Досега имаше неколку шпекулации дека Samsung би можел да го врати Galaxy Note 7 на пазарот, а сега стигна и официјална потврда од корејскиот гигант. Сепак, овие уреди нема да бидат нови, туку ќе бидат “refurbished”, односно растурени, па повторно склопени со неколку сменети делови, меѓу кои веројатно најважно – батеријата.

Всушност, со ова Samsung не само што ќе врати дел од загубените пари, туку ќе може и да рециклира многу од неупотребените делови, кои се од многу висок квалитет, како на пример матичната плоча, чипот, камерата, стаклото и алуминиумот за изработка итн.

Од Samsung велат дека ова го прават само со една причина – да ја заштитат околината од дополнителен отпад. Ова доаѓа по големите протести на Greenpeace, кои бараа одговор од Samsung за тоа како ќе се справат со 4,3 милиони вратени уреди. Сега тие очигледно го добија посакуваниот одговор.

И покрај тоа што официјално го потврди овој модел, Samsung не даде други информации, како на пример тоа колкава батерија ќе се користи. Според претходните најави, батеријата ќе биде со помал капацитет, за целосно да се елиминира можноста за експлозија или самозапалување. За среќа, останатите делови се очекува да останат целосно исти, вклучувајќи го и привлечниот дизајн со мала рамка околу Edge дисплејот.

Иако станува збор за сезонско овошје чиј вкус не е посебно поинаков од останатите плодови, во Јапонија овие ремек дела се продаваат и до 20 000 евра по парче.
Сембикија е една од најпознатите пиљари на светот, а основана е во 1834 година.

Позната е по посебно обликувани плодови на овошје и зеленчук, чии пропорции се споредуваат со уметнички дела. Ова компанија продава лубеници во облик на срце, грозје со големина на понг – понг топче, јагоди кои неодоливо наликуваат на топчиња за тенис… Својата виртуозност вработените во оваа компанија ја развивале речиси два века.

Цена на градинарски и овошни производи ги прават овие две гранки на полјоделство доста исплатливи затоа што Јапонија е земја со доста мали површини на обработливо земјиште. Ако се земе во предвид и вештина на обликување на плодовите, не е чуден фактот што овие производи на јапонскиот и светски пазар досегнуваат цена на една гарсониера во Скопје.

-Многу е тешко да се направи обликувано овошје. Да ги земеме на пример јагодите. Нашите специјалност е да ги обликуваме во правилна топка“, се зборовите на сопственикот на фирмата Ничија Окуде.
Јагодите растат во текот на 45 дена, во посебни услови кои владеат на фармата на Окуде. На крајот на производниот процес, Окуда продава околу 500 јагоди со големина тениско топче. Вкупната количина ја уновчува за околу 500 000 јени, што е малку повеќе од 4 000 евра.

- Потребни се околу 15 години учење и работа за да се постигне нивото на перфекција, вели Окуде.
Јапонија е земја во која овошјето зазема исклучително важно место во пирамидата на исхраната на општеството. Поради природните потенцијали, Јапонците не можат да се пофалат со големи производствен капацитети.

-Овошје се смета за луксуз. Поради тоа плодовите играат многу важна улога во сложените ритуали на давање и примање на подароци“, вели професорот од Универзитетот Висконси – Медисон Сојен Шим.

Еден од најпопуларните производи во јапонската пиљара е грозје кое има форма на пинг – понг топче. Сепак, во текот на сезоната се произведуваат само 2400 грозда, а цената на еден изнесува неверојатни 1000 евра.

Италијанскиот Парламент разгледува предлог закон, доставен од владејачката Демократска партија, со кој компаниите би биле должни на своите вработени жени кои имаат болна менструација, да им дадат по три дена платен одмор секој месец.

Доколку законот биде усвоен, Италија ќе стане првата европска земја во која вработените жени ќе имаат право на службен одмор за време на месечниот циклус.

Предлог законот е оценет од локалните медиуми како „позитивен чекор во помошта на жените кои страдаат од болни менструации“. Меѓутоа, тука се и критичарите, дури и меѓу жените. Имено, некои од поборничките за женски права стравуваат дека овој потег може да има контраефект во борбата за еднаквост.

