Аспектус Фарма е иновативна и кооперативна компанија со висок интегритет, што и овозможува високо квалитетно производство на лекови и воспоставување партнерства со глобалните фармацевтски компании за да обезбеди широк асортиман на производи на пазарите во Русија, Балканот и земјите на Европската Унија. Компанијата е целосно посветена на развојот на нови лекови, обука за креирање на високо квалитетен стручен кадар и посветеност за задоволување на рафинираните потреби на нивните клиенти.

Имаат отворено 3 работни позиции:

СТРУЧЕН СОРАБОТНИК ВО СЕКТОР ФАРМАЦЕВТСКА РЕГУЛАТИВА

ИТ АДМИНИСТРАТОР

ОДГОВОРНО ЛИЦЕ ЗА ЛОГИСТИКА

НИКОБ, агенцијата за обезбедување лица и имот, е основана во 1995 година во Скопје и е првата компанија за обезбедување во Македонија која е судски регистрирана. Лојалноста, стабилноста и професионалноста беше одлика на компанијата од почетокот на нејзиното работење. Тоа беше единствениот предуслов НИКОБ, 25 години да е број еден агенција за обезбедување на имот и на лица во Македонија. Нивната политика во работењето се заснова на квалитет на услугите кои ги нудат, користење напредна технологија и достапност за сите. Членовите на тимот на НИКОБ се секогаш посветени на работењето и на секојдневното подобрување на квалитетот во сите сегменти на понудените услуги, со што тежнеатеме и работат на тоа, лидерското место да го задржат засекогаш.

Во почетокот на 2010 година, во НИКОБ се изврши промена на сопственичката структура. По преземањето, НИКОБ претрпе преструктурирање и ребрендирање на компанијата заради поголема ефикасност во работењето и за подобрување на целокупниот квалитет на услугите. Направени се големи инвестиции кои ќе продолжат и во наредниот период, повторно со цел подигнување на нивото на квалитетот на услугите како и воведување низа нови услуги, со што задоволството и безбедноста на нивните клиенти би била на највисоко ниво.

Имаат отворено 3 работни позиции:

СЕРВИСЕРИ МОНТЕРИ ЗА ИМПЛЕМЕНТАЦИЈА И ОДРЖУВАЊЕ НА БЕЗБЕДНОСНИ СИСТЕМИ ЗА РЕОНОТ НА ОХРИД И СТРУГА

ЛОВНИК ЗА РЕОНОТ НА БЕРОВО

ЛОВОЧУВАР ЗА РЕОНОТ НА БЕРОВО

Euro Tools е компанија чија основна дејност е продажба и дистрибуција на материјали, алати и опрема за заштита при работа. Таму можете да најдете сè што ви е потребно кога треба да поправате нешто во домот или дворот, а притоа да бидете и заштитени од можни повреди со квалитетните брендови на заштитна опрема достапни во Euro Tools.

Имаат отворено 2 работни позиции:

СЕРВИСЕР

АДМИНИСТРАТИВЕН РАБОТНИК

Целта на Quantox е да најдат најдобри можни професионалци за нивните клиенти во областите на програмски услуги, создавање на целосно одговорен дизајн, развој на природни апликации за мобилни телефони, управување со сервер со полно работно време, уникатно пишување на содржини и многу други области вклучени во спроведување и одржување на силно присуство на Интернет за нивните многубројни клиенти.

Посветени на веб и развој на мобилна телефонија, професионалците во Quantox се посветен тим на технолози, дизајнери, програмери, маркетинг и стратези на Интернет со повеќе од децениско искуство во производство на веб-страници со висок обем за важни брендови за дел од цената што другите фирми ќе ја наплатат за слични услуги.

Имаат отворено 2 работни позиции:

PHP DEVELOPER

REACT DEVELOPER

KARIERA.mk е сервис за поврзување на компаниите со кандидатите за вработување и им помага на кандидатите да ја најдат вистинската работа со тоа што може да аплицираат на активните огласи со само 1 клик.

Од следната недела ќе почне издавањето на потврдата за вакцинирање која сè уште нема официјален статус на ковид-пасош, но ќе служи како документ за патување во оние земји кои тоа ќе го побараат.

Засега најави има од Грција, која на 14 мај ќе ја отвори границата за Македонци за кои ќе биде дозволен влезот доколку имаат потврда за примени вакцини или негативен ПЦР-тест за Ковид-19.

Нема форма на вакцинален пасош, има потврди кои се прифаќаат од земјите во регионот. Тие се спремни и од следната недела ќе се издаваат. Тоа се посебни потврди на кои има код кој ги дава податоците за вакцинацијата. Засега информациите се дека за влез во Грција освен таа потврда алтернатива е негативен ПЦР, но не сам по себе и позитивен наод на ИГГ антитела, рече министерот Филипче.

