Европската комисија ја претстави регулативата за половни возила, со која доколку се усвои, ќе се забрани продажба на половни возила надвор од ЕУ. Со новината која се уште е во зародиш, дотраените возила би оделе на рециклирање. Повеќето возачи на Балканот купуваат половни автомобили кои се увезуваат од европските земји, па ваквата регулатива би влијаела и на нашиот пазар.

Засега се уште не е дефинирано за кои половни возила би се однесувала регулативата, односно не е прецизирано колкава би била точната норма, година или километражата. Во предлогот што ЕК го претстави на крајот на минатата недела, описно се наведува дека се однесува на автомобили на кои им дошол крајот на животот. 

Српските аналитичари проценуваат дека извозната рампа би можела да ги опфати стандардот „евро 3“ и „4“, што би довело до зголемување на цената на возилата со стандард „евро 5“ и „6“. За предлогот на ЕК треба да одлучат Советот на ЕУ и Европскиот парламент, пишува „Новости.рс“.

Како што пренесуваат европските медиуми, ЕК предложила нова регулатива за олеснување на рециклирањето на возилата и зголемување на употребата на рециклиран материјал во производството на нови автомобили. Една од примарните цели е да се осигура дека сите критични суровини, пластика, челик и алуминиум, остануваат во европското производно коло. Секоја година, како што е наведено, околу шест милиони возила го завршуваат својот животен век низ ЕУ, а дел од вредните материјали во нив одат во отпад. Дополнително, оценуваат дека тоа ќе придонесе за намалување на несигурноста на патиштата и загадувањето на животната средина.

Петар Живковиќ, генерален секретар на Здружението на автомобилски новинари на Србија, објаснува дека ЕК се обидува да најде излез во напорите да ја направи ЕУ конкурентна со Кина на пазарот на електрични автомобили. Сепак, како што додава, немаат суровини, па дошле на идеја за тоа да ги искористат своите стари возила. Тој оценува дека донесувањето на регулативата е далечна шанса, но со оглед на тоа што зеленото лоби кое влијае на автомобилската индустрија е исклучително силно, може да се очекува да помине. Според него, се е прашање на политика, а не на реална економија.

 Можеме да претпоставиме дека новата регулатива би опфатила одредени години на автомобили кои не би можеле да се продаваат надвор од ЕУ - наведува Живковиќ. 

Тоа значи дека би останале без оние постари, поевтини автомобили, како „евро 3“ и „4“. Инаку, нашата земја планираше да го забрани увозот на тие половни автомобили. Ако гледаме така, тогаш од таа страна тоа не би било голем удар за нашиот пазар - објаснува соговорникот.

Но, како што додава, ќе поскапат оние возила што ќе можеме да ги увеземе, еуро 5 и еуро 6, што е сосема нормално. За нив ќе има поголема побарувачка во самата ЕУ. Тој наведува дека нашиот пазар моментално стагнира и дека граѓаните купуваат возила само ако треба. Половните автомобили во Србија поскапеа за околу 25 отсто за една година, а новите возила, во зависност од производителот и брендот, од 20 до 50 отсто.

Според предложената нова европска регулатива, производителите на автомобили ќе треба да дадат јасни и детални упатства за расклопување на возилата. Тие, исто така, ќе треба да наведат како да се заменат и отстрануваат деловите и компонентите за време на користењето на возилото и како на крајот од неговиот век. Најмалку 25 проценти од пластиката во новите автомобили ќе треба да дојде од рециклирање, а од тоа најмалку 25 проценти мора да се рециклираат од возила на крајот на животот. Опсегот на овие мерки постепено ќе се проширува на нови категории, како што се мотоцикли, камиони и автобуси, со што ќе се обезбеди посеопфатна покриеност.

Предлогот на новата регулатива не беше поздравен од Асоцијацијата на европски производители на автомобили ACEA. Меѓу другото, тие се прашуваат дали пазарот може да ги снабдува производителите со доволно рециклирани материјали и посочуваат дека многу пластични делови со највисок квалитет тешко може да се рециклираат.

Стресот е дел од секојдневниот живот и од него не може да се избега, па затоа треба да се прифати како составен дел од живеењето. Тоа се постигнува со соочување со причините што го предизвикуваат и нивно минимализирање. 

Колку и да се паметни луѓето, ние не сме доволно еволуирани за да правиме разлика помеѓу физичките, опасни по живот предизвици и емоционалните.

• Се сомневате во себе

Луѓето доживуваат стрес на работа кога има неусогласеност помеѓу барањата и ресурсите за справување со барањатa.

• Мислите дека вашата работа е бесмислена

Кога не верувате во вашата работа или не можете да видите како вашите секојдневни задачи придонесуваат за поголемите цели на вашата компанија, не можете да извлечете радост од тоа. Колку помалку радост добивате од вашата работа, толку повеќе сте подложни на стрес - особено затоа што недостатокот на мотивација предизвикува побрзо снемување на пареата.

