Денеска и утре подгответе ги платнените торби или хартиените кеси што ги имате низ дома, затоа што од среда пластичните кеси во продавниците ќе чинат 15 денари, наместо досегашните 2 или 3 денари од кеса. 

Законот предвидува забрана на употребата на пластични кеси во земјава, односно од први декември тие веќе нема да се произведуваат, додека кесите кои се биоразградливи ќе се наплаќаат по 15 денари.

Дел од граѓаните ја поддржуваат ваквата одлука и сметаат дека е во ред да се пазарува со платнена или хартиена торба која ќе си ја носат од дома, но има и такви кои сметаат дека многу попрактични се пластични кеси без оглед на штетата која ја предизвикуваат за животната средина долгорочно. 

За средствата од продадените пластични кеси, трговците ќе мора да водат евиденција по квартали, а надоместоците ќе треба да ги уплаќаат на посебна сметка на органот за животна средина.

Од еколошото здружение„Гоу грин“ пресметале дека во просек трошиме по две пластични кеси по жител секој ден.

Според законот, од 1 декември се забранува користењето на пластичното пакување за еднократна употреба во угостителските објекти што се наоѓаат во заштитените подрачја во Македонија.

Како што е познато, серија мерки се вградени во шест закони во делот на управување со отпад, што беа донесени во септември оваа година, со цел да се подигне свеста кај населението за намалување на отпадот и да се применат стратегиите и другите политики во Европската Унија за повторна реупотреба и рециклирање, користење на отпадот како гориво и депонирање, како најнепосакувана опција за справување со отпад. 

Kia денеска на саемот во Сеул ја претстави новата, втора генерација на моделот Niro, но конкретни технички детали се уште не се објавени. Во секој случај, по пет години, актуелниот Niro добива наследник, во форма на компактен електрифициран crossoveer чиј изглед е инспириран од дизајнот на концептот HabaNiro што се појави во 2019 година.

За повеќе детали погледнете во видеото:

Од пандемијата и порастот на луѓето кои работат од дома, користењето на програмите за следење на вработените од страна на работодавачите рапидно расте. Работодавците велат дека ја следат активноста на работниците главно од две причини: да ја промовираат безбедноста и да ја зголемат продуктивноста. Кои алатки за следење ги користат и колку агресивно ги користат варираат во голема мера.Еве неколку начини како компаниите ги следат работниците дома:

1. Следење на работното време преку компјутер

Вклучувањето и исклучувањето може да биде најосновната функција, пријавување на работните часови, времето на пауза и други празнини во работниот ден.

Системот за следење време може да ве издаде кога вашиот компјутер е неактивен одреден период, а ако не одговорите, тој автоматски ќе ве одјави, што може да влијае на вашата плата во некои компании. 

2. Следење на веб-локации, апликации и е-пошта

Дали гледате веб-страници кои немаат никаква врска со работата? Дали имате игра која работи во позадина или всушност ја играте? Колку време трошите на социјалните мрежи? Следењето на активноста на интернет е вообичаена карактеристика на повеќето софтвери за следење, иако има различни степени на пристап што може да ги има работодавецот. 

3. Активирање на веб-камери

Ова може да биде најинвазивниот начин за следење на работниците, без разлика дали се гледаат во живо или со снимање видео или звуци.

Од ССМ ги потсетија работодавците дека годинава имаат простор без да бидат оданочени да исплатат и поголема сума од оние 40 проценти од трите последни просечни исплатени на ниво на држава, кои со колективен договор се предвидени како минимум за регресот за годишен одмор.

На работодавците им остана уште еден месец на своите вработени да им исплатат К -15 за оваа година, за да избегнат санкции.

Дел од работниците овој регрес за годишен одмор кој годинава е околу 11.500 денари го добија уште на почетокот на сезоната за одмори, некои подоцна, а голем дел сè уште го чекаат.

Право на К-15 имаат сите вработени во приватниот и во дел од јавниот сектор кои кај ист работодавец работеле најмалку шест месеци во календарската година. Од ССМ ги потсетија работодавците дека годинава имаат простор без да бидат оданочени да исплатат и поголема сума од оние 40 проценти од трите последни просечни исплатени на ниво на држава, кои со колективен договор се предвидени како минимум.

Од ССМ потсетуваат дека регресот за годишен одмор е право воспоставено по пат на дијалог помеѓу претставниците на работниците, во конкретниот случај Сојузот на синдикатите на Македонија и од претставниците на работодавците – ОРМ и со оглед на тоа што се работи за право уредено спогодбено со потпишување на колективен договор, очекувано е работодавците целосно да ја исполнат обврската која доброволно ја презеле.

Oд ССМ и потсетуваат дека за работодавачи кои не исплаќаат К-15, или бараат од работникот да им го врати, законот предвидува и затворска казна до една година.

Од лани право на К-15 имаат и над 20.000 вработени во јавната управа и правосудството.