Горди сме на нашиот тим на кардиохирурзи, којшто е единствен сертифициран тим за изведување на овој тип интервенции во Република Македонија. Од експертите од странство добиваме признанија за изведувањето на оваа крајно комплексната операција. Нивните признанија се за вкупните капацитети на болницата, подготвеноста и знаењето на нашиот тим, предводен од проф. д-р Николиќ, да влеземе во ризичен зафат за да го спасиме животот на младата пациентка. Но, повеќе од сè, тие се потврда за достигнувањето на целта што ја поставивме пред нас пред осум години: станавме најдобриот кардиохируршки центар во Македонија и еден од најдобрите во Европа!”, изјави д-р Јана Марин, директор на болницата и член на Одборот на директори на „Аџибадем Систина.

Второто целосно вештачко срце е вградено во Клиничката болница „Аџибадем Систина“ во Скопје. Со оглед на исклучително тешката и ретка операција, имајќи ја во предвид претходната состојба на пациентот, ова е уште еден пионерски кардиохируршки зафат, со што Клиничката болница и, воопшто, македонското здравство се вбројуваат помеѓу петте водечки центри за кардиохирургија во Европа. Ова е втора кардиохируршка операција на вградување на целосно вештачко срце во Македонија за само неполни четири месеци, по првата изведена во јули годинава.

Пациентката, девојка на 28-годишна возраст од Скопје, во Клиничката болница е донесена во животно-загрозена состојба, а по оперативниот зафат изведен во четвртокот вечерта, е будна, самостојно дише и, за сега, се чувствува добро.

Комплексната интервенција траеше околу осум часови и комплетно ја изведе тимот од „Аџибадем Систина“, предводен од шефот на Одделот за кардиохирургија, проф. д-р Александар Николиќ. Вградувањето вештачко срце е најтешката интервенција во кардиохирургијата. Клиничката болница „Аџибадем Систина“ уште еднаш застана рамо до рамо со самиот врв на светските здравствени установи кои вршат зафати со механичка срцева потпора. Воедно, ова е огромен исчекор и за македонската кардохирургија, со што нашата држава се вбројува во малкуте земји во светот каде што се извршени вакви операции.

Пациентката беше донесена во Аџибадем Систина од Клиничкиот центар во Скопје со дијагноза – срцева инсуфициенција на левото и десното срце, во клиничка смрт во траење од два часа, за време на која била ставена на вонтелесен крвоток. Бевме повикани поради нашето обемно искуство на ова поле. Сугерирав пациентката да биде ставена на ECMO апарат што ја заменува работата на срцето и на белите дробови и веднаш да се префрли во Аџибадем Систина. Но, пред да го изведеме самото вградување на целосно вештачкото срце, на пациентката мораше да и` се изведе друга операција, на стомакот. Поради долгата реанимација, кај пациентката дојде до излив на крв во стомакот што мораше да биде саниран пред да и` го вградиме вештачкото срце. Операцијата помина одлично и се надеваме на целосно опоравување. Пациентката се наоѓа на Одделот за кардиохируршка интензивна нега и е под постојан мониторинг од страна на нашиот тим. Има подобрување на состојбата, ослободена е од ECMO апарат и сега самостојно дише. Поради успешното изведување на операцијата и годините на пациентката, се надеваме дека за околу еден месец таа ќе може повторно да застане на нозе и да продолжи со секојдневните активности., изјави проф. д-р Николиќ, пионер на кардиохирургијата во регионот, но и во многу пошироки рамки.

Со вградувањето на вештачко срце, пациентката доби шест до осум години живот, по кои ќе биде потребна трансплантација, а, поради брзиот напредок на медицината, се надеваме дека ќе најдеме друго посоодветно решение за неа и за побрзо време, велат во Клиничката болница.

