледно налутена што почитуваниот претседател е предмет на такво понижување.

Масарик секогаш зборуваше за Јосеф како негов татко. Односот татко-син јасно можеле да го видат сите - рече таа, додека разговаравме во раскошната општинска зграда на Прага, каде што била прогласена независноста на Чехословачка во октомври 1918 година.

Сето тоа изгледа како многу таблоиден начин на пристапување до нештата; понекогаш дебатата едноставно е одвратна.

Одвратна? Можеби. Но, тоа може да ја преврти на глава историјата на Централна Европа. (Би-би-си)

Извор: http://utrinski.mk/

Пандора - Светот на аватар е тематски парк кој во моментов се гради во југо-западниот дел на забавниот парк Walt Disney World Resort во Флорида, во близина на Орландо. Целата идеја е добиена од фимот Аватар и фиктивната месечина Пандора од Џејмс Камерон, и целиот проект ќе ги вклучи пандорината лебдечки планини, вонземскиот живот и биолуминисцентни растенија. Пандора -. светот на аватар, се очекува да биде изграден на огромна површина и во функција ќе бидат повеќе атракции, забавни 3-D холограми како и места за храна и пијалаци. Дизни најави дека паркот ќе биде отворен во 2017 а истиот започна со изградба во 2011тата година. Со сигурност ќе биде огромна атракција за посетители од целиот свет!

Студијата е направена врз 27 000 луѓе од 190 земји, кои работат во странски држави. Меѓу критериумите биле пристапноста до работата, можноста за издржување на семејството, приходите, начинот на живот, напредокот во кариерата, балансот работа-приватност, бонусите.

Видете кои земји спаѓаат во Топ 10:

10. Бахреин

Просечната годишна плата за странски специјалисти тука е 98 622 долари. 65% од работниците странци во земјата добиваат бонус плата, т.е. годишна можност да се вратат во својата татковина. 91% од вработените во Блискиот Исток велат дека договорите им вклучуваат различни бонуси, во просек 67% за целиот свет.

9. Британија

83 227 долари е просечната годишна плата за странските специјалисти. Земјата за прв пат паѓа во Топ 10 на ранг листата. Вработените странци признаваат дека добиваат повеќе нови знаења во споредба со нивната родна земја (64%) и напредокот во кариерата (62%).

8. Хонгконг

Тука просечната плата за странци е 169 756 долари годишно.

7. Австрија

Во Австрија просечниот годишен приход за странски специјалисти е 85 288 долари годишно. И таа како Велика Британија за прв пат паѓа во Топ 10.

6. Сингапур

Тука вработените странци добиваат 138 641 долари годишно. 30% од работниците тука странците сепак наведуваат дека нивниот животен стандард е влошен.

5. Норвешка

Просечниот приход на странски работник тука е 97 486 долари годишно.

4. ОАЕ

Приходот на вработените странци во Емиратите е 112 820 долари годишно. 56% добиваат бонус сместување, а 75% – здравствени бонуси.

3. Шведска

Тука просечната плата за година на специјалист од странска земја е 84 802 долари. Вработените тука посочуваат дека имаат одлични можности за работа.

2. Германија

Просечниот приход на странец во Германија е 97 693 долари годишно. Според 70% од работниците тука безбедноста на нивната работа е поголема отколку во родните земји.

1. Швајцарија

Тука може да добивате и 188 275 долари. Сумата е речиси најголемата во рангот, а за првото место придонесуваат и најдобриот баланс меѓу работата и личното време. Покрај тоа приходот тука е речиси двојно повеќе од просекот на странски специјалисти во светот, кој е 97 419 долари годишно.

Претседателот на најголемата јапонска рекламна агенција Дентсу, Тадаши Иши, поднесе оставка поради ланско самоубиство на работник поради преоптоварување со работа.

Неизмерно жалам што не ја спречивме преоптовареноста на новите вработени – изјави Иши во текот на обраќањето на новинарите.

Иши поднесе оставка по неколку часа откако јапонското министерство за труд најави тужба поради кршење на работното законодавство.