Потврдите за примени вакцини ќе се издаваат и ретроактивно, на сите што ги примиле двете дози од вакцината за заштита од Ковид-19.

Тие, според досегашните најави, се неопходни за влез во Грција, а влезот во останатите земји од ЕУ за нашите граѓни е условен со негативен ПЦР-тест.

Што помалку изговори за да се храните здраво е дел од визијата на две истомисленички кои го создадоа „Мелем од вкусови“. Како идеја се развива неколку години наназад, веројатно кога и двете лично го почувствувале бенефитот од промената на начинот на исхрана. Пандемијата, кога скоро сите знаат дека здравјето е скапоцено, е таа која ги поттикнала муабетите да ги претворат во конкретен бизнис кој ќе им помогне на луѓето да ја прифатат асоцијацијата дека храната е лек и за менталното и за физичкото здравје.

Лесно достапен здрав оброк направен со љубов, па што ви треба повеќе во вакво кризно време?

Салатите на „Мелем од вкусови“ не се класични воопшто, туку се комбинација на продукти кои порано биле секојдневно присутни во оброците за ручек и изобилуваат со протеини кои бавно се разградуваат и витамини кои притоа не го оптоваруваат организмот.

Андријана и Ана се љубители на природата и навистина им е важно да не ја загадуваат околината, па затоа се одлучиле салатите и оброците да бидат во тегла (која што може да искористи повторно), а воедно и вкусот на истите е далеку подобар затоа што состојките се врзуваат поубаво кога се во стаклена амбалажа.

Нивното мото е: „Одвојте повеќе време за себе и работите што ве прават среќни, а ние ќе се погрижиме да јадете здрави и вкусни оброци.“

Дел од уникатните производи:

1.Колагенскиот десерт (здрава верзија на Чиз Кејк)- овесни снегулки, ореви, кокосово масло, мед , желатин со ванила и шумско овошје.

2.Мелем од вкусови - Пченица со суво грозје, мед, ванила, цимет и ореви

3.Кралскиот оброк - Цели зрна овес во комбинација со кокос, урми, бадеми, сончоглед, ванила и мелено ленено семе

4.Енергетска бомба - Киноа со сите сушени овошја и сите јаткасти плодови, плус цимет и мед

5.Чија пудинзи со кефир (јагода, ванила и кокос, со путер од кикирики ). Чоколадниот чија пудинг е направен со сок од портокали , тој не содржи кефир.

Кефирот го прават сами и го користат и за неколку дресинзи за оброк салатите , како и за нивните смути пијалоци.

6.Чоколаден мус - Наут со оризово млеко, какао, мед, путер од лешници, цимет и одозгора овошје ( по избор ) + лешници

7.Чистач салатата - Салата со леќа која ја имаат во две варијанти со домат и со козјо сирење.

Грижата за себе можете да ја започнете уште веднаш, време е за вкусни и здрави оброци во тегла. 

Oд понеделник 26.4.2021 година, почнува етапната исплата на априлските пензии. Министерството за труд и социјална политика информира дека пензиите ќе бидат исплатени предвреме и етапно, со цел да се овозможи поголема заштита на пензионерите во услови на здравствена криза.

Подигнувањето на пензиите преку филијалите и експозитурите на банките за пензионерите кои не користат картички ќе се реализира во четири групи, според висината на пензијата:

• За пензии со висина до 11.000 денари, исплатата да се изврши на 26.4.2021 година (понеделник);
• За пензии со висина 11.001-14.000 денари, исплатата да се изврши на 27.4.2021 година (вторник);

• За пензии со висина 14.001-18.000 денари, исплатата да се изврши на 28.4.2021 година (среда);
• За пензии со висина над 18.001 денари, исплата да се изврши на 29.4.2021 година (четврток).

Пензионерите кои користат платежна картичка, поврзана со сметката на која се префрлува пензијата, со парите можат да располагаат од 26 април(понеделник). Тие можат да ја подигнат пензијата на банкомат, да ги користат средствата за плаќање во трговската мрежа или за електронски плаќања.

Етапното процесирање на пензиите ќе овозможи спроведување на препораките и мерките за спречување и ширење на болеста, со оглед на тоа што пензионерите како возрасна група се најранливи.

Министерството за труд и социјална политика укажува дека пензиите се сигурни на сметките на корисниците, пензискиот систем е стабилен и функционира без проблеми.

Апелираме до пензионерите да се придржуваат до распоредот за исплати, затоа што етапната исплата е направена со цел да се намали метежот пред банките и можностите за загрозување на личното и јавното здравје.

Потсетуваме на обврската за носење лична заштитна опрема којашто ги покрива пределот на носот и устата како и на држење растојание при чекање ред пред и внатре во банките.