Промовирани огласи »

Наближува почетокот на учебната година, која поради корона кризата ќе стартува на 1 октомври, а Комисијата за заразни болести вчера и денеска ја разгледува можноста за воведување целодневна настава во основните училишта, со оглед на тоа што наставата со физичко присуство, која е предвидена за деца до трето одделение ќе биде скратена.

Министерот за здравство Венко Филипче вчера истакна дека е направена анализа за бројката на деца коишто би требало да останат во училиште и по завршувањето на часовите во смена.

-Ќе се донесе позитивна одлука исто како што се носи одлука и за исклучоците во сите други училишта, односно ако бројката на децата е толку мал да никако не ја загрозува нивната безбедност, односно да нема дополнителен епидемиолошки ризик што одредена група на деца ќе остане и после завршувањето на смената. Предност што е тоа истата група на деца, значи не се зголемуваат контактите, тие биле во контакт претходно, сега само се зголемува времето на престојот, појасни Филипче.

Премиерот Зоран Заев и министерката за образование Мила Царовска в петокот ја презентираа првата Национална онлајн платформа преку која ќе се одвива новата учебна година. Следи период за прилагодување на наставниот кадар, учениците и родителите. Новата алатка, според надлежните, треба да биде значаен ресурс и по надминување на кризата со коронавирусот.

Платформата, според надлежните, е едноставна за користење и нуди учење на пет јазици. Ученикот преку компјутер или телефон ќе може да ја гледа училницата и наставникот и ќе може да ги користи сите поставени аудио и видеоматеријали на платформата и да ги изработува домашните задачи, а наставата нема да биде здодевна и ќе има брзи квизови, тестови и други иновативни содржини.

Царовска во петокот потенцира дека за 40.000 ученици што немаат ИТ-уреди за да следат настава преку националната платформа за учење од далечина, часовите што ќе ги одржуваат наставниците ќе се снимаат и потоа ќе се пренесуваат во одредено време на националната телевизија, а вчера Министерството за образование излезе со подетален план.

Целта е, како што велат од МОН, децата коишто немаат уреди за следење на онлајн настава во време на Ковид-19 да добијат можност за учење како и останатите деца.

-За таа цел, детето има можност наставата да ја следи со физичко присуство на часовите во самите училници, додека наствниците предаваат на другите деца преку онлајн платформата. Исто така, за децата, чии родители се изјасниле дека не сакаат да ги пуштаат во училиште со физичко присутсво, а немаат уреди, во Планот е предвидена опција да добиваат печатени материјали. Овие материјали ќе се доставуваат на родителите од страна на наставниците според сите мерки и протоколи за заштита од Ковид-19. За да може секое дете да има пристап до наставниот материјал, МОН е во преговори 15-минутни видеа со одреден час да се емитуваат на Националниот сервис на посебни канали кои се обезбедени, појаснуваат од МОН.

Наставниците ќе имаат обврска редовно да комуницираат со децата и нивните семејства и да следат колку напредуваат во учењето.

Приоритетната и најважната цел, велат од МОН, е да се обезбеди пристапност до наставата за секое девојче и момче во државата, без разлика каде живее.

-Нашата примарна цел е да создадеме образование достапно до секого и образовен процес којшто ќе ги постави темелите за развој на идни генерации кои ќе бидат движечката сила и умот на државата, се истакнува во соопштението на Министерството.

МОН вчера објави и видео во кое се прикажани протоколите кон кои ќе треба да се придржуваат учениците, наставниците и родителите со враќањето на децата во училниците од 1 октомври.

Според протоколите на секое дете ќе му се мери температура при влез во училиштето, а децата ќе треба да држат растојание од најмалку 1,5 метар и да носат маски на лицето за време на целиот престој во училиштето, освен за време на оброкот и активностите на отворено. Предвидено е и почесто миење на рацете и проветрување на училниците.

– Заштитата од ширењето на Ковид-19 е заедничка одговорност на родителите, наставниците, учениците и на останатиот персонал, односно на сите нас. Само со придржување на протоколите сите заеднички ќе допринесеме да се заштитиме себе, нашите најблиски и целото јавно здравје, посочуваат од МОН.

Промовирани огласи »

Министерството за образование и наука во соработка и со поддршка на УНИЦЕФ И УСАИД, изработи видео во кое на јасен и едноставен начин се прикажани протоколите на кои треба да се придржуваат учениците, наставниците и родителите.

Видеото е веќе достапно на официјалните ФБ профили на МОН, на министерката за образование и наука Мила Царовска, како и на ФБ профилите на УНИЦЕФ и УСАИД.

Промовирани огласи »

Првиот вицепремиер Артан Груби, кој денеска присуствуваше на настан по повод завршување на проектот за гасификација на болницата во Чаир, одговарајќи на новинарско прашање, рече дека субвенциите за вработување по етничка основа би важеле реципроцитетно и за Македонците.

- Правичната и адекватна застапеност е уставно начело. Тоа мора сите да го почитуваме. Идејата е и за субвенционирање на Македонците кои се помалку застапени во компаниите во Гостивар, Тетово, Струга и Дебар, па и Чаир, рече министерот за политички систем, кој е актуелен деновиве со најавата дека на приватни фирми ќе им се нудат субвенции доколку вработуваат Албанци и работници од други помали заедници заради правична етничка застапеност.

Сепак, Груби вели дека затоа нема договор за конкретна сума во буџетот и дека во моментов се се однесува само на декларација во владината програма.

- Тоа е само идеја и само се дебатира за тоа. Не ми е јасно зошто има толку реакции на социјалните мрежи. Не зборуваме за вработувања на неквалитетни кадри, туку за избор на квалитетни. Жалам дека се уште има такви реакции. Не велиме по етнички клуч, туку правична застапеност, додаде Груби.

Промовирани огласи »

Студентите бараат државата да ги субвенционира сите дополнителни трошоци за студирање, а тие да ја плаќаат само партиципацијата. Сметаат дека се преоптоварени со дополнителните трошоци, кои се различни во зависност од факултетот, но достигнуваат и до 100 евра годишно.

Студентите од Економскиот факултет велат дека имаат поддршка и од своите колеги од другите факултети. Се обратиле и до Министерството за образование, но до сега не добиле одговор. Ако институциите продолжат да ги игнорираат не ја исклучуваат можноста да излезат на улица.

Од ресорното министерство, пак, велат дека се во постојана комуникација со студентите. Оттаму потенцираат дека како дел од владините мерки за справување со кризата од 1 октомври студентите ќе добијат финансиска помош од 100 евра за покривање на дел од партиципацијата, или за сместување.

Повеќе вести...
барај огласи за вработување » барај останати огласи »