Членовите на семејството стекнуваат право на семејна пензија по исполнување на општите и посебни услови.

Општи услови за стекнување право на семејна пензија:

Ако осигуреникот од кого се изведува правото на семејна пензија  до денот на смртта наполнил најмалку 5 години стаж на осигурување или најмалку 10 години пензиски стаж, или ако осигуреникот ги исполнува условите за стекнување право на старосна или инвалидска пензија, или бил корисник на старосна или инвалидска пензија.
Ако смртта на осигуреникот настанала како последица од повреда на работа или од професионална болест, членовите на семејството стекнуваат право на семејна пензија, без оглед на должината на пензискиот стаж на осигурениикот.

Посебни услови за остварување право на семејна пензија

Вдовец/вдовица стекнува право на семејна пензија ако:

до смртта на осигуреникот, по кој основ тоа право им припаѓа лицето наполнило 50 години живот;

до смртта на брачниот другар било неспособно за работа или таква неспособност настанала во рок од една година од денот на смртта на брачниот другар;

по смртта на брачниот другар останале едно или повеќе деца кои имаат право на семејна пензија по тој брачен другар, а вдовецот/вдовицата ги врши родителските должности спрема тие деца или

 до смртта на брачниот другар имало наполнети 45 години, кога ќе наполни 50 години живот – или ако во тие години станало неспособно за работа.

Вдовецот/вдовицата кој во текот на користењето на правото по основа на вршење на родителска должност  (од став 3 погоре) стане неспособно за работа или наполнило 50 години живот трајно го задржува правото на семејна пензија.

Вдовецот/вдовицата кој го загубил/а правото на семејна пензија по основ на вршење на родителска должност по наполнети 45 години живот, стекнува право на семејна пензија кога ќе наполни 50 години живот.

Исто така  право на семејна пензија стекнува и вдовица кога:

• детето на осигуреникот, односно корисникот на пензија е родено по смртта на осигуреникот, односно корисникот на пензија со тоа што семејната пензија и припаѓа од денот на смртта на осигуреникот, односно корисникот на пензија,
• кај која постоела бременост на денот на  смртта на осигуреникот, односно корисникот на пензија со тоа што семејната пензија до раѓањето на детето се определува за еден член на семејството,
• како и во случаевите ако детето е мртвородено или ако умре пред навршувањето на 45 дена живот, на вдовицата и припаѓа семејна пензија до истекот на 45 дена по породувањето.

 Дете стекнува право на семејна пензија:

До наполнети 15 години живот, а ако е на школување до наполнети 26 години живот или ако пред смртта на осигуреникот, односно корисникот на пензија кој го издржувал било неспособно за работа или таквата несопсобност настанала во рок од 1 година од денот на смртта на осигуреникот, односно корисникот на пензија.

Ако школувањето на детето е прекинато поради болест, правото на семејна пензија може да се стекне, односно му припаѓа и за време на боледувањето до наполнети 26 години живот, како и над тие години, но најмногу за толку време колку што е изгубено од редовното школување поради болест.

На детето кое го прекинало школувањето заради отслужување на воениот рок, семејната пензија му се исплатува и за тоа време.

Ако во текот на користењето на правото на семејна пензија детето стане неспособно за работа, трајно го задржува правото на семејна пензија.

Детето-инвалид има право на семејна пензија по престанок на работниот однос.

Како неспособност за работа, врз основа на која се остварува правото на семејна пензија кај децата се смета несособност за самостоен живот и работа.

Како дете на школување се смета ученикот  во основно и  средно образование, стручно односно работно оспособување, студент на високообразовна установа и лицето на посдипломски студии, додека имаат статус  на ученик односно студент според статутот на  воспитно–образовната институција до навршување на 26 години живот.

Како школување на дете  се смета и времетраењето на стручното, односно работното оспособување на децата со пречки во психофизичкиот развој.

Покрај   наведените категории осигуреници, право на семејна пензија стекнува и родителот кога осигуреникот, односно корисникот на пензија го издржувал до својата смрт, се стекнува со право на семејна пензија ако:

1) до смртта на осигуреникот, односно корисникот на пензијата наполнил 55 години живот и

2) е помлад од 55 години, и ако до смртта на осигуреникот, односно корисникот на пензија бил неспособен за работа.

Правото на семејна пензија им припаѓа првенствено на брачниот другар и на децата на осигуреникот, односно корисникот на пензија. Родителите, посвоителите, внучињата и другите деца без родители кои ги издржувал осигуреникот, односно корисникот на пензија, имаат право на семејна пензија ако осигуреникот, односно корисникот на пензија немал членови на потесното семејство кои имаат право на семејна пензија или ако пензијата што им припаѓа на членовите на потесното семејство не го исцрпува полниот износ на основата од која се определува семејната пензија.

