Просечната месечна исплатена нето-плата од вработен во декември 2016 година изнесува 23.457 денари, а просечната бруто-плата 34.374 денари. Според податоците на Државниот завод за статистика, просечната месечна исплатена нето-плата од вработен лани во декември е 3,3 отсто повисока во споредба со истиот месец од 2015 година.

Зголемувањето се должи на повисоката просечна месечна исплатена нето-плата од вработен во секторите уметност, забава и рекреација од 55,8 отсто, информации и комуникации - 9,6 и градежништво - 7,7 отсто.

Повисока исплатена просечна месечна нето-плата во споредба со претходниот месец, пак, има во секторите уметност, забава и рекреација од 48,2 отсто, информации и комуникации - 22,1 и стручни, научни и технички дејности - 13 отсто.

Податоците од Статистика покажуваат неверојатна за македонски услови просечна плата во секторот спортски, забавни и рекреативни дејности, каде што таа во декември изнесувала 178.351 денар. Во ноември овде просекот бил 44.103 денари. Во речиси сите сектори што стандардно имаат високи просечни примања во декември има значителни скокови во просечната плата во однос на она што се заработувало во ноември.

Па, така, програмерите последниот месец од годината имале просек од 66.896 денари, а еден месец порано 49.505 денари. По нив се оние во правни и финансиски дејности кои во декември имале просек од 59.124 денар, а еден месец порано тој бил 40.172 денара. Во воздухопловниот транспорт просекот за декември бил 54.827 денари, а во ноември 49.984 денари. Потоа следуваат вработените во телекомуникациската дејност, со просечна плата од 48.450 денари во декември, а во ноември имале примања од 40.964 денари. Во финансиските услужни дејности и производство на фармацевтски производи декемвриските просеци се 43.042, односно 43.982 денари и се поголеми од ноемвриските кои биле 42.339 и 41.414 денари.

На другиот крај се оние со далеку помали примања. Па, така, во секторот земјоделство, шумарство и риболов просекот во декември бил 16.909 денари, во преработувачката индустрија 18.832 денара, во градежништвото 21.439, слично како и во трговијата на големо и мало - 21.100 денари.

Во декември лани 1,6 отсто од вработените во Република Македонија не примиле плата.

Претседателот на Соединетите Американски Држави во своја сопственост има импозантен број на интернет домејни.Доналд Трамп дефинитивно е човек кој што не може без медиумите и модерните технологии, иако никогаш не живеел од нив. Сепак, тој е исклучително активен на социјалните мрежи, посебно на Твитер и речиси константно е во војна со американските медиуми.

Исто така, медиумите ја покачуваат посетеноста „на грб на Трамп“, се зголемува читаноста и бројот на кликови, што на крајот на краиштата е доста важно. Сепак, дали некој досега се запрашал колку веб домејни се во сопственост на новиот американски претседател?

Можеби многумина тоа не ги интересира, но Трамп пред се е бизнисмен, па новинарската екипа на „СиЕнЕн“ одлучила да истражи колку веб домејни се во сопственост на првиот човек на Соединетите Американски Држави.

Првиот интернет домејн Доналд Трамп го купил на 20-ти јануари 1997-ма година и секако и ден денес е активен - тоа е веб адресата donaldjtrump.com, но со текот на времето бројот на домејни во негова сопственост значително пораснал. Денес таа бројка според истражувањето на „СиЕнЕн“ пораснала на неверојатни 3643 веб домејни.

Секако, не се сите домејни лично во сопственост на Доналд Трамп затоа што добар дел од нив е поврзан со неговите бизниси, а новинарите на „СиЕнЕн“ потсетуваат дека има голема бројка на домејни кои што неговите советници процениле дека е подобро да се купат, отколку на пример да завршат во рацете на оние кои што сакаат да „плукаат“ по новиот американски претседател.

Директорот на Националниот музеј во Софија Божидар Димитров покрена кампања сите Македонци да се прогласат за Бугари, бидејки како што вели тој – тоа и сме.

Тој секоја сабота на еден канал на бугарска телевизија води своја емисија за историјата, претставувајки се себеси како чувар на бугарското богатство.

Моментално се залага за промена на законот кој на Македонците со бугарско потекло само на основа на усмена изјава на бугарски јазик ќе им се овозможи да добијат бугарско државјанство. Писмен доказ не би бил воопшто потребен.

