Каде во светот издршката на живот е највисока? Одговор на ова прашање дава ново истражување на компанијата „MoveHub“, која им помага на луѓе кои цврсто одлучиле да живеел надвор од својата земја.

При составувањето на листата се користат индикатори за разни трошоци како овие намирници, транспорт, кирии и домување, посета на ресторан.

Потоа податоците се подредени во индекс, а за репер во него е земен Њујорк - еден од најскапите градови во светот. Њујорк добива во индексот 100 поени, па државите се подредени во однос на трошоците за живот во американската метрополитска област.

Видете кои земји спаѓаат во Топ 15 по скап живот:

15. САД - 58,59 поени

Њујорк може и да е репер за рангирање, но генерално животот во САД е значително поевтин, особено во помалите населени места, за разлика од мегаобласти како Њујорк и Лос Анџелес.

14. Ирска - 59,56 поени

По гласањето за излегување на Британија од ЕУ, барањата од Британци за ирско државјанство значително се зголемуваат. Ова преместување сепак ќе ги чини поскапо бидејќи Британија е под број 29 во листата со 51,03 поени.

13. Данска - 60,01 поени

Данците се со највисока лична задолженост меѓу Европејците, со средно ниво на задолженост на домаќинствата од 265% во однос на нивните приходи, според податоците на Еуростат. И тоа не е изненадување поради високиот стандард и соодветно високите трошоци за живот.

12. Австралија - 62,39 поени

Многу голем дел од стоките во земјата се од увоз, што дава резултат во високите трошоци за живот.

11. Американски Девствени Острови - 62,56 поени

Егзотичните острови може и да се прекрасно место за живот, но и многу скапо.

10. Луксембург - 64,18 поени

Земјата често е на врвот на топ листите за најбогати нации што респективно значи и повисоки трошоци за живот.

9. Катар - 68,06 поени

Земјата е популарна за работа за странски државјани, приходите се високи, но голем дел од нив одат за трошоците за живот.

8. Обединети Арапски Емирати - 68,93 поени

Да, тоа е финансиски рај во пустината, но животот во Дубаи и Абу Даби воопшто не е евтин.

7. Бахамите - 73,63 поени

Карипската држава има типични проблеми за островска земја - стоките доаѓаат однадвор и увозот значително го надминува извозот, што се одразува и на трошоците за живот.

6. Норвешка - 74,47 поени

Скандинавските држави секогаш се во првите места по висок стандард на живот, што се одразува и во високи трошоци. Норвешка не само што не е исклучок, но е прва меѓу нордиските земји во тоа ниво.

5. Сингапур - 76,57 поени

Сингапур е првак во многу листи за бизнис, стандард на живот и работа за странски специјалисти. Да, тоа има своја цена.

4. Исланд - 80,47 долари

Одвоена географски, земјата има силен увоз и тоа ги поскапува стоките.

3. Хонгконг - 81,93 поени

Како финансиски центар и еден од најнаселените градови во светот, Хонгконг е и скапо место за живот.

2. Швајцарија - 90,68 поени

Швајцарија е репер за место за живеење со одлична развиена инфраструктура, здравство и чиста животна средина. Таа е најскапото место за живот во Европа.

1. Бермуди - 126,34 поени

Најскапото место за живот на планетата е и единствената земја каде е поскапо од Њујорк. Макар и да е даночен рај, островската земја е со високи трошоци, а престолнината Хамилтон е најскапиот град во светот.

Целата листа направена врз картата на светот, може да се види на сајтот на MoveHub.

Како што ќе забележите на мапата на Европа, Македонија е меѓу земјите со најниски трошоци за живот, до 20 поени во индексот. Тука се повеќето источноевропски држави.

Најевтино во светот е да се живее во Египет.

