Растот на инфлацијата во Македонија е 20 отсто, а истовремено просекот на земјите-членки на ЕУ во истиот период е околу 10 отсто.

Гувернерката на Народна Банка, Анита Ангеловска-Бежоска, во разговор за Блумберг Адрија, објасни дека тоа се должи на големата зависност на Македонија од трговијата и недоволното производство на сопствена енергија.

Вкупната трговска отвореност кај нас е 140% од БДП, а во ЕУ околу 70%. Тоа значи дека ние имаме помалку домашни ресурси за да ги ублажиме тие надворешни шокови, со кои се соочуваме. Многу е важна и зависноста во сегментот на енергијата и енергетската интензивност. За да произведеме една единица БДП, ние трошиме во просек трипати повеќе енергија од ЕУ. Кај нас храната и енергијата во потрошувачката кошничка учествуваат над 50% до 55%, а во ЕУ е малку над 30%, рече гувернерката.

Во однос на различниот раст на инфлацијата кај различните земји, гувернерката ги посочи структурните фактори, но и видовите на мерките коишто ги преземаат носителите на политиките.

Исто така, многу се важни мерките коишто се преземаат, во која мера тие се насочени за спречување на порастот на цените или се мерки коишто се поцелни. Да не го заборавиме и прашањето за степенот на конкуренција којшто постои во економијата којашто е многу значаен пазарен механизам за движењата на цените. Поради сите овие фактори, еден ист глобален шок се одразува со различен интензитет во различни економии, вели Ангеловска-Бежоска.

На пазарот на труд има голем недостиг на работници, но истовремено има многумина што работат на он-лајн платформи. Само на една од нив, има 5.000 работници, а најголемата заработка од Македонија е половина милион евра!

Овие податоци ги презентираше универзитетската професорка Никица Мојсоска – Блажевски со која во „Утрински печат“ разговаравме за тоа како се „снаоѓаме“ во денешната кризна економија.

Постои феномен работници на онлајн платформи. Лани само на една таква платформа – „Апворк“ работеле 5.000 Македонци. Дел од нив работеле во ИТ – секторот, дел во маркетинг…Најголема заработка на Апворк платформата од Македонија била половина милион евра. Ова се лица кои не се пријавени, ниту како вработени, ниту како невработени, не плаќаат социјални придонеси, данок. Тоа е загуба и на луѓе и на буџетски приход. Има повеќе вакви платформи, на кои се работи за странска компанија од Македонија. Некои соработници, со статус на фри ленсери работат директно со компании. На пример, работат на проект за освојување на нов пазар и таму работат во тим. Некои пак, преку посредници се ангажирани на тие платформи, исто со статус на фри ленсери. На овие платформи нема вработувања, туку договори за работа на дело, а може многу да се заработи – вели Мојсоска – Блажески.

Целиот текст прочитајте го на bankometar.mk

Италијанските сообраќајни службеници добија итна задача - што поскоро да испорачаат два бубрега во Рим и Модена! Бидејќи породувањето морало да се изврши навреме, тие не се двоумеле многу, па за таа намена користеле моќен спортски двосед Lamborghini Huracan со кој поминале 570 километри за на пациентите, како што навела полицијата, да им го дадат „најубавиот Божиќен подарок: живот“.

Задачата е успешно завршена, па пациентите кои чекаат трансплантација можат да здивнат. Ова не е прва ваква „брза испорака“ за полицајците и се покажува како многу корисна.

Навистина, најдобриот подарок што пациентите би можеле да го добијат е токму тој, животот содржан во два бубрега. Полицајците поминаа добар дел од Италија минатиот вторник за да ги донесат двата органи на посакуваните дестинации.

Патување по автопатот за да го доставиме најдобриот божиќен подарок: животот. Благодарение на специјалниот Дедо Мраз на државната полиција, две лица добија донација на бубрег. Службениците на сообраќајната полиција беа задолжени за испорака на органи, кои со Huracan донесоа два бубрега во болниците во Модена и Рим. Се надеваме дека благодарение на тимската работа со Националниот центар за трансплантација, двете лица и нивните семејства ќе имаат посреќен и помирен Божиќ - објави полицијата на Фејсбук.

На сопствениците на дизел возила им се препорачува да избегнуваат патувања пократки од дваесет километри за да избегнат затнување на филтерот за саѓи.

Филтрите за саѓи (DPF) на современите дизел возила (исто така познати како FAP на некои француски возила) функционираат така што ги собираат ситните честички саѓи кои се производ на согорувањето на горивото во моторите.

Кога ќе се собере доволна количина, филтрите се така програмирани во нив да почнат да горат саѓите. Ова се случува додека возите и овој процес е автоматизиран, со зголемување на температурата на издувните гасови на влезот во филтерот, честичките во него се спалуваат.

Во DPF, постои (само)согорување ако возите 15 до 20 минути континуирано со над 2.500 вртежи во минута.

Британското здружение на овластени сервисери (IGM) излезе со важно предупредување: се препорачува сопствениците на дизел возила да избегнуваат патување помало од дваесет километри со цел да се избегне затнување на филтерот за саѓи.

Предупредување кое не треба да го игнорирате

Согорувањето на честичките саѓи нема да се активира во овие кратки интервали. Ако се појави затнување, ќе светне сијаличката на инструмент-таблата на автомобилот. Во овој случај, веднаш повикајте сервис, односно не стартувајте го автомобилот.

Сервисерот веројатно ќе го регенерира филтерот, а ако тоа не е можно, трошоците за замена можат да бидат и до 15 пати поголеми, во зависност од сервисерот.

Ако регенерацијата не функционира како што треба, тоа доведува до зголемување на количеството на саѓи што влијае на перформансите и потрошувачката на гориво, тоа ќе резултира со блокиран DPF што во крајна линија може да предизвика многу скапа штета на други делови на моторот. Блокираниот DPF исто така е потенцијално опасен, тоа може да предизвика прегревање на системот за издувни гасови и да предизвика ризик од пожар. За да се спречи оваа штета повеќето нови возила ќе одат во “Limp Home” (безбедносен режим) во оваа фаза, тоа значи возилото е со минимална моќност но доволно да стигне безбедно до дома.

За да се случи регенерација се бара од возилото да се вози во некоја брзина на отворен пат, на пример возење на автопат, обично се вози со околу 2.500 вртежи во минута за приближно 15-30 минути, најмалку еднаш месечно, тоа ќе го одржува системот да работи.

Многу дизел возила главно се користат во урбаните средини или на кратки релации, а многу од нив имаат автоматски менувач, така што возилото не добива шанса да се загрее доволно и не е во можност да се спроведе целиот процес на регенерација.