Давањето конструктивна критика е нешто што секој менаџер мора да научи да го прави. Во многу случаи, оној кон кого е упатена критиката ќе биде вработен. Но, за директорите и менаџерите може да се појават ситуации во кои треба да му испратите конструктивна критика на клиентот - застрашувачка задача која бара деликатно ракување.

Значи, кои се најдобри практики за давање конструктивна критика на клиентите и вработените? Неколку совети и начини во продолжение:

Не правете го тоа лично

Никогаш не се фокусирајте на личноста на вработениот; туку зборувајте за нивните постапки и што може да се направи за да се подобри.

Бидете конкретни

Секогаш е најдобро да бидете што е можно поконкретни во вашите повратни информации. Наместо да зборувате генерално, изберете конкретни примери на однесувања или ситуации кои ги илустрираат вашите поенти.

Кажете го тоа со позитивен тон

На пример, наместо да кажете нешто како „никогаш не давате никаков придонес за време на состаноците“, можете да кажете: „Би сакал да те слушнам повеќе да зборуваш на состаноците“.

Започнете ја критиката со поставување на прашања

Вашата цел не е (и не треба да биде) да ги убедите вработените да работат онака како што би направиле вие. Наместо тоа, копајте подлабоко, да го најдете коренот на конкретниот проблем. Поставувајте прости прашања, како “Зошто постапи така во таа ситуација?”, “Како би можеле подобро да постапите?”. Овие прашања ќе ги водат вработените да откријат сопствени решенија.

Критикувајте во мали дози

Најсоодветниот момент за конструктивна критика е кога некој покажува позитивен напредок, но уште има простор за одење напред. Правилото е да ја балансирате критиката со неколку комплименти. Ако има некаков посериозен проблем, зборувајте за него веднаш откако се случил. Не чекајте да дојде “вистинскиот момент”, оставајќи ја проблематичната ситуација да тлее.

Лекот кој го забавува оштетувањето на мозокот кај луѓето со Алцхајмерова болест, лекарите го нарекуваат „значаен напредок“.

Резултатите од тестирањето на новиот лек ставија крај на една деценија неуспеси.

Се испраќа порака дека е можно да се најде лек кој ќе ја лекува најчестата форма на деменција - Алцхајмеровата болест.

Сепак, влијанието на новиот лек лекенемаб засега е мало и прашање е како тој помага во секојдневниот живот на заболените од оваа болест.

Лекот делува кога се дава во раните фази на болеста, така што оние со напредната болест нема да можат да го користат.

Тој е дизајниран да ги отстрани купчињата токсичен бета-амилоид протеин што се таложи во мозокот на луѓето со Алцхајмерова болест.

Истражувачите од Велика Британија за Алцхајмеровата болест велат дека резултатите се „значајни“.

Џон Харди, еден од водечките истражувачи во оваа област, го нарекува „историски момент“, додавајќи дека на повидок е развој на терапија за овој здравствен проблем.

Тара Спајрс-Џонс од Универзитетот во Единбург истакнува дека резултатите се важни затоа што долги години сè е неуспешно.

Досегашната практика е на луѓето кои боледуваат од Алцхајмерова болест да им се даваат лекови кои само ги контролираат симптомите, но тие не влијаат на текот на болеста.

Леканемаб е антитело како оние кои напаѓаат вирус или бактерии, кои се направени за да го предупредат имунолошкиот систем да го отстрани амилоидот од мозокот.

Амилоидот е протеин кој се депонира во просторот помеѓу невроните во мозокот.

Ги формира карактеристичните плаки кои се клучна карактеристика на Алцхајмеровата болест.

За време на испитувањето, 1.795 волонтери во раните стадиуми на болеста добивале инјекција од лекот на секои две недели.

Резултатите, претставени на конференција во Сан Франциско - Клинички испитувања за Алцхајмерова болест, беа објавени во списанието New England Journal of Medicine, но тие не се чудотворно лекување.

Болеста продолжи да ги уништува мозочните клетки, но лекот ја забави прогресијата на болеста за една четвртина во текот на 18-месечното испитување.

Во Америка моментално се дискутира за влијанието на лекот и дали тој треба да биде вклучен во поширока употреба.

Фармацевтските компании „Еисаи“ и „Биоген“, кои работеа на развојот на лекот, планираат да аплицираат за лиценца и во други земји.

Дејвид Есам е од Кент, град во Велика Британија, има 78 години и учествувал во испитувањето на лекот.

Алцхајмеровата болест го натерала да ја напушти работата како млад човек - не можел да се сети како да изгради нешто или како да користи алатка.

Тој користи дигитален часовник, бидејќи повеќе не може да го одреди времето на обичен часовник.

„Тој веќе не е човекот како некогаш, му треба помош за многу работи, неговото сеќавање речиси и да не постои“, вели неговата сопруга Шерил.

Но, експериментот со новиот лек му даде надеж на семејството.

Ако некој може да ја забави или спречи Алцхајмеровата болест, тоа би било одлично, бидејќи тоа е толку ужасна работа, вели Дејвид.

Во светот има околу 55 милиони луѓе како Дејвид, а некои проценки се дека до 2050 година бројот на заболени од оваа болест ќе надмине 139 милиони.

