Во анализата на Институтот за јавно здравје за неделата од 20. до 26. јули се наведува дека според место на постојано живеење/ повремен престој, случаи на COVID-19 се регистрирани во 35 градови/ЦЈЗ низ државата. Најголем дел регистрирани во Скопје, Тетово и Куманово, додека највисок морталитет се регистрира во Струга, Тетово, Куманово и Скопје. Од градовите каде што е регистриран поголем број на случаи највисок леталитет се регистрира во Струга. Возраста на заболените се движи од 0 до 97 години (просек – 44,6 години). Најголем број на заболени се на возраст над 60 години – 2.248 (22,0%) со инциденца од 586,5/100.000, а највисока специфична инциденца од 714,6/100.000 се регистрира на возрасната група од 50-59 години (1.987 заболени). Најниска инциденца од 173,4 и 175,4 на 100.000 жители се регистрира кај деца на возраст од 0-9 и 10-19 години, каде се пријавени 397 и 439 случаи соодветно.

Во бројките кои Институот за јавно здравје ги објави околу новите случаи на коронавирус, а кои се однесуваат на изминатата недела (20-26 јули), кај 31,3% е регистрирано присуству на коморбидитети. 44,4% од новозаразените потврдиле дека имале контакт со лице кое било позитивно на вирусот. Од случаите кои се епидемиолошки истражени (n=896; 93,7%), регистрирани се 127 (14,2%) хоспитализирани, а кај 279 (31,3%) лица е регистрирано присуство на коморбидитети. Од вкупниот број на нови случаи, 398 (44,4%) имаат контакт со потврден случај. Регистрирани се 21 лица со историја на патување (во последни 14 дена), се наведува во анализата на Институтот за јавно здравје.

31 јули, петок, Курбан бајрам, првиот ден на Курбан бајрам, е неработен ден за граѓаните од муслиманската вероисповед во Република Македонија.

По повод денот на Републиката 2 август, недела, во понеделник на 3 август е неработен ден за сите граѓани на територијата на Република Македонија.

Во повеќето европски земји има повеќе жени од мажи, а според американската ЦИА, една баклканска земја има најлош однос меѓу мажите и жените. Иако многумина не можат да поверуваат дека тоа е така, сепак истражувањето е валидно и документирано.

Хрватска е земјата од најблиските до нас која има најмалку мажи во однос на жените, ама жени има за „извоз“.

Односот на мажите кон жените се пресметува со споредување на вкупното население во една земја. Ако има повеќе мажи од жени, тој број е поголем од еден, ако има повеќе жени од мажи, тој е помалку од еден. Според ЦИА и едукативниот блог Јакуб Маријан кој направи карта на европските земји, покажува дека недостигот на мажи е најизразен во земјите од Источна Европа и Балтикот.

Латвија има најмал процент на мажи во цела Европа, со сооднос 0,85. Следат Литванија, Русија и Украина со нешто повисоки 0,86, а потоа следат Белорусија со 0,87 и Естонија со коефициент 0,88. После нив, најмалку мажи има во Унгарија, со сооднос од 0,91.

Хрватска има сооднос од 0,93, како и Италија. Интересно е што Хрватите, Македонците и Италијанците се исто така на врвот на списокот на европски мажи кои не сакаат да го напуштат домот на своите родители, така што повеќе од 70% од нив уживаат во кујната на својата мајка и други придобивки од семејното гнездо до 35-годишна возраст. Словенија и повеќето балкански земји - Босна и Херцеговина, Србија, Романија, Бугарија и Грција - имаат сооднос машко-женско од 0,95.

Е тука доаѓаме до Македонија. Заедно со Црна Гора имаме скоро идеални 0,99 што значи дека населението ни е половина машко, а половина женско.

Ова погоре укажува дека ако маќите немаат се уште најдено сродна женска душа, време е да одат во Хрватска, а жените во Косово.

Европската земја со најмногу мажи без конкуренција е Косово, чиј сооднос е дури 1,06. Со просечна возраст од 29 години, Косово е исто така земја со најмлада популација во Европа, што може да биде причина за овој однос машко-женски.

Повеќе машки од женски бебиња се раѓаат ширум светот (овој однос варира од 1,05 до 1,07 во европските земји), но мажите во сите земји во светот умираат порано, најмногу затоа што прават поопасни и физички исцрпувачки работи од жените и се грижат помалку за здравиот начин на живот.

Извор: 100posto

Основачите на најдобрите бизнис идеи кои учествуваа во онлајн акцелераторската програма за почнување бизнис,организирана од ПСМ Фондација, добија финансиски средства со вкупен фонд од 20.000 евра, односно 5 грантови по 4.000 евра.

Акцелераторската програма, која траеше од април до јуни 2020 година, имаше за цел за овозможи поддршка на млади лица од 18 до 35 години, кои имаат идеја за почнување на сопствен бизнис.

За учество во програмата аплицираа вкупно 250 лица од целата земја, а истата се содржеше од 5 фази:

·  Предакцелераторска програма – организирани беа 2 вебинари на теми „Генерирање бизнис идеи“ и „Решавање проблеми и бизнис канвас“

·  Подготовка на бизнис канвас – учесниците изработуваа бизнис канваси за своите идеи

·  Селекција на најдобрите бизнис идеи – 50 учесници изработија бизнис канваси и аплицираа во следната фаза, каде најдобрите 10 бизнис канваси беа избрани да преминат во следната фаза на изработка на бизнис план

·  Акцелераторска програма за изработка на бизнис план – одржани еден вебинар на тема „Изработка на бизнис план“ и одржани менторски сесии за 10 учесници за изработка на успешен бизнис план

·  Бизнис план натпревар и доделување на грантови – наградени 5 најдобри бизнис идеи со по 4000 евра поддршка за почнување на бизнисот.

Петте најиновативни идеи кои беа избрани и добија поддршка за почнување на сопствените бизниси се:

·  Беровко Дооел, основач Душица Крстеска – Производство на домашни џемови, сирупи и безглутенски тестенини

·  Анти стрес соба, основач Горан Бошковски – Специјализирана просторија за ослободување од стрес и задоволување на адреналински потреби

·  19 Мотор М, основач Мартин Спасовски – Развој и производство на електричен мотор

·  Камера Обскура, основач Нена Минчев – Центар за медиуми и забава- креативен простор за соработка, продукција, изложби и аудио-визуелни проекции

·  Маткасе Дооел, основач Васја Петковска – Услуга за испорака на комплети со рецепти за јадење (meal kits).

Активностите се спроведуваат како дел од проектот БалканМед ИННОВА, финансиран од Европската унија.