Јавниот повик за организиран одмор на работници чии месечни примања во семејството не го надминуваат нето износот од 22.000 денари е објавен денеска и ќе трае до 30 август, а користењето на годишниот одмор ќе може да се реализира најдоцна до 30 ноември 2019 година.

Документите потребни за аплицирање се објавени на веб-страницата на Министерството за економија, како и деталите за потребната документација, а можат да се обезбедат и преку архивата на Министерството.

Министерот за економија, Крешник Бектеши, рече дека со оглед на зголемениот интерес на граѓаните, и оваа година ќе продолжи мерката преку која на работниците со ниски примања им се овозможува користење на годишен одмор.

Оваа мерка ги постигна резултатите уште во првата година. Во 2018 година беа издадени над 1.700 потврди, што значи толку семејства искористија одмор во туристичките места низ државата, што резултираше со раст на бројот на домашни туристи во 2018 година за 12 %, во споредба со 2017. Притоа, најпосетени места беа Охрид, Попова Шапка, Маврово и Берово. Оваа година издвоивме 20.000.000 денари за оваа цел, така што сите вработени кои ги исполнуваат условите месечните примања во семејството да не надминуваат нето приход од вкупно 22.000 денари, ќе имаат право на субвенции од 15.000 денари. Корисниците на овие ваучери ќе имаат на располагање голем број категоризирани хотели во земјата за сместување кои се претходно пријавени во Министерството за економија и со кои имаме склучено договор за соработка, истакна Бектеши.

Од денеска треба да почне издавањето на новите регистарски таблички за возилата со ознаката NMK.

Замената на старите регистарски таблички со новите ќе се врши постепено при регистрација на возилата, а согласно правилникот за форма и изглед на сообраќајните регистрации, сите возила ќе мора да имаат регистарски таблички со ознаката NMK најдоцна до февруари 2024 година.

Обврската за замена на табличките на кои е досегашната ознака МК со новата NMK произлегува од Договорот од Преспа со кој се реши спорот за името со Грција.

Од стапувањето во сила на Преспанскиот договор, досега се даваа бесплатни налепници со ознаката NMK на граничните премини при влез или излез на возилата од Република Северна Македонија.

Покрај автомобилите, таблички со NMK ќе имаат и автобусите, камионите, мотоциклите, тракторите…, иако некои од овие возила никогаш не излегуваат од земјата.

Започна уписот на нови ученици низ средните училишта во земјава. Полуматурантите денес и утре ќе одлучат каде сакаат да го продолжат своето знаење, што ќе изберат.

Во последните неколку години најголем интерес од страна на завршените основци има за гимназииските паралелки, за економија и медицина. Кои струки ќе ги изберат учениците ќе се знае до крајот на овој упис.

Потребните документи кои треба да ги достават учениците за упис во некое од средните училишта во земјава се: Пријава за запишување, оригинални свидетелства од VI до IX одделение, извод од матичната книга на родените и дипломи доколку ученикот има освоено од некои државни натпревари.

Надлежните секоја година ги повикуваат учениците внимателно да ја изберат насоката на образование бидејќи, најмогу на пазарот на труд се бараат медицински лица, техничари, информатичари, занаетчии.

Средните училишта денес и утре ќе ги отворат вратите за своите идни ученици, но сите оние полуматуранти кои нема да успеат во првиот уписен рок да се запишат во средно училиште ќе може да го направат тоа на 24 и 25 јуни годинава.

Дали полуматурантите се запишале во средното образование кое го сакаат и кои се останати места низ средните училипта ќе знаат идните средношколци на 26 јуни.

ЗЕГИН ФАРМ имаат отворена работна позиција ГРАФИЧКИ ДИЗАЈНЕР: https://kariera.mk/job/eBdMX4h7kk-q2ccMquZQ5w/grafichki-dizajner

КЕМЕТ Електроникс, водечки глобален снабдувач на електронски компоненти, објавува оглас за пет слободни работни места на позиција ОПЕРАТОР ВО ПРОИЗВОДСТВО: https://kariera.mk/job/29eLqwGu1Um_rSuCTEyYuw/operator-vo-proizvodstvo

ДЕКРА вработуваат на позицијата ДИСТРИБУТЕР на Gio Gio Gelato: https://kariera.mk/job/T070_N8UAECOBl0-aFaMwg/distributer

The HeadHunter за потребите на нивен клиент - реномирана фабрика за производство на широк спектар на батерии и акумулатори, бараат СТРУЧЕН СОРАБОТНИК ВО НАБАВКА: https://kariera.mk/job/AHyrq2EUsEyz921N2YoS8Q/struchen-sorabotnik-vo-nabavka

ВАН ХООЛ има потреба од нови вработувања на баратели на работа со или без работно искуство, за вршење на работни задачи на работните места АВТОЛИМАРИ и СТОЛАРИ: https://kariera.mk/job/7h_YfTVGckuCiuB8o7f4_A/avtolimari-i-stolari

Кафе Пауза ДОО има потреба од Келнери, Шанкер, Салатер и Пица-Мајстор: https://kariera.mk/job/2I8W7rvDXEegMSko2mbfTA/kelner-shanker-salater-pica-majstor

Даути-Транспортшпед А.Д. - Скопје објавува конкурс за пополнување на работното место АВТОМЕХАНИЧАР: https://kariera.mk/job/P0D9CU1yh0uHc3rYYa3Y0Q/avtomehanichar

P World се во потрага по МЕНАЏЕР ЗА ПРОДАЖБА кој ќе помогне компанијата да остане компетитивна и иновативна: https://kariera.mk/job/KVjQ11QQG0u8X4BGb3cWVw/sales-project-manager-@-p-world

ПЗУ ОНИКС-ДЕНТ Скопје има потреба од СТОМАТОЛОШКИ АСИСТЕНТ со завршено средно медицинско образование: https://kariera.mk/job/U-i4Ah0wl0ScxKMTZpBcWQ/stomatoloshka-sestra

ITD Дистрибуција вработуваат на позицијата ОПЕРАТОР СО ДОКУМЕНТИ ВО МАГАЦИН: https://kariera.mk/job/Un6sq0whY0SH2cBkyGAxjw/documents-operator-in-warehouse