Промовирани огласи »

Основачот на американската компанија Тесла, Илон Маск, за една недела го зголемил своето богатство за 2,1 милијарда долари, благодарение на растот на акциите.

Вредноста на акциите на Тесла забрзано расте откако компанијата минатата недела открила дека испорачала рекордни 112.000 возила во четвртиот квартал на 2019 година. Тоа е малку над проценката на аналитичарите. 

На растот влијаела и веста дека првата фабрика на Тесла надвор од САД, односно во Кина, започнала со испорака на електрични возила. Акциите на компанијата до 9-ти јануари пораснале за 13 отсто, воедно зголемувајќи ја и нето вредноста на богатството на Маск за над 2 милијарди долари.

Илон Маск ги изненади медиумите ширум светот со својот танц на сцената на фабриката во Шангај, со што ја прослави испораката на првите електрични модели на 3-ца купувачи во таа земја.

Маск поседува околу 22 отсто од акциите на Тесла кои сочинуваат отприлика половина од неговото богатство. Има сопствен удел и во компанијата Спејс Икс, која е проценета на 12,5 милијарди долари.

Според последните податоци на американскиот магазин Форбс, вкупното богатство на Илон Маск е проценето на 22,3 милијарди долари, што го сместува на 40-то место на најбогатите луѓе на светот.

Промовирани огласи »

Зошто луѓето се колебаат да побараат боледување и како работодавачите гледаат на оваа појава?

Колку нашата настинка е навистина силна? Преслаба за да изостанеме од на работа или пак доволно силна за да го загрози здравјето на нашите колеги, доколку дојдеме во таква состојба на работното место? Би – Би – Си понудил неколку одговори на овие прашања.

Кога настинката е доволно силна?

Вирусите се наоѓаат насекаде, во возилата на градскиот превоз, супермаркетите, игралиштата… Освен ако планирате никогаш да не излезете од дома, кога – тогаш ќе бидете заразени.

„Настинката е последица на вирусно заболување на кое секој реагира различно. Не можеме да го потцениме влијанието на настинката на способноста на некои луѓе“, вели Рејчел Саф, виша советничка во Институтот за управување со човечките ресурси.

Саф додава дека доколку навистина не се чувствувате добро и вашите симптоми укажуваат на тоа дека нема да бидете продуктивни, подобро е да изостанете од работа, бидејќи така нема да го проширите вирусот на работното место.

Треба ли по секоја цена да ја избегнувате настинката или таа помога во градењето на имунитетот? Професор Питер Опеншо, поранешен претседател на британското друштво за имунологија, вели дека настиниките можат да бидат добри за нашето долгорочно здравје, но само понекогаш. По се изгледа дека настинките можат да се поделат на добри и лоши.

„Мојот животен повик беше да откријам кои вируси се добри, бидејќи некои настинки, по се судејќи, можат да го стават нашиот имунитет на некој вид на тренинг“, вели Питер.

Луѓе со послаб имунитет?

Луѓето на кои имунитетот им е ослабен, како на пример пациентите во болниците, често се изолирани, бидејќи многу лесно може да се случи некој да им пренесе вирус. Од друга страна, личноста со силен имунитет нема да добие настинка дури ни ако се наоѓа во друштво на настината личност.

Луѓето кои се свесни дека се настинати се советуваат пред излегување да размислат дали ќе дојдат во контакт со деца, трудници или постари и почувстителни личности. Пациентите кои имале хемотерапија, на пример, исклучиво се чувствителни на настинка.

Обѕирноста на шефовите?

ЦИПД во својот извештај навел дека просечниот број на денови во текот на кои луѓето излегуваат од работа поради настинка паднал на 5,9 дена годишно, што е најниско ниво во 19 години долга историја на ова истражување. Објаснувањето може да се пронајде и во фактот што луѓето се почесто и настинати одат на работа. Многумина отсуството од работа го доживуваат како голем проблем, како поради обврските кои се насобрале, така и поради колегите кои се повеќе ќе бидат оптеретени, бидејќи ќе мораат да преземат на себе и дел од работата на колегата кој не е присутен.