Светски реномираниот експерт за лекување на срцева инсуфициенција од Сојузна Република Германија, кардиоваскуларенот хирург Д-р Латиф Арусоглу, којшто како надворешен експерт ја набљудуваше операцијата поради нејзината специфичност, вели дека ова е исклучително ретка и тешка интервенција за што мал број центри во Европа би се согласиле ја прифатат пациентката и да ја изведат операцијата. Тој ја поздравува храброста на целиот медицински тим на Аџибадем Систина да го прифати овој случај и да влезе во толку ризичен зафат за да се спаси еден млад живот. Според него, со успехот на оваа интервенција, Аџибадем Систина стана еден од само петте врвни центри за кардиохирургија во Европа кадешто се изведуваат вакви интервенција.

За кус период, ‘Аџибадем Систина’ со вградувањето на второтo вештачко срце и понатаму демонстрира дека е лидер во воведување нови интервенции, технологии и практики. Со последната операција отидовме и чекор понатаму. Горди сме на нашиот тим на кардиохирурзи, којшто е единствен сертифициран тим за изведување на овој тип интервенции во Република Македонија. Од експертите од странство добиваме признанија за изведувањето на оваа крајно комплексната операција. Нивните признанија се за вкупните капацитети на болницата, подготвеноста и знаењето на нашиот тим, предводен од проф. д-р Николиќ, да влеземе во ризичен зафат за да го спасиме животот на младата пациентка. Но, повеќе од сè, тие се потврда за достигнувањето на целта што ја поставивме пред нас пред осум години: станавме најдобриот кардиохируршки центар во Македонија и еден од најдобрите во Европа!, изјави д-р Јана Марин, директор на болницата и член на Одборот на директори на „Аџибадем Систина“.

Околу 1.800 операции на вгардување на целосно вештачко срце се изведени вкупно во светски рамки, а Македонија е на листата од 25 земји во светот каде што се практикува овој комплексен кардиoхируршки зафат, покрај држави како што се САД, Канада, Франција, Германија, Турција, Велика Британија, Италија...”,

Механичкото срце е од светски познатата компанија од САД, SynCardia, единствениот клинички докажан и одобрен производител на целосно вештачко срце во светот. Вештачкото срце е со иста големина како и природното. Се напојува со батерија, којашто, по излегувањето од болницата, пациентот ќе ја носи во специјален ранец на грб, со тежина од шест килограми. Вградувањето механичко срце е тренд во светската кардиохирургија, со оглед на фактот што сè потешко се доаѓа до донорско срце, особено во Европа.

Претседателот на јапонската автомобилска компанија „Нисан“ е уапсен под сомнение за финансиски малверзации.

Тој заедно со директорот Грег Кели во извештаите поднесени до берзата во Токио искажувал помали износи на бонусите и додатоците на плата од вистинските, за да се намали објавениот износ на надоместоците што ги прима претседателот на компанијата. Понатаму од компанијата додаваат дека се откриени и редица други крупни незаконски дејства на Госн, како користење пари на компанијата за лични потреби.

Инаку, Карлос Госн е партнерски претседател на „Нисан“, „Рено“ и „Мицубиши Моторс“. Поради апсењето, цената на акциите на Нисан претрпеа голем пад од 12 проценти. Од „Нисан“ најавија дека Госн ќе биде отпуштен од работа.

Конференцијата за дигитални комуникации, All Web, на 16-ти ноември се одржа во Скопје. На сцена се појавија врвни говорници од Европа и светот, за да ги споделат своите искуства и научени лекции. Во фокусот на седмото издание беше ДИГИТАЛНАТА ТРАНСФОРМАЦИЈА - КЛУЧНА ЗА БИЗНИСОТ. Се зборуваше и за иднината на социјалните медиуми и за други актуелни теми од светот на маркетингот и онлајн комуникацијата.

На конференцијата учество зазедоа: МетДесмајер - директор на компанијата за стратешки комуникации WiseOldUncle, Владимир Тошиќ- менаџер за дигитални комуникации во TheCoca-ColaCompany за југоисточна Европа, Драган Варагиќ- консултант за дигитална трансформација и автор на книгата Дигитален Пре-маркетинг и др.

