Во изминативе неколку години повеќе истражувања се занимаваа со темата околу осумчасовното работно време, за кое било заклучено дека едноставно не функционира. Резултатите од сите овие истражувања покажале дека должината на траењето на работното време нема никаква врска со тоа колку сте ефикасни и продуктивни. Па, од каде дошла идејата за осумчасовно работно време?

Кампањата ја започнал еден социјален реформатор, Робер Овен, во 1810 година, во време кога фабриките работеле 24 часа, а работниците често работеле од 10 до 15 часа.

Тогаш, Овен го измислил слоганот: „Осум часа работа, осум часа одмор, осум часа спиење“, а во 1926 година, повеќе од еден век подоцна, компанијата Ford Motor станала првата која вовела траење на смена од осум часа и двојно им ја зголемила платата на вработените.

Денеска, осумчасовното работно време е дефинитивно застарен концепт.

Специјалист за циклусот на сон, Натаниел Клејтман, открива нешто што се нарекува „основен циклус на одмарање“, објаснувајќи дека нашите тела функционираат на 90-минутен период во текот на ноќта меѓу длабок и лесен сон.

Истото тоа се случува и во текот на денот, нашата поголема и помала будност се менуваат во ист период, поради што ни се потребни повеќе паузи за да бидеме повеќе продуктивни.

Доктор Тревис Брејдери ја предложил следната алтернатива: Идеален однос на работа и одмор би бил 52 минути работа и 17 минути одмор. Луѓето кои го одржувале овој баланс имале високо ниво на фокусираност на работата која ја извршуваат.

Шведска исто така експериментирала со смени од шест часа во еден дом за стари лица. Првите извештаи потврдиле дека медицинските сестри биле посреќни, имале повеќе енергија и биле попродуктивни. Штом се вратиле на старо, сестрите веднаш почнале да се жалат на умор и исцрпеност.

Новинарот Овен Џонес предложил да се работи четири дена неделно, а негов колега од „The Guardian“ ја поддржал идејата за работно време од четири дена.

Иако се уште не е постигнат консензус околу должината на траењето на смените, едно е сигурно: Тоа не е осум часа дневно.

Аеродромот што до вчера го носеше името на „Александар Велики“ сега ќе се вика „Меѓународен аеродром – Скопје“, додека автопатот што го носеше името на истиот историски лик од антиката сега ќе го носи името „Пријателство“.

Скопскиот аеродром и автопатот од Табановце до граничниот премин Богородица од вчера официјално имаат нови имиња.

Владината одлука за преименување стана официјална откако излезе во Службен весник.

Аеродромот што го носеше името на „Александар Велики“ сега ќе се вика „Меѓународен аеродром – Скопје“, додека автопатот што го носеше името на истиот историски лик од антиката сега ќе го носи името „Пријателство“.

Министерството за труд и социјална политика најави воведување државна социјална пензија, што треба да овозможи социјална праведност и сигурност на возрасни граѓани над 65 години кои не остваруваат пензија и немаат други приходи.

Во Министерството прават анализи, по чие завршување ќе се знае дали и колку тоа ќе значи оптоварување на Буџетот. Затоа, претходно треба да се дефинираат условите што треба да ги исполни едно лице за да може да прима социјална пензија, со што ќе се дефинира и точната бројка граѓани кои ќе бидат опфатени со неа.

И експертската јавност и синдикатите сметаат дека мерката е за поздравување земајќи предвид оти старите лица кои не се приматели на пензија се особено ранлива категорија. Но, сите се и едногласни дека е потребно претходно да се направат детални анализи за бројот евентуални корисници и за влијанието врз Буџетот. Препорачуваат тоа да биде социјално право, а не да се исплаќа од пензискиот фонд, бидејќи, сметаат, со една таква мерка, тој дополнително би се оптоварил.

Од МТСП посочуваат дека воведувањето на мерката е предвидена со програмата за работа на Владата на Република Македонија 2017-2020 година, и оти таа треба да се имплементира до 2020 година.

По дефинирањето на категориите на граѓани кои ќе се опфатат, велат оттаму, ќе се утврди начинот на определување на социјалната пензија и износот.  Посочуваат дека сега ги прибираат и анализира податоците за лица кои имаат над 65 години возраст, немаат 15 години пензиски стаж и во претстојниот период ќе достави предлог решенија за воведување на овој вид на пензија .

Дали мерката ќе има несакани ефекти врз Буџетот

Имплементацијата на ваквата владина мерка сепак ќе значи и дополнително оптоварување на државниот буџет. Без разлика на бројот на корисниците на старосната пензија, парите сепак од некаде ќе треба да се обезбедат. Треба да се одлучи дали тие ќе бидат од Фондот за пензиско и инвалидско осигурување, или од државниот буџет.

Експертската јавност предупредува дека клучно во целиот процес е како да се намали дупката во пензискиот фонд, кому низ годиниве за редовна исплата на пензиите му се потребни се повеќе средства од Буџетот.

Премиерот на Австралија Малколм Турнбул донесе одлука со која се забрануваат сексуални односи меѓу министрите и вработените во кабинетите, по скандалот кој ја потресе неговата Влада.

Заменик-премиерот и министер за инфраструктура Барнаби Џојс, католик кој е во брак 24 години и промовира семејни вредности, чека дете со неговата поранешна портпаролка.

Министрите, без оглед на тоа дали се во брак или не, не смеат да стапуваат во сексуални односи со песоналот. Во спротивно, ќе ги прекршуваат стандардите на однесување – рече Турнбул.

Тој истакна дека дека во 2018 година е неприфатливо министер да има секс со некој што работи кај него.

Тоа навистина е многу лошо однесување на работа и сите знаат дека од тоа никогаш не излегува ништо добро – рече австралискиот премиер.

Одлуката на шефот на Владата да се дополнат правилата за однесување стапи во сила веднаш, а Турнбул рече дека Џојс мора сам да ја разгледа својата позиција во Владата и на местото лидер на Националната партија.

„Барнаби Џојс скандалот“ ја загрози стабилноста на Владата, а министерот (50) зема отсуство од работа откако медиумите открија дека ја оставил жена му и четири деца, откако забременила неговата 32-годишна портпаролка, која му била љубовница.