• Не можете да се сетите на вашата последна победа

Повторно и повторно сте полни со идеи што не го купуваат лесно шефот, а може да ја изгубите мотивацијата, да ја нарушите вашата креативност и да ја отворите вратата за стресот да тече слободно. Не ви треба четирицифрено покачување за да се чувствувате како успешен, но нешто толку едноставно како добивање на кредит за вашата одлична идеја може да го активира центарот за наградување на вашиот мозок и да го компензира стресот.

• Не спиете доволно

Ќе се подготвите за хроничен замор на работа, каде што заморот и стресот се хранат еден со друг. Тоа е затоа што мозокот прави грешки и станува помалку ефикасен кога е уморен. 

Доколку научите да ги препознаете, ќе бидете подготвени да се соочите со нив и да ги отстраните од можни причини кои што го зголемуваат стресот. Некои од нив не изгледаат како негативни и токму затоа изненадуваат.

Како што објавуваат локалните медиуми, просечната нето плата во Хрватска исплатена во месец мај се зголемила и сега изнесува 1.133 евра.

На годишно ниво ова е номинално повисоко за 11 отсто, а реално за 2,9 отсто, покажуваат податоците на Хрватскиот национален завод за статистика (ДЗС).

Според податоците објавени денеска, просечната плата од 1.133 евра е номинално за еден отсто повисока, а реално за 0,5 отсто во однос на претходниот месец, поточно во однос на април.

Највисока просечна месечна нето-плата е исплатена во авио индустријата и изнесува 1.962 евра, а најниска е во индустријата за производство на облека и изнесува 747 евра.

Хрватска пресметува и медијална нето плата, која во мај изнесувала 970 евра, што значи дека половина од вработените имале помала плата од споменатата, а останатата половина над таа сума.

Просечната месечна бруто-плата по вработен кај правните лица во мај изнесува 1.562 евра, што е номинално за 1 отсто, а реално за 0,5 отсто во однос на април.

На годишна основа просечната бруто плата е номинално повисока за 12,7 отсто, а реално за 4,4 отсто, пренесе Хина.

ФОТО: Unsplash/Vlado Sestan

Словенците и Хрватите се европски рекордери по уделот на граѓани кои инвестираат на турбулентниот крипто пазар, 16 отсто од Хрватите и 17 отсто од Словенците купуваат биткоини и други криптовалути, што е речиси три пати повеќе од европскиот просек, пишува во четвртокот Вечерњи лист.

На трето место со 14 отсто се Чесите, додека во „зихерашката“ Германија само шест отсто од населението верувале дека ќе се збогатат со рударење со помош на интернет, а не со „мотики и копачи“. Италијанците и Шпанците имаат најмалку доверба во  крипто светот (4 проценти).

Оваа пролет, Европската комисија го спроведе првото истражување за финансиската писменост во ЕУ, кое откри дека нивото на финансиска писменост низ ЕУ е ниско.

Приближно 18 отсто од граѓаните знаат сè за инфлацијата, инвестициите и ризиците што ги носат, 64 отсто може да се каже дека имаат одредено средно знаење, а останатите 18 отсто ништо.

Хрватска има малку повеќе добро информирани луѓе – 20 проценти и малку помалку со целосно незнаење – 16 проценти, и забележително се врати кон инвестирање во криптовалути и доверба во банките. Секој петти хрватски државјанин нема заштеда и би останал без средства за живот доколку ги загуби редовните приходи. Од друга страна, нешто помалку од една четвртина од населението тврди дека со заштедата што ја имаат би можеле да го продолжат стариот живот најмалку шест месеци, па и повеќе. Според двата одговори се меѓу најлошите во ЕУ.

Хрватите се крајно песимисти кога станува збор за староста и пензионирањето, а само шест отсто од граѓаните очекуваат удобен живот во пензија, додека за другите овој удел се движи од три отсто во Полска до 24 отсто во Данска. Друга четвртина од Хрватите веруваат дека ќе живеат малку удобно, додека сите други гледаат на животот во својата старост со вознемиреност.

Хрватска е на шестото место од 27 во ЕУ според нивото на доверба во советите на банкарите и финансиската индустрија, со учество од седум отсто од оние кои силно веруваат во банкарски совети и 38 отсто кои би ги оцениле финансиерите како многу добри. Само по овој критериум предничат Финска, Чешка, Данска, Австрија и Португалија.

Инаку, секој четврти хрватски граѓанин има потрошувачки кредит, а секој десетти кредит со хипотека.

Со 56 проценти, Хрватите се пред просекот на ЕУ во користењето на услугите за онлајн банкарство и мобилните плаќања, пишува „Вечерњи лист“.