Луѓето нема да се грижат, ниту ќе забележат доколку 74 отсто од брендовите кои ги користат едноставно, исчезнат.Тоа го покажува најновото истражување на „Хавас Медија“ под името „Значајни брендови“.

Глобалниот директор на „Хавас Медија“, Доминик Делпорт, изјави за „CNBC“ дека тоа е последица на претераната комуникација, односно бомбардирање на потрошувачите со рекламни пораки.

Имаме премногу брендови, можности, па така луѓето многу лесно можат да најдат алтернатива, а претераната комуникација ја убива комуникацијата, па така морате да бидете од корист на луѓето - вели тој.

Во светот во кој дневно се испраќаат 500 милиони „твитови“, се пишуваат 4,3 милијарди постови на „Фејсбук“ и се објавуваат 500 милиони часа на „Јутјуб“, успех може да постигнат само брендовите кои на потрошувачите им испорачуваат корисност.

Истражувањето спроведено на 300.000 испитаници во 33 држави, кое опфати 1.500 брендови од 15 различни индустрии, покажува дека е ирелевантно 74 проценти од брендовите се последица на фактот дека тие не допринесуваат за квалитетот на животот на потрошувачот.

Имено, 75 осто од учениците во анкетата очекуваат од брендовите да допринесат за квалитетот на нивниот живот, а само 40 посто од нив веруваат дека брендовите тоа и го прават. Меѓутоа, 60 проценти сметаат дека содржината која брендовите ја донесуваат е лоша, ирелевантна или речиси воопшто ја нема. Дека содржината на брендот треба да биде забавна, да нуди решенија или обезбеди искуство сметаат 84 проценти од испитаниците.

Извештајот резултираше со ранг листа на најзначајните брендови, а во Топ 10 се „Гугл“, „ПејПал“, „Вотсап“, „Јутјуб“, „Самсунг“, „Мерцедес Бенз“, „Нивеа“, „Мајкрософт“, „Икеа“ и „Лего“.

Доколку ги погледнете сите тие технолошки брендови, тие се на врвот во рангирањето. Зошто? Затоа што го прават мојот живот полесен, во основа, и целосно се бесплатни. Сите тие апликации се главно бесплатни за превземање, а нудат одлични услуги“, додава Делпорт.

Според неговата дефиниција, корисен бренд е функционален, обезбедува вредност за парите, го прави животот на поединецот полесен, а покрај тоа има позитивно влијание и на заедницата.

Властите во Осло на граѓаните им нудат по 1.200 долари помош за купување на електричен мотоцикл/велосипед. 

На ваков потег за промоција на начините на превоз кои не загадуваат, се одлучија заради зголеменото загадување на воздухот, но и за да ја намалат зависноста од автомобилите. Бидејќи цената на електричните мотоцикли се движи од 2.500 до 6.400 долари, бонусот од властите ќе покрие 25 до 50% од вкупните трошоци. Сепак,  не сите граѓани ќе добијат субвенции за електричен мотоцикл. Такви ќе се доделат само на 500 до 1000 жители. 

Идејата е луѓето да купат електрични мотоцикли на кои ќе можат да го возат и својот товар, како што се намирниците, торбите и другите лични сопствености кои обично ги пренесуваат во гепеците на автомобилите. 

Норвешка потроши големи суми за промоција на велосипедизам, вклучително и нови стази и повеќе електрични велосипеди. Осло привремено ги забрани и дизел возилата, а главната цел е до 2019-та година да нема возила во центарот на градот.

Многу од новите бизниси пропаѓаат, и затоа е важно што помалку да се прават грешки во деловното работење. 

Предолго чекате за да ја наплатите својата работа 

Ова едноставно е губење на заработката. Чекањето и губењето на време е губење на пари. Мора да сфатите дека пазарот на работодавци е немилосрден и со него мора да се фатите во костец. Почнете со продажба, видете како стоите и каде сте. 

Лоша идеја 

При продажба мора да слушнете што повеќе мислења и вие да го користите она што го продавате. Најголем проблем е ако производот не го решава проблемот за кој е наменет или не е доволно различен од другите. Вашиот производ или услуга мораат да бидат единствени. 

Не ги слушате корисниците 

Без клиенти немате продажба ниту бизнис. Многу е важно да го слушнете нивното мислење. Дали им се допаѓа вашиот производ или не, и како можете да го подобрите. 

Првата недела на претседателот на САД Доналд Трамп многу нагло донесе нервоза кај инвеститорите и бројни светски берзи забележаа пад на тргувањето со хартии од вредност, особено по привремената забрана за прием на бегалци од неколку муслимански земји. 

Затоа инвестициските фондови се свртеа кон најбезбедниот механизам, а тоа е златото чија цена надминува 1200 долари за унца на берзите. 

Повеќе финансиски куќи од САД и Европа на своите клиенти им препорачуваат сега да купуваат злато со цел да почекаат да видат како ќе се развива политичката ситуација во САД со новата администрација на САД, потоа транзицијата во ЕУ со Брегзит, како и стабилизирањето на Сирија во заеднички напори на Трамп и Путин. 

Прогнозите се дека до крајот на годината унца злато на светските берзи ќе надмине и 1500 долари што засега е одлична мамка за инвеститорите.  

Тоа го наруши позитивниот тренд на денот на инугурацијата кога финансискиот центар Вол Стрит забележа мал раст на тргувањата, но потоа со повеќе одлуки на Трамп, избивањето на протести во САД, како и нерешавањето на заканата од тероризам на Блискиот исток предизвика нова паника.