Семејната пензија се определува од старосната или инвалидската пензија што на осигуреникот би му припаѓала во часот на смртта, односно од пензијата што на корисникот на пензијата му припаѓала во часот на смртта.

Извор: Правдико

Љубовната врска со колега или колешка на работа главно не се препорачува, но многу луѓе своите животни партнери ги запознаваат токму на работното место.

Површните врски не смеат да ни ја упропастат кариерата, смееме да се впуштиме само во сериозни врски и да се однесуваме паметно, тврди британскиот автор Ричард Темплат во книгата „100 правила за работа: најдобриот рецепт за личен успех“.

Врските на работа главно не се препорачливи бидејќи можат да бидат извор на огорченост, стрес, љубомора, растревоженост, деконцентрација, фрустрација и да ни наштетат во работата и врз угледот. Можеби така нема да биде додека врската е убава, но проблемите настануваат кога врската ќе западне во криза или ќе заврши. Повторно, многу луѓе, вклучувајќи го и авторот на книгата, токму на работа ги запознаваат своите животни партнери, па затоа тешко е да се каже – никогаш не започнувај ништо љубовно со колега или колешка.

Темплар сепак советува дека не смееме да се впуштаме во површни врски и флерт со колегите, на работа смееме да си дозволиме само сериозна врска. Нормално, никој не може да биде сигурен дека врската ќе трае вечно, но доколку веднаш е јасно дека нема иднина, треба да се воздржиме.

Секогаш треба да се запрашаме: дали оваа личност ми е поважна од работата? Да морам да се откажам од едното, што би избрал? Авторот препорачувва дека доколку одговорот е работата, слободно да се впуштиме во врска. Со малку среќа, нема да мораме да се откажеме од ниедно.

Доколку веќе направите нешто со колега или колешка треба да се однесувате зрело и одговорно. Тука се некои основни правила:

• Не разменувајте нежности пред другите.
• Без осамување, шепкање на уво и интерни шеги.
• На најблиските колеги и претпоставените кажете им за својата врска бидејќи и онака тие сами ќе забележат дека нешто се случува, а нема да знаат што.
• Однесувајте се како да не сте пар.
• Замолете некои задачи да му бидат доделени на друг во случај да постои судир на интереси (тоа е една од причините поради кои вашиот шеф мора да знае за вашата врска.) На пример, не можете еден друг објективно да се оцените, казните или испрашате.

Повеќе од 10 000 Македонци аплицирале за бугарско државјанство, пренесе денеска бугарската новинска агенција БТА.

Овие потадоци ги изнела бугарската министерка за правда, Цецка Цачева, која одговарала на пратенички прашања во бугарскиот парламент.

Таа рекла дека во последната година вкупно биле поднесени 17 792 барања за бугарско државјанство кои во најголем дел биле поднесувани од страна на Македонци. Потоа следуваат барањата од државјани на Србија, Молдавија, Турција, Албанија, Израел и Русија.

Министерката истакнала и дека биле разгледани вкупно 16 313 барања, а државјанство било доделено во 9 848 случаи.

За првите четири месеци годинава дури 110 лекари ја напуштиле земјата и продолжиле со докторската дејност во Германија и други западно европски земји.

Од евиденцијата на Лекарската Комора, само десетина од нив се на едукација во странство. За лекарската фела ова е  загрижувачка статистика бидејќи годинешната  бројка е идентична со потврдите издадени во 2017. Најмногу одлив на лекарски кадар имало во 2015 и 2016 година кога надвор од границите на Македонија заминале 340 доктори.

Секако е загрижувачки да образувани млади луѓе ја напуштаат државата. Со колеги си дискутираме дека држава која има ваква младина не смее да се грижи за иднината на германија. За жал нашата младина ја школуваме и како високообразовни лица одат да работат во Германија, вели др. Калина Старделова Гривчева, претседател на ЛКМ

Податоците дека од 2010 до сега околу 1200 лекари заминале во странство, според Лекарската комора е доволен знак за итно преземање на мерки со кои ќе ги мотивираат студентите на медицина по дипломирањето да размислуваат за работа во Македонија а не да одат во други земји. Новиот закон за здравствен заштита кој е во подготовка треба да им гарантира работа на сите млади доктори.

Да се обидат на сите доктори кои ќе почнат специјализација да им се најде работа. Прво работа а потоа да се подобрат и условите за работа, вели др. Гривчева

Во бројката од 1200 заминати од државата не се и медицинските сестри, кои во многу поголем број ги напуштаат здравствените установи во државата, одат на интензивни курсеви по странски јазици и продолжуваат со работа во други земји.