Завчера во сон почина Ингвар Кампард, таткото на IKEA. Популарниот магнат издиша за последен пат на 91-годишна возраст.

Иако беше еден од најбогатите луѓе на светот, Ингвар беше познат по штедливоста, па постојат многу анегдоти кои се сврзуваат со неговиот стил на живот.

Прочитајте неколку факти кои можеби не сте ги знаеле за основачот на најголемиот синџир на продавници за мебел:

• Ингвар започнал да се занимава со бизнис на 5 години. На почетокот им продавал кибритчиња на соседите, а потоа со својот велосипед патувал сè подалеку за поголем профит. Од кибритчиња тој подоцна се префрлил на продажба на риба, божиќни декорации и мали предмети како пенкала.
• Ја основа IKEA на 17 години. Да, тешко е да се поверува дека компанијата која денес има 412 продавници на 49 пазари беше основана од тинејџер во 1943 година во Шведска. Но, Ингвар смело влегол во бизнисот на млада возраст, примајќи нарачки преку пошта. Пет години подоцна, тој започнал да продава мебел, а 20 години по лансирањето, се проширил во Норвешка.
• IKEA е акроним. Името IKEA е акроним од неговите иницијали (Ingvar Kamprad), плус почетните букви на семејната фарма на која се родил (Elmtaryd) и блиското село (Agunnaryd).

• И покрај тоа што имал огромно богатство, купувал облека на старо (втора употреба) и пазарувал на болвини пазари. „Мислам дека немам носено нешто што не е купено на болвин пазар“ – изјави тој.
• Возеше Volvo старо 15 години, користеше јавен превоз, никогаш не леташе со авион во прва класа... Ингвар беше дециден кога станува збор за трошењето пари. Возеше автомобил стар 15 години, секогаш леташе во економична класа, одбиваше да се вози со такси и користеше метро и автобуси и долги години живееше во Швајцарија за да ги заобиколи строгите шведски закони за даноци. Има гласини и дека ги користел кесичките за чај по неколку пати и дека собирал пакетчиња со сол и црн бибер од рестораните. „Обично се потстрижувам кога сум во земја во развој. Последниот пат беше во Виетнам“ – има изјавено тој.

Не стивнуваат реакциите во јавноста во однос на прагот со кои физичките лица стануваат ДДВ  обврзници. По програмерите, финансиските аналитичари, членовите на управни одбори реагираат и универзитетските професори. Велат не е логично да плаќаат ДДВ за нивната редовната работа на универизитетите каде за часовите   додипломски студии  добиваат плата , а за часавоте на магистерски мора да земат хонорар.  Според професорите тие часови не се вршење на стопанска дејност туку се во склоп на матичната инситуција - универзитетот и се дел од нивните  секојдневни редовни работни обврски.

Кај овој вид на интелектуална работа проблем е и тоа што ДДВ ќе се плаќа редовно но не може да се направи поврат , затоа што ресурсите  кои се користат за вршење на услугата се во сопственост на самиот универзитет.

Владата сеуште не донела одлука дали ќе се покачи прагот со кои физичките лица стануваат ДДВ обврзници. Според актуелниот закон секој кој  минатата година зарботил над еден милион денари има обврска да се регистрира како ДДВ обврзник. Со тоа за  остварениот приход  освен персонален данок на доход  плаќа и ДДВ.

За да обезбедиме квалитетен ран детски развој и да изградиме ефикасен и ефективен воспитно образовен систем со добра и силна основа, кој пред сè ќе биде цврст, безбеден и отпорен на разни промени и потреси, потребно ни е здраво и цврсто основно образование. Во таа насока, создаваме нов образовен модел за основно образование и нови и квалитетни наставни планови и програми за учениците од 1-3 одделение. Работната група која го создава овој нов образовен модел, се состои од експерти во областа, професори од Филозофскиот факултет и Педагошкиот институт, но и практичари во областа, односно наставници кои работат со ученици од 1-3 одделение, стои во повикот на МОН.

Откако заврши распустот на учениците, МОН најави промени во образовниот систем, а предложи за учениците од прво до петто одделение еден наставен час да трае 55 минути, во кој е вклучен и одмор во траење од 15 минути по секој наставен час. Наставникот одлучува кога ќе го даде одморот и како ќе го реализира. Исто така, предвидено е учениците од прво до трето одделение нема да имаат повеќе од четири часови дневно. Учениците ќе имаат Мајчин јазик, Математика, Светот околу нас, Уметност, Физичка култура. Предлог е да нема домашни и да се намалат тестирањата.

Министерството за образование и наука бара и очекува од наставниците од одделенската настава, како и сите компетентни и заинтересирани лица, активно да се вклучат во процесот на градењето на новиот модел за основно образование и да достават свои критики, коментари и предлози за подобрување на новите наставни програми и реформите во основното образование.

Вашите коментари и предлози се добредојдени и ги очекуваме на [email protected], а можете истите да ги доставите и до архивата на Министерството за образование и наука (ул. Св. Кирил и Методиј бр. 54).

МОН наскоро очекува да ги добие и новите наставни програми за второ и трето одделение.

Заменик претседателот на Владата на Република Македонија д-р Кочо Анѓушев присуствуваше на свеченото отворање на новите простории на Бизнис Центарот за претприемништво и извршен развој (CEED Hub).

Новите простории на центарот се отворени со средствата кои се обезедени во рамки на „Проектот за мали и средни претпријатија“ на USAID, спроведуван од CEED Macedonia, a со поддршка од Швајцарската амбасада.

Преку овој проект, кој е со вредност од 3,1 милиони долари, во изминатите шест години овозможена е поддршка за околу 650 претприемачи, креирани се околу 350 нови работни места, воведени се нови практики во 140 компании и обезбедени разновидни услуги за развој на бизнисот за околу 400 корисници на проектот.

Вицепремиерот Анѓушев за време на своето излагање истакна дека Владата за Програмата за економски развој за 2018 година има детерминирано 46% повеќе средства во однос на 2017 година.

Над 98% од вкупниот број на компании се мали и средни претпријатија и токму затоа Владата беше посветена во својата економска програма да детерминира што е можно повеќе средства и да креира мерки кои ќе бидат имплементирани преку Фондот за технолошки развој и иновации и да им помогне на старт ап  и малите и средните претпријатија, истакна вицепремиерот Анѓушев.

Владата креираше конкретни мерки за поддршка на малите и средни претпријатија и за поддршка на претприемништвото, особено за младите лица коишто треба да бидат поддржани во остварувае на своите бизнис идеи.

Освен поддршката преку таканаречените меки мерки, односно за покривање на трошоци за едукација и обуки, Владата ќе ги поддржи старт ап  и малите компании со директна финансиска помош.  Малите и средни претпријатија ќе бидат поддржани со 30% поврат на инвестициите за основните средства за извршување на дејноста, а ќе се овозможи 70% поврат на инвестиција за компании кои ќе воведуваат иновации и ќе креираат нови производи. На Фондот за иновации доделени се значителни средства за формирање на фонд за ризичен капитал, со кој ќе овозможи пристап до средства за малите и средни компании, потенцираше потпретседателот на Владата Анѓушев.