Во зависност од даночната стапка, за да го остварите максималниот годишен поврат на ДДВ од 28.800 денари ќе треба да потрошите меѓу 17.000 и 62.000 евра годишно, покажува пресметката.

Доколку купувате само производи кои се даночат со стапка од 18% тогаш пресметката вели дека за да вратите 28.800 денари (колку што е предвидениот максимум) за една година, вие ќе мора да потрошите точно 17.344 евра за една година или да трошите по 1445 евра секој месец само на производите кои се даночат со стапка од 18%.

Но поголемиот дел од храната и уште некои производи кои најчесто се купуваат се даночат со повластена даночна стапка од 5%. 
Во таков случај, кога би сакале да го направите максималниот годишен поврат на ДДВ од 28.800 денари, само од купени производи кои се даночат со стапка од 5%, тогаш вие за една година ќе треба да потрошите фантастични 62.439 евра или секој месец во продавница да оставате по повеќе од 5.200 евра.

Ако претпоставивме дека во еден месец ќе купувате подеднакво производи даночени со 5% и 18% ДДВ, тогаш некоја средна потрошувачка што Ви е потребна за да го остварите максимумот поврат би се движела околу 40.000 евра на годишно ниво што значи дека секој месец би требало Вашето семејство да троши по околу 3.300 евра.

Ќе направиме и пресметка на една просечна плата од 24.000 денари. Доколку целата ја потрошите на производи даночени со 18% ДДВ тогаш, вие практично ќе платите 4.320 денари за ДДВ. Од нив, во тој месец ќе имате право да вратите 648 денари. 

Доколку купувате производи кои се даночат со 5% (како на пример храната) тогаш вие ќе платите 1200 денари ДДВ. Од оваа сума, тој месец ќе имате право на поврат во износ од 180 денари.

Се разбира, покрај потрошувачката по продавници, Вие од Вашата плата ќе морате да ги платите режиските трошоци во Вашиот дом, а платениот данок за нив не може да се поврати.

Двомесечни бебиња од први јули ќе бидат вакцинирани против рота вируси а на истата возраст треба да примат и пневмокок.  Комитетот за имунизација веќе го направил проширувањето на календарот и двете нови вакцини стануваат задолжителни. Педијатрите велат дека целта е оправдана бидејќи на овој начин ќе спречат тешки заболувања и сериозни компликации по здравјето на најмалите од опасните бактерии и вируси.

- Рота вирусите можат да предизвикаат многу чести столици и дехидрирање кај бебињата а стептококната бактерија тешки пневмонии кои можат да бидат и фатални. На овој начин ќе ги заштитиме децата, ова е во нивни интерес, односно со имунизацијата ќе биде намален болничкиот престој и компликациите, вели др. Ангелчо Андоновски директор на болницата за белодробни заболувања кај деца во Козле.

Според болничките евиденции, речиси секое второ дете во градинка ја има бактеријата стрепоткока која може да предизвика тешки форми на пневмонија. Лекарите велат дека вакцината против ова заболување е воведена во пшоголем број на европски земји уште пред 13 години.

Мора да го следиме трендот за унапредување и заштита на здравјето на децата. Во Америка вакцината пневмокок ја има уште од 2000та година. Кај нас малку доцниме, но добро е што ќе ги заштитиме најмалите. Кај нас во Козле третманот на пациенти со пневмонија е седум дена, вели др. Андоновски.

Со воведувањето на дополнителните боцкања против ротавируси и пневмокок, од наредниот месец за децата во Македонија ќе има десет задолжителни вакцини.

Американскиот економист Нуријел Рубини кој ја најави светската економска криза во 2008 година, сега најавува нова рецесија. 

Вели дека има 10 потенцијални ризици кои ќе тргнат од Америка и ќе доведат до нова светска економска криза. 

На ова тој предупредува уште од лани, а сега има девет ризици. 

Тврди дека идната година ќе имаме глобална рецесија. 

Меѓу ризиците ги спомнува американската трговска војна со Кина, ограничувањето на миграцијата, странски директни вложувања, трансфер на технологијата и слично.

Фондот за мир, невладина организација од САД, редовно рангира 174 земји за тоа колку земјата е стабилна. 

Во 10 најнестабилни држави во светот спаѓаат:

1. Јемен
2. Сомалија
3. Демократска република Конго
4. Централна Африка
5. Чад
6. Јужен Судан
7. Авганистан
8. Зимбабве
9. Гвинеја
10. Хаити

Податоците како што се економските показатели, безбедноста, моќта на фракциите и други показатели се анализираат и споредуваат на годишно ниво. Секоја земја, врз основа на нејзините податоци, добива индексна оценка и се рангира од 1 до 174. Колку е индексот поголем, толку земјата е понестабилна. 

Но, најстабилни се Финска, Норшевка, Швајцарија, Данска, Австралија и други.

фото Википедија