Тринаесет векови, се до 1944 во Македонија живееле Бугари. Еден ден некој им рекол дека тие се Македонци, а не Бугари. Дека немаат никаква поврзаност со Бугарија, дека ќе им биде конструирана држава, напишана историја и тоа е и направено. А потоа во новото време одеднаш насатанаа проблеми со идентитетот. Околу 500.000 Македонци така би можеле да станат Бугари, а истовремено и граѓани на ЕУ, се надева Димитров.

Тоа би била четвртина од вкупното население на Македонија.

Ако добро се организираме, вели тој, за што не е потребен само закон, туку и политичка волја, многу брзо би можеле индивидуално да ја внесеме Македонија во ЕУ. Така ќе ги решиме нашите демографски проблеми. Македонците тоа го сакаат. Сите на чело со премиерот сакаат бугарски пасош.

Македонија без Македонци. И поранешниот македонски премиер Љупчо Гергриевски има бугарски пасош. Две третини од граѓаните на Македонија имаат двојно државјанство – што за нив значи и слободно движење. И македонските камиони по странските земји најчесто возат со бугарски таблици, додава Димитров.

Божидар уште истакнува и дека македонскиот аналитичар Ким Мехмети за македонско – бугарските односи вели дека: Тоа се два народи. Но никаде историјата на два народи не е така испреплетена како што е случај со Македонија и Бугарија. Така ќе најдете исти споменици во различни главни градови – Скопје и Софија.

Македонија е класична иселеничка земја. Можност за да се добие бугарски пасош дополнително ќе го поттикне тоа иселување. Случаен минувач во Скопје на кој Димитров се повикува рекол: „Нашите гатсербајтери веќе не се враќаат од странство. Наскоро во Македонија веќе нема да има Македонци“, заклучива Директорот на Националниот музеј во Софија во својата емисија.

Треба да имате во предвид многу работи кога правите интервју за работа.,Не кажувајте го погрешното. Бидете подготвени да одговорите на случајно поставени прашања. Пред се, оставете му впечаток на интервјуерот.

Светскиот одговорен регрутер за вработување на Uber, Jim Baaden дава неколку свои совети. Тој кажува за Business Insider дека едно солидно интервју почнува со добро формирано CV. 

"Мислам дека резимето треба да биде напишано на високо ниво, за колку што е можно да се добие претстава на тоа што сте го направиле досега.

Штом треба да се појавите на некое интервју, Baaden има неколку совети за кандидатите:

1. Бидете подготвени 

Baaden кажува дека правење пред-подготовка за работно интервју е најголемата грешка што би можеле да ја направите. Секој искусен интервјуер ќе се потруди да го прашува тоа во кое имате најмаклу интерес или во врска со знаењето околу компанијата и неговата улога.

Тој кажува дека во Uber кандидатите мора да бидат спремни да одговараат на прашања, како на пример: 

Зошто Uber?
Зошто оваа екипа?
Како вашето искуство ве направи да се вклопите во вашата улога?

Во било која компанија да одите на интервју, треба да бидете добро информирани за нивниот продукт - кажа тој за Business Insider.

2. Прилагодете ги вашите одговори

Негативна политика е да им се испрати истиот примерок на cover letter на секоја компанија во која аплицирате. Истото важи и за вашите одговори на прашањата на интервјуто. Одговор кој би имал големо влијание во некоја технолошка компанија, би можело да ви изгуби неколку поени во некоја финасиска компанија.

Значи, треба да бидете сигурни дека на интервјуерот не му давате затворени и неразбирливи одговори, кажува Baaden.

Компаниите функционираат различно, тие се структурирани различно кажува тој. Вашата свест и истражување на организацијата би требало да ви помогне во формирање на специфичен одговор во врска со таа средина.

3. Бидете љубопитни и прашувајте прашања

Baaden вели дека тој секогаш е во потрага по кандидати кои се љубопитни и инвестираат на самоунапредување. Како би можеле да пренесете љубопитност кај регрутерот?  Па, наједноставно, прашувајте прашања. Исто така, обидете се да го третирате интервјуто како нормален разговор. Преправете се дека само што сте го запознале интервјуерот во еден нормален социјален настан додека им поставувате прашања на нив. 

Тоа му докажува на интервјуерот дека навистина сте заинтересирани - и дека ќе донесете со себе и интелектуална љубопитност во таа улога.