Втора година по ред, Entrepreneur во партнерство со CultureIQ, прават истражување за откривање на најдобрите канцелариски култури низ Америка.
После речиси две децении фокусирање на регрутација и вработување, бизнисот на Tom Gimbel кој е лоциран во Chicago, минатата година додаде нова услуга во неговата структура: советување за култура. Го прашавме Gimbel да сподели со нас неколку негови совети.

Која е најголемата грешка што основачите ја прават кога сакаат да ја подобрaт нивната култура?

Тие се опседнати со бонуси - да организираат забава, да одржат некој заеднички настан, да дозволат престој на домашните миленичиња на работното место. Бонусите се лесни за добивање, но бонусите не се дел од културата како што шлагот е дел од тортата.

Каде треба точно да почнува?

Разговарајте со вработените, но не само со менаџментот на Човечки Ресурси (HR). После обуката и разговорот, следната причина што го менува обликот на културата е средниот менаџмент.  Имаме совет составен од прилично нови вработени, се среќаваме со нив два пати по петнаесет минути и зборуваме за култура. На менаџерските состаноци, посветуваме најмалку 25 проценти од времето за дискусии во врска со културата.

За што конкретно разговарате на состаноците за култура?

Вистинското прашање не е: "Дали ова е интересно место за работа? ", туку: "Кои се луѓето на кои им e потребен развој?", "Кое е работното темпо на секоја група?".

Да кажеме дека имате создадено план за работа. За колку брзо време очекувате резултати?

Ако имате план создаден врз основа на одговорност, тимска игра, обука и развој, ќе ги видите сучтинските промени на подкултурата во период од 6 месеци. А пак, во период од 12 до 24 месеци, ќе почнете да ги забележувате промените во внатрешното работење и брендот на работодавачот.

Конечно е викенд! Да се надеваме дека во наредните 48 часа, ќе се наспиете, ќе ги исполните сите желби од вашата викенд-листа и ќе се вратите во понеделник со чувство на свежина и спремност. Сепак, следното сценарио е поверојатно. Викендот одминува и од секунда во секунда се чувствувате уште повеќе исцрпени од претходниот ден. Ова сценарио се случува кај повеќето од нас, но не би требало.

Постојат неколку стратегии кои може да ги направат вашите викенди повеќе продуктивни и најважно од се да се чувствувате дека траат подолго од еден миг.

1. Одредете колку треба да бидете ангажирани со работа во текот на вашиот викенд

Според Дејвид Ален, автор на најпродаваната книга ”Getting Things Done”, исклучувајќи се потполно за време на викендот од своите обврски не е реално за повеќето луѓе. Неговиот совет е да го дознаете точно колку сакате да го ангажирате својот ум а притоа истиот да не го оптеретувате. Можеби тоа ќе биде да ја проверувате својата електронска пошта два пати дневно или пак секои 30 минути. Тука нема вистински одговор. Одлучете што ви одговара најдобро и потрудете се да го практикувате. Доколку можете потполно да се исклучите од обврските и да се чувствувате удобно, направете го тоа!

2. Направете еден чекор наназад од социјалните медиуми

И покрај тоа што е во ред да се провери вашата електронска пошта, Крис Бејли, автор на "The Productivity Project”, препорачува избегнување на социјалните медиуми за време на викендите.

Колку повеќе луѓето се исклучуваат од социјалните медиуми, тие стануваат посреќни”, објасни тој. ”Тоа не спречува да се опуштиме и да ги наполниме своите батерии.

Бејли се исклучува од сите видови на уреди кои го поврзуваат со социјалните медиуми од 8 до 20 часот. Иако тоа не е изводливо за секој, тој препорачува создавање на ”ден без интернет”, исклучувајќи го својот рутер и правејќи работи кои не вклучуваат користење на интернет. Обидете се да го убедите вашето семејство за оваа идеа и барем за дел од денот. Кој знае, можеби сите ќе уживате!