KARIERA.mk имаше прилика да се дружи со дел од посетителите, како и да ги презентира своите услуги.

Мисијата на Меѓународниот монетарен фонд која го одржа завршниот состанок во Министерството за финансии, оценува дека е исправно што Предлог-буџетот за 2019 година е фокусиран на оддржливоста на пензискиот систем, промовирањето на социјалната еднаквост и поддршката на вработеноста.

ММФ, како што наведуваат во соопштението, оценува дека предложените пензиски реформи ќе го намалат пензискиот дефицит на среден рок. Според прелиминарните оценки на ММФ, овие мерки, заедно со поддршката за вработеноста и инвестициите, ќе резултираат со привремено зголемување на фискалниот дефицит на 3 отсто од БДП во 2019 година, и потоа негово намалување на 2,4 отсто од БДП на среден рок.

Со цел долгорочна одржливост на пензискиот систем, според ММФ потребно е да се разгледаат дополнителни мерки како порестриктивни услови за предвремено пензионирање и зголемување на возраста за пензионирање.

ММФ, исто така нотира дека, со цел подобрување на покриеноста и таргетирањето на социјалната помош, буџетот предвидува консолидација и замена на постоечките видови помош, вклучувајќи го и додатокот за трето дете, со гарантиран минимален доход базиран на потребите и со социјална пензија. Понатаму, според мисијата, предложените пензиски реформи ќе го намалат пензискиот дефицит на среден рок.

Мисијата, стои во соопштението, смета дека промените во данокот на личен доход го зголемуваат данокот на доход од капитал и ја подобруваат рамнотежата на даночниот товар меѓу лицата со висок и низок доход.

ММФ препорачува постигнување нула примарен дефицит на среден рок со цел постигнување јасна надолна тракеторија на јавниот долг. За ММФ охрабрувачки се и треба да продолжат неодамнешните реформи за зајакнување на управувањето со јавните финансии и подобрување на фискалната транспарентност.

Исто така, се наведува дека мерките за зајакнување на рамката за мониторирање на неплатените обврски во јавниот сектор и предложените измени што ги поврзуваат општинските буџети со реализацијата на приходите се чекори во правилна насока.

Според основната проекција, јавниот долг ќе го достигне максимумот од 54,7 отсто од БДП во 2021 година.

Во Завршното соопштение на тимот на ММФ се наведува дека враќањето на политичката стабилност и напредокот кон решавањето на проблемот со името значително ги подобриле перспективите за отварање на преговорите за членство во ЕУ, повеќе од 12 години после добивањето на кандидатскиот статус.

За да се искористи оваа можност и да се осигура посветла иднина преку повисока продуктивност и побрза конвергенција на доходот, клучни се структурните реформи за надминување на долго-постоечките слабости на пазарот на труд, правосудството и јавната администрација.

Реалниот БДП во 2018 година е проектиран на два отсто, при поволни макроекономски услови, односно ниска инфлација, опаѓачки дефицит на тековната сметка и позитивни трендови на девизниот пазар. Со опоравувањето на инвестициите, се очекува забрзување на растот на БДП на 2,8 отсто во 2019 година и понатамошно интензивирање на 3,5 отсто на среден рок, во услови на инфраструктурни вложувања и силен извоз.

Според ММФ, во минатата деценија ослабнале јавните финансии, што го ограничува просторот за справуање со шокови. Поточно, постојаните примарни дефицити, водени од опаѓачките даночни приходи и растечките тековни расходи, резултирале со удвоен јавен долг во претходната деценија. Во 2018 година, се очекува дека буџетскиот дефицит ќе изнесува 2,6 отсто од БДП, а јавниот долг 50,5 отсто од БДП.

Мисија на Меѓународен монетарен фонд беше во годишен преглед на македонската економија од 8-ми овој месец. Целта на посетата беше спроведување на редовниот годишен преглед на македонската економија.

На завршниот состанок во Министерството за финансии, присуствуваше министерот Драган Тевдовски и гувернерката на НБРМ, Анита Ангеловска-Бежоска.