Поединечни луѓе дури стравуваат дека работодавачот ќе им замери ако изостанат од работа „поради обична настинка“. Во време кога се повеќе работи можат да се извршуваат во потполност или делумно од дома, не би требало да имаме страв од разговор со шефот бидејќи и за него е подобро ако изостане една личност, отколку да се рашири вирусот и да се разболат повеќе работници.

Постојат и случаи на злоупотреба, бидејќи за настинка не е потребно да се донесе потврда од доктор, па и работодавачите се внимателни, но во огромен број на случаи подготвени се да веруваат на зборот од вработениот. На крајот на краевите, и шефовите кога – тогаш ќе настинат, па и тие ќе отсустуваат неколку денови.

Промовирани огласи »

Вицепремиеркара задолжена за економски прашања Мила Царовска, дополнителната заменска министерка за труд и социјална политика Санела Шкријељ и директорката на Агенцијата за вработување Билјана Јовановска ги презентираа резултатите на Оперативниот план за активни програми и мерки за вработување и услуги на пазарот на трудот за 2019 година.

Царовска истакна дека Оперативниот план за 2019 година е со исклучително висок процент на реализација од 98,6 проценти, што е резултат од добро осмислените програми и мерки, кои се креирани во соработка со бизнис секторот, со цел истите максимално да се апсорбираат од страна на бизнис заедницата на локално и државно ниво.

Имплементацијата на Оперативниот план за 2019 година, значително придонесе за намалувањето на невработеноста, која моментално е на рекордно ниска стапка од 17,1 отсто, пришто во изминатите две и пол години, регистрирани се нови 59.600 вработувања, дел од нив како резултат токму преограмите и мерките од оперативните планови. Во 2019 година за реализација на ОП од буџетот се издвоени рекордни 1,3 милијарди денари, што е за 84 проценти повисок износ во споредба со 2016-та година кога буџетот изнесувал 707 милиони денари. Ова се средства со кои директно се влијае кон зголемување на вработливоста на невработените лица, но и можност за формирање на нови компании, кои понатаму треба да отворат нови работни места, потенцираше Царовска.

Вицепремиерката додаде дека најголем дел од средствата се наменети токму за поттикнување на претриемништвото и креирање на нови микро компании, а дека како резултат на програмите и мерките од ОП се произлезени и системски решенија. Како конкретен пример таа го посочи Законот за практиканство, како рамка да младите невработени лица добијат можност да ги стекнат потребните вештини и искуство преку практична работа во компаните и на тој начин ја зголемат можноста за сопствено вработување. Вицепремиерката упати благодарност до УНДП кои имаа голем придонес во реализацијата на мерката саомвработување.

Преку Програмата за самовработување, во 2019 година, одобрени се 1484 грантови, а притоа се формирани 1320 микро компании. Од овие лица, 468 се млади луѓе, односно 36,8 проценти‘ од вкупниот број, додека 439 се жени (33,9%). Со оваа мерка не само што овозможуваме овие млади невработени лица да отворат сопствен бизнис, туку во целиот процес на едукација претходно, го создаваме претриемачкиот дух и ги поттикнуваме со други мерки да продолжат да отвораат дополнителни работни места, подвлече вицепремиерката за економски прашања Мила Царовска.

Директорката на Агенцијата за вработување Билјана Јовановска, во своето излагање, нагласи дека успешната реализација на Оперативниот план, е резултат на тимска работа и позитивна енергија на вработените во Агенцијата и центрите за вработување, вработените во Министерството за труд и социјална политика, како и партнерите во спроведувањето УНДП и УНОПС, работодавачите и самите невработени лица. Таа додаде дека сите активни програми и мерки беа атрактивни за работодавачите и невработените лица и постигнат е максимален опфат согласно планираното.