3. Поставете три јасни цели за вашиот викенд

Можеби сакате да имате луда ноќ - или да ја исчистите својата гаража. Како и да е, Бејли препорача три специфични цели за целиот викенд. Иако тоа може да изгледа досадно на прв поглед, земање неколку моменти да се запрашате што сакате да се постигнете со вашето слободно време ќе ви помогне да си дадете приоритет на вашите активности.

4. Придржувајте се до вашето вообичаено време за спиење и будење

Различно време за спиење може да биде исто толку лошо како и недоволно спиење. Одејќи во кревет во различни временски периоди за време на викендот може да го збуни вашето тело и да си поигра со вашиот циклус на спиење. Колку и да сакате да останете будни подоцна во петок или сабота навечер, вие не би требале да го направите тоа. Придржувајте се да спиете во истото време како било кој ден од работната недела, а доколку сакате да продолжите со спиењето изутрина, тоа е сосема во ред, но обидете се да не биде повеќе од 30 минути од вообичаено.

5. Поминувајте време со луѓе кои ви значат

Вложувајќи го вашето време во такви врски ќе направи да создадете убави спомени”, вели д-р Гејл Салтз, вонреден професор по психијатрија во New York Presbyterian Hospital Weill-Cornell Medical College

Д-р Гејл препорачува правење на планови за време на викендите, наместо само да се седи пред телевизор. ”Играта кај возрасните е подобра за разлика од завршување на некои обврски, а резултатите придонесуваат за позитивно влијание врз вашиот викенд”.

6. Скротете го стравот од недела

Според Салтз, нормално е да се соочиме со стравот од недела или пак анксиозност за престојната недела. Нејзини совети за да ги победите овие стравови е да одите во прошетка или трчање, вежбање на споро дишење или наједноставно зборете со вашите блиски за престојната недела.

Правејќи ги овие работи ќе допринесе да се преиспитате, а доколку треба да ја проверите својата електронска пошта, направете го тоа. Само не го правите тоа при крајот на ноќта, препорачува Салтз

Сега сте спремни за викендов што не очекува! Ви посакуваме долг и убав викенд придржувајќи се кон овие 6 правила за живот преку викендот кој толку многу го чекаме.

Иако економијата напредува и се намалува бројот на жители кои што живеат во екстремна сиромаштија, разликата помеѓу богатите и сиромашните е зголемена повеќе од било која земја на светот.Четворицата најбогати Индонезијци поседуваат богатство еднакво на имотот на 100 милиони најсиромашни луѓе во Индонезија, покажа најновото истражување, иако претседателот на Индонезија во неколку наврати порача дека ќе се бори против „опасните нивоа“ на нееднаквост.

Хуманитарната организација „Оксфам“, наведе во извештајот дека претседателот Џоко Видодо не ги исполнил дадените ветувања и стои во заклучокот дека Индонезија е една од државите на светот каде што нееднаквоста е најизразена.

„Оксфам“ ја повика владата што поскоро да го зголеми буџетот за јавните служби и на корпорациите на најбогатите да им воведе поголеми даноци.

„Се поголемата разлика помеѓу богатите и останатите претставува сериозна закана за идниот просперитет на Индонезија. Ако проблемот со нееднаквоста не биде решен, тоа ќе ги отежни напорите да се намали сиромаштијата, додека пак социјалната нестабилност ќе се зголеми“, стои во извештајот.

Вкупното богатство на четворицата најбогати Индонезијци во 2016-та година изнесувало 25 милијарди долари, соопштија од „Оксфам“.

Како што беше наведено на листата со најбогати луѓе на светот на „Форбс“, меѓу најмоќните, односно најбогатите Индонезијци се тројца тајкуни од тутунската индустрија - браќата Буди и Мајкл Хартоно и Сусило Воновиџорџо.

Владата на Индонезија во јануари започна голема програма за борба против нееднаквоста која што вклучува мерки за помош на земјоделците и риболовците и го унапредува даночниот систем.