Околу 82% од милионерите сметаат дека глобалното опкружување никогаш не било со повеќе предизвици од сега, а 51% веруваат дека уште повеќе ќе се збогатат. 

Истражувањето на UBS Wealth Management покажува дека некои милионери имаат голема самодоверба, а други се загрижени. 

Опфатени беа милионери од седум земји и тоа Мексико, Јапонија, Сингапур, Италија, Швајцарија, Хонг Конг и Велика Британија. 

Од нив најзагрижени се Мексиканците. 

56% од сите милионери стравуваат за своите долгорочни цели. 

Младите милионери се повеќе загрижени од старите. 

75% сметаат дека готовината е добар начин да се зачува вредноста на парите и се плашат од инфлација. 

Динарот е валута која почнала да се користи уште во Кралството на СХС од 1920 година. При тоа државите се менувалеа, но не и валутата наречена динар.

Динарот се користи во Кралството Југославија, социјалистичка Југославија и Сојузна Република Југославија. Имињата на земјите се променија, но не и динарот, кој има стекнато култен статус и е “југословенски” и престана да биде кога тој е заменет со српскиот динар на Србија и еврото во Црна Гора – односно откако поранешна Југославија се распадна.

Во 1985 година доаѓа нова серија на банкноти, која започна со воведување на 5.000 динари со ликот на поранешниот југословенски претседател Јосип Броз Тито.

Ова е најголема досега издадена државна банкнота, која беше долгоочекувана и предизвика бура во јавноста, а тоа продолжува и денес – не заради својата вредност, но поради грешката која на почетокот никој не ја забележал. Имено, со ликот на Тито влегува годината на неговото раѓање и смртта. Но, наместо 1892 – 1980, на книжната банкнота е отпечатено 1892 – 1930. Што значи Тито починал пред 50 години.

Она што е интересно е дека дури и по забележаната грешка, банкнотите не биле повлечени од оптек. Според тогашниот генерален директор на Институтот за производство на пари од 14 милиони печатени банкноти, само 4 отсто од нив имале грешка. Ова значи дека дефектот е на околу 560 илјади банкноти. Но, според меѓународната регулатива држава која има повеќе од еден процент на отпечатени хартиени банкноти со забележлива грешка, ќе треба да ги повлече сите пари од таа серија од промет.

Невалидната година на смртта Тита не е само грешка кај оваа банкнота. Имено официјално не е соопштен ниту датумот кога таа се пушта во промет, како и појавата и опис на банкнотите што беше сосема различно од она што беше објавен во службениот весник на СФРЈ.

Телекомуникациската компанија Вип како официјален партнер на светскиот натпревар НАСА спејс епс челенџ (NASA SPACE APPS CHALLENGE) беше домаќин на финалето што се одржа денеска и заедно со финалистите и со членовите на наградениот проект на младиот тим SWIFT, составен од средношколците од државното средно училиште „Раде Јовчевски Корчагин” го одбележа меѓународниот ден на телекомуникациите.

Особена чест ни е што Меѓународниот ден на телекомуникациите го одбележуваме заедно со  младите и талентирани луѓе, учесници на НАСА натпреварот бидејќи убедени сме дека токму тие се иднината на телекомуникациите, на ИТ индустријата и на поврзаните индустрии воопшто. Минативе две седмици бевме сведоци на позитивна енергија, многу ентузијазам и идеи, среќни сме што и преку нашите интерни ресурси дадовме придонес во реализацијата на овој настан кој ја става Македонија на мапата на светските настани“, изјави Димитар Ковачевски, извршен директор на ВИП.

Натпреварот се одржуваше од 28-30 април во Скопје. За наградата од Македонија се натпреваруваа 170 млади програмери, инженери, дизајнери, истражувачи, иноватори и претприемачи, а во финалето влегоа 3 тима кои пред жири комисија ги презентираа своите идеи. Победничкиот тим ќе патува во Кенеди спејс центарот на НАСА и ќе има можност во живо да го следи лансирањето на вселенско летало како и да го презентира своето решение пред претставници на НАСА.

Трет циклус саеми за вработување што го организира Агенцијата за вработување почнува од денеска и ќе трае до 15-ти следниот месец. Во овој циклус ќе бидат опфатени шест градови, а стартува и завршува во Скопје, следуваат Штип на 26 мај, Кавадарци 30 мај, Битола 6 јуни, Тетово 8 јуни и Струмица на 13 јуни.

На отворањето на саемот најавено е обраќање на министерот за труд и социјална политика Ибрахим Ибрахими и на директорот на Агенцијата за вработување Влатко Поповски.

Според Поповски, преку директен контакт со работодавачот лицето кое бара вработување може да  види што се бара, колку се бара, колку е тоа платено, односно што нудат работодавачите и какви се работните места.

Ги повика младите да ги посетат саемите и да видат што се бара за кога ќе се запишуваат во средно училиште или на факултет  да изберат образование со кое во иднина ќе имаат можност  за вработување кај некоја од компаниите.

На претходните два циклуса со по осум саеми за вработување  над 79.000 посетители оставиле 21.190 биографии пред учествувале 734 работодавачи. Тие контакти резултирале со најмалку 2.500 вработувања.  

Според него со саемите се сака да се направи промоција на работните места  кои имаат иднина во смисла на брзо вработување по завршување на образованието.