Фото: unsplash

Засега останува иста цената на патарините во државава, изјави денеска директорот на Јавното претпријатие за државни патишта (ЈПДП) Ејуп Рустеми, одговарајќи на новинарски прашања пред почетокот на конференцијата „Безбедност на патиштата, предизвици и мерки за безбедни патишта“.

Рустеми информираше дека продолжуваат со модернизација на патарините на Коридорот 8.

Како ЈПДП продолжуваме со модернизација на патарините по Коридорот 8, при што се очекува да почнеме со работа од март следната година и очекуваме до крајот на годината и Коридорот 8 да биде целосно модернизиран, односно да се спроведе електронско плаќање, рече Рустеми.

Со процесот на модернизација сите наплатни станица треба да имаат ист електронски ситем на наплата на патарина, како што е воспоставен и на Коридорот 10. На  постоечки наплатни станици на Коридор 8 треба да се изврши реконструкција за поставување на системот на електронска наплата, на кабините, на островот каде што се кабините и на сообраќајните ленти за поминување.

Рустеми исто така напомена дека согласно одлуката од „Отворен Балкан“, продолжуваат со соработка и со јавните претпријатија на Србија и на Албанија за заедничкиот проект за воспоставување еден уред за наплата на патарини во трите држави. Проектот е во фаза на прилагодување на системите, изработка на веб апликација и законски усогласувања.

ЈПДП во вториот квартал годинава наплати патарини во износ од 745.037.340 денари (12 милиони евра). Во споредба со истиот период од минатата година, приходот од патарини е поголем за 13,6 проценти, односно за 89.166.912 денари.

Министерот за внатрешни работи денеска  се обрати на научен собир на тема „Не користи мобилен телефон додека возиш” во партнерска организација на Републичкиот совет за безбедност во сообраќајот, Факултетот за безбедност и Министерството за внатрешни работи,  што се одржа во амфитеатарот на Факултетот за безбедност во Скопје.
Министерот Спасовски во своето излагање потенцираше дека секоја техничко-технолошка новина во себе носи важни дилеми кои бараат соодветни правила на прилагодување, особено ако практичните ускуства покажуваат конкретни проблеми при користењето.

Фактот дека според Светската здравствена организација одвлеченото внимание на возачот поради користење на мобилен телефон се јавува како причина во безмалку една четвртина од сите сообраќајни незгоди, јасно ни укажува дека одредени модерни технолошки алатки едноставно не можат да се користат секаде и во секоја прилика. Евидентно е дека се соочуваме со еден нов и потенцијално многу опасен феномен кој согласно статистиките и аналитички согледувања има капацитет на крајно сериозна закана, чија цена се човечки несреќи и трагедии, ја дефинираше опасноста од користењето на мобилните телефони министерот Спасовски.

Министерот Спасовски истакна дека препознавајќи ја таа опасност повеќе години наназад сите релевантни институции од областа на сообраќајот не само што законски го нормираа како казниво поведение користењето на мобилните телефони при возење, туку интензивно се вклучија во превентивно делување и заеднички работеа на подигнување на јавната свест, дека на користењето на мобилните телефони не му е местото во сообраќајот, без разлика дали станува збор за управување на моторно возило, минување на сообраќајниците или   велосипедска рекреација, притоа не исклучувајќи ниту еден учесник во сообраќајот.

Сообраќајниот прекршок „зборување на мобилен телефон” во последниов период бележи пораст, па во изминатата 2021 година биле процесуирани дури 1.617 вакви прекршоци. Оваа година, од нејзиниот почеток заклучно со крајот на септември санкционирани се 2.128 возачи за користење на мобилен телефон при возење. Како што претходно истакнав, порастот на бројката е резултат на рапидно зголемената активност на полицијата во санкционирањето на непочитувања на сообраќајните правила и прописи, ги презентираше официјалните статистики од аспект на полициска работа министерот Спасовски. Претседателката на Републичкиот совет за безбедност во сообраќајот, Гордана Кожуваровска потенцираше дека според истражување на РСБСП дека на светско ниво 45% од возачите користат мобилен телефон додека возат, а во Република Северна Македонија тој процент е дури 60% од возачите.

Употребата на мобилен телефон додека се управува со моторно возило е ризично, опасно, но и спротивно на Законот за безбедност на сообраќајот на патиштата. Не постои разговор на мобилниот телефон чија важност може да се спореди со пристигнувањето на посакуваната дестинација безбедно и со добро здравје, сублимираше Кожуваровска.

Мобилните телефони во комбинација со управување со моторно возило може да бидат смртоносни алатки. За тебе или за другиот учесник во сообраќајот. Застани, размисли, не брзај, внимавај! Опасностите се на секој агол, статистиките се поразителни! Кога возиш, остави ги за подоцна сите разговори на мобилниот телефон. Заштити се себе си и другите учесници во сообраќајот!, акцентираше деканот на Факултетот за безбедност, Никола Дујовски  сложувајќи  се со другите ученици на научниот собир дека ваквите стручни настани и вклучувањето на повеќе различни институции  и на стручните но и на образовните, односно академски средини, можат дополнително да придонесат за разбирањето и решавањето на ваквите негативни феномени.