Преку субвенционирањето на плати отворени се 1383 нови работни места, додека со поддршка за вработување и раст на правни субјекти се придонесе за отворање на 621 работно место. Практиканството е уште една мерка која беше атрактивна кај работодавачите и младите лица, при што со оваа мерка беа опфатени 1697 лица. Она што особено беше побарано од стопанството беа обуките, се спроведоа вкупно 55 обуки за 22 занимања на територија на цела држава, пришто 3704 лица успешно завршија обука. Станува збор за најразлични обуки, детектирани за потребите на пазарот на трудот: монтери, инсталатери, оператори за веб дизајн, изработувачи на мебел, оџачари, гастрономи, електромеханичари, автомеханичари, заварувачи, фризери, козметичари, појасни директорката Јовановска.

Дополнителната заменска министерка за труд и социјална политика Санела Шкријељ се осврна на реализацијата на Младинската гаранција, како мерка која е насочена исклучиво кон младите лица, кои се иднина на нашата држава, како инвестиција во нивното знење, доградба и преквалификација.

Свесни за предизвиците како што се високото ниво на младинска невработеност и иселувањето, сите мерки од Оперативниот план се насочени пред се кон поддршка и поттикнување на младите луѓе, додаде Шкријељ.

Младинската гаранција е една од носечките европски иницијативи, а Република Северна Македонија е единствена држава, која не е членка на ЕУ, а започна со реализација на овој проект. Започна со реализација во 2018 година, најпрвин како пилот проект, за во 2019 да се прошири на територијата на цела држава. Охрабрени сме со резултатите од реализацијата на Младинската гаранција, во 2019 година 20.301 лице се опфатени со оваа мерка. Секое младо лице во рок од 4 месеци по пријавување во Агенцијата за вработување добива можност за вработување, обука, преквалификација или практиканство. Од бројката на вклучени, 52% се жени, охрабрува што мерките кои се креирани се атрактивни и одговораат токму за млади девојки и жени. Само во 2019 година бројот на вработени преку младинска гаранција се 6004 лица, а овој број ќе продолжи да расте, во април 2020 година би можеле да ја имаме конечната бројка за лицата вклучени во 2019 година. Радува што мерката има позитивен ефект кај ранливите групи на лица, како што се Ромите. Во 2019 година во младинска гаранција се вклучени 1457 Роми, од нив 212 се веќе вработени. Во последниот квартал стапката на невработеност кај младите изнесува 35,3%, за споредба во 2016 тој процент беше 48,2%, а паралелно расте стапката на вработеност. На институциите останува да продолжиме да рабтиме во овој правец и да се издвојат се повеќе средства имплементација на вакви програми, заклучи дополнителната заменска министерка Шкријељ.

извор: Makfax

Промовирани огласи »

Секој петок на работа до 13 часот. Партијата ДУИ со предлог, петоците да се работат со скратено работно време. Што велат граѓаните за овој предлог?

Овој предлог ќе биде дел од изборната програма на интегративците на претстојните избори.

Целта на ова е граѓаните да имаат повеќе време за да се посветат на семејството, а на тој начин да се зголеми и нивната продуктивност на работните места.

Предлогот засега е само идеја. Останува неизвесно дали ќе најде поддршка и од другите политички партии.

Овој предлог наиде на различни коментари. 

Работниците со поделени ставови, едни велат дека е добра идеја, други сметаат дека петок по ништо не се разликува од другите работни денови во неделата. Има работници кои се уште се платени од час, па според овој предлог тие би имале помалку работни часови, а со тоа и помала плата. 

Работодавачите имаат став. Според нив овој предлог треба да е избор, а не правило.

Инаку ова не е прв пат во земјава да се дискутира на оваа тема и да се нудат вакви предлози, но досега за ниеден предлог не се отвори поширока дебата.

Во светот има фирми во кои веќе некој период се работи со скратено работно време, а Финска е првата земја со предлог да се работи само 4 дена во неделата и тоа со скратено работно време.

Повеќе вести...
барај огласи за вработување » барај останати огласи »