Италија е меѓу земјите со најниска стапка на учество на жените на пазарот на трудот, со 61 насто, што е далеку под европскиот просек од 72 насто.

– Доколку им биде дозволено на жените да земаат три дена платен одмор секој месец, тоа ќе значи поголема предност за мажите при вработување, смета активистката Лоренца Плеутери.

Италија, инаку, веќе има закон кој на жените им обезбедува пет месеци платено породилно отсуство, со право на 80 отсто од платата, а покрај тоа и двајцата родители имаат право на шест дополнителни месеци родителско отсуство со право на 30 отсто од платата.

Постојат и стравувања дека ваквиот закон ќе ги засили предрасудите околу преголемата чувствителност на жените во „оние денови од месецот“.

Слични закони веќе постојат во некои кинески провинции, Јапонија и Јужна Кореја, а таква пракса имаат и некои приватни компании, како што е „Најк“.

Жените доминираат во услужните дејности и во областа на финансиите. Најчесто водат малите и средните бизниси.

Агенцијата Марили утре и задутре го организира 21-от избор на Топ најуспешни жени менаџерки за 2016 година. Прогласувањето ќе се одржи на 30-ти овој месец, додека утре во рамки на манифестацијата ќе се одржи тематскиот ден посветен на жената.

Топ 10-те жени менаџерки се: Сузана Блажевска, генерален менаџер на „Афродита С“ – Скопје, Елена Василевска Ѓеоргиева, заменик-генерален менаџер на Поликлиника „Дента ЕС“ – Скопје, Олгица Ѓоргиева, генерален менаџер на Модно ателјe „ГО Ѓоргиева Олгица“ – Скопје, Елена Антоновска Едизер, генерален менаџер во „Арс Луцида“ – Скопје, Билјана Караманолеска, генерален менаџер во „Светот на колорес“ – Скопје, Ена Норнилд, генерален менаџер во „Дан-Мак“ – Скопје, Енкеледа Стефановска, генерален менаџер во „Ад Вербум“ – Скопје, Елида Трајковска, генерален менаџер „Секјуриком“ – Скопје, Александра Марковиќ Цветановска, генерален менаџер во „Вардар Експрес Травел“ – Скопје и Викторија Шотароска, генерален менаџер во „П.И.К. Ко“ – Скопје.

Генералната менаџерка на агенцијата Лидија Трипуноска вели дека во конкуренција биле 30-40 жени и од избраните 90 отсто од  жените се на позиција генерални менаџери и на таа позиција се подолги години.

За да бидат дел од Топ 10-те најуспешни, треба тие да се добро прифатени во својата работна средина и тоа не само од менаџмент тимот, туку и од сите вработени, треба да бидат од различни области и дејности.

Доаѓаат исклучиво од приватниот  сектор, од целата држава, а кога е можно се вклучива и дијаспората. Жените доминираат во услужните дејности и во областа на финансиите. Најчесто водат малите и средните бизниси.

Според Трипуноска, овие избори придонесоа за подигнување на нивото на перцепција за жената во нашето општество и во бизнисот.

– Таа традиција и прогласувањето на  најуспешни жени менаџери ги помести границите за тоа како се гледа на жената. На тоа дека всушност таа може да биде рамноправна, не само во работниот однос, туку и во делот на тоа да може да координира, да може да организира. Значи, се она што подразбира менаџирањето,  да биде одговорна и на неа да се гледа како на сериозен субјект во бизнисот, а верувам тоа е  препорака и воопшто за општеството и за високи позиции во општеството, истакнува Трипуноска.

Досега се избрани 210 жени за најуспешни менаџерки во земјава. Секоја година се избираат традиционално по 10, а минатата година по повод јубилејот 20 години беа избрани 20 .

Годинава Марили го организира третпат тематскиот ден кој е посветен не само на жените менаџерки, туку и на секоја современа жена. Тој е тематско надополнување на манифестација, односно содржинско надополнување на манифестацијата.

Утре ќе биде понудена едукација во областа на медицината, фармацијата, стоматолигјата, козметологија, бизнис психологија, мода.