Владата донесе одлука да се воведе полициски час, потврдија за МИА од владината прес-служба. Одлуката е донесена на предлог на Комисијата за заразни болести поради зголемениот број на новозаболени и хоспитализирани лица од Ковид -19.

Комисијата за заразни болести предложи полицискиот час да важи од 22 часот навечер до 05 часот наутро во период од две недели, колку еден епидемиолошки циклус. Мислење на Комисијата е дека оваа рестриктивна мерка ќе даде резултати.

Министерот за здравство Венко Филипче вчера изјави дека анализите на Комисијата покажале дека поради непочитување на мерките се очекуваат нови случаи на заразени, но и зголемен број на хоспитализирани.

Инциденцата најмногу е зголемена во Скопје, Кавадарци, Неготино, Прилеп и во Охрид. Тоа се реперкуира на начин што има зголемен прилив на пациенти во болниците. Во Кавадарци е целосно исполнето Инфективното и дополнителните одделенија и почна да работи и модуларната болница. Исто е во Прилеп, а во Скопје секојдневно има се поголем број случаи кои бараат хоспитализација и затоа во функција се врати модуларната болница до Инфективната клиника и повторно се спремни сега сите интерни клиники, изјави Филипче.

Денеска, и министерот за внатрешни работи Оливер Спасовски, запрашан дали полицискиот час ќе ги даде очекуваните резултати, рече дека иако рестриктивните мерки не се популарни, сепак се неопходни за да се сочува јавното здравје.

Подобро е пократко време да имаме рестриктивни мерки, отколку да имаме целосно оптоварување на здравствениот систем, изјави Спасовски. 

Има ли некој што се грижи за заштита на работничките права? Каде се синдикатите? Зошто ги нема во дебатите во кои се кршат копја околу одлуката недела да биде неработен ден? - Ова се само дел од коментарите на социјалните мрежи по соопштението на Сојузот на синдикатите на Македонија дека не се повикани за дебата околу предлог одлуката недела да биде неработен ден.

Од ССМ велат дека се изоставени од дебатата за одлуката недела да не се работи. Според нив е смешно да се одлучува за работата на работниците без тие воопшто да бидат прашани за став.

-Да си правиш дебата дали требало или не да се работи во недела и да дебатираш сам со себе без да ги слушнеш работниците односно оние кои ти работат во недела е рамно на робовладетелско општество на кое се навикнати македонските работодавачи. На каков начин ги мотивирале до сега работниците да им работат во недела и со својот труд да им го ствараат капиталот? потенцираат од ССМ во реакцијата.

Имено, стопанствениците негодуваат околу ваквата одлука.

Не се согласуваат недела да биде неработен ден.

На вчерашната панел дискусија токму за оваа тема, дел од бизнис заедницата вели дека загубите ќе бидат големи а граѓаните од регионот ќе пазарат во Косово и Србија ако во земјава се затворат трговските центри во недела.

„Во трговските центри не се оди само на шопинг. Таму останатите вработени кои имаат работна недела одат за време на викенд и особено во недела за да поминуваат ефективно слободно време со семејството. Според некои пресметки еден поединец во недела може да потроши и 12.000 денари, пари кои ако затвориме во недела ќе се слеат во трговските центри во Косово и во Србија, рече Игор Давков од Скопје Ист гејт.

Најавениот полициски час нема да остане без свое влијание и врз онака ранетата македонска економија. Секое ограничување делува негативно врз свеста на луѓето, а тоа ја допира и економијата, сметаат од бизнис секторот.

Здравствената ситуација ги диктира мерките, вели претседателот на бизнис конфедерацијата Бошков, за Сител, но економските субјекти немаат друг избор освен да се прилагодат.     

“Свесни сме дека има сектори кои нудат услуги и после 21, но сите треба да сфатат дека во овој момент е таква ситуацијата и треба да и се верува на Комисијата. Од друга страна, истите тие треба да се насочат кон подобар маркетинг кон подобра организација и испорака. Тие услуги или производи кои сметале дека можат да ги купат и искористат по 21 да ги направат пред тоа со цел економските оператори да останат во кондиција”.

Колку недостатокот од вакцини има влијание врз најавената рестриктивна мерка? Бошков смета дека бизнис секторот дефинитивно е погоден од немањето дози за имунизација.    

“Луѓето своите бизниси ги планираа како да ќе има вакцина, во менталната матрица беше дека ќе се ослободиме од стегите, врз основа на тоа се планираа и екномскиот, но и социоекономскиот и културниот живот, така што мерката сега е неминовна”.

Петтиот пакет економски мерки е веќе објавен, но Бошков смета дека воведувањето на полициски час можеби треба повторно да ги активира економските сектори во Владата, во смисла на дополнителна поддршка.

Приоритет, според него, секако треба да имаат оние секори кои придонесуваат во поголемо полнење на буџетот, но дијалог треба да водат сите засегнати. 

Укинувањето на роамингот е дел од договорот на земјите од Западен Балкан (Албанија, Босна и Херцеговина, Северна Македонија, Црна Гора, Косово и Србија).

Првата фаза од спроведувањето на договорот започна во 2019 година, кога цената на роамингот беше намалена за 80 проценти, додека втората фаза, односно целосно укинување на роамингот, беше најавена за 1 јули 2021 година.

Европската унија побара укинување на роамингот во телекомуникациските тарифи за земјите од Западен Балкан, како форма на олеснување на комуникацијата на граѓаните.

извор: mk.tv21.tv