Промовирани огласи »

Министерството за образование и наука ја следи ситуацијата со епидемијата од морбили, во координација е со министерствата за здравство и за труд и социјална политика и врз основа на состојбата на терен ќе одлучи за евентуално одложување на второто полугодие од учебната 2018/2019 година, што треба да почне на 21 јануари.

Во целосна коодинација сме и со министерот за  здравство и со министерката за труд и социјална политика, под чија надлежност е предучилишното образование, и сериозно ја следиме ситуацијата. Според тоа што ќе го имаме на терен, ќе преземеме мерки во пресрет на второто полугодие. Ќе биде преземено тоа што е неопходно од наша страна како надлежна институција, изјави министерот за образование и наука Арбер Адеми по посетата на ОУ „Васил Главинов“ во Чаир кое се реконструира.

Додаде дека со тие две министерства МОН е во координација и за изнаоѓање законско решение со кое, како што рече, ќе се поттикнат сите родители да ги вакцинираат децата затоа што основното образование е задолжително.

Треба да водиме грижа и за следење на  воспитно-образовниот процес во основно и за вакцинацијата на нашите деца. И во постојниот Закон за основно образование е предвидено дека при упис на децата во основно, нивните родителите треба да докажат дека биле вакцинирани, рече Адеми.

Соопшти и дека втората нацрт-верзија од новиот закон за основното образование е во финална фаза и наскоро ќе биде објавен на електронскиот регистар на прописи (ЕНЕР) и, како што рече, ќе содржи квалитетни решенија.

Промовирани огласи »

Малку над половина од автомобилите во Македонија (51,3 отсто) се на бензински погон, 45,6 отсто се дизелаши, а само 2,9 отсто се придвижуваат на алтернативни горива, покажуваат последните податоци на Евростат, кои се однесуваат за 2016 година.

Соодносот бензинци- дизелаши драстично е променет во последнава деценија, односно откако беше олабавена регулативата за увоз на половни автомобили. Анализата на статистичките бројки покажува загрижувачки нагорен тренд на бројот на дизел- автомобили, од кои најголем дел се половни возила донесени од странство. Односно, сега бројот на дизелашите е двојно зголемен во споредба со нивниот број во 2011 година, кога тој изнесувал 85.426 возила.

Во првите четири годнини, од 2010 година кога се дозволи увоз прво на возила со еуро 1, а потоа и со еуро 2 стандард, во земјава влегоа повеќе од 160 илјади патнички возила, што е речиси две третини од поранешниот вкупен возен парк, чија просечна старост се проценуваше на 14-15 години. Иако се очекуваше дека овие мерки, колку толку, ќе го подобрат возниот парк, сепак се случи само замена на прастарите автомобили од социјалистичкото време со други возила кои исто така беа стари. Имено, нормите еуро 1 во Европа стапија во сила во 1993 година, а еуро 2 во 1997 година. Подоцна, беше подигнат прагот на еко нормите, но драстичното зголемување на бројот на стари возила во сообраќајот само придонесе за поголемо загадување на воздухот.

Но, овој тренд продолжува. Според последните анализи на Царинската управа на Македонија во земјава за првите единаесет  месеци од 2018 година се увезени вкупно 35.513 патнички автомобили од кои што 27.018 се половни, а 5.377 се нови возила. Најголем дел од половните возила се со дизел мотор кои се под удар на строгото европско законодавство за квалитетот на воздухот.

Уште еден неповолен податок е старосната структура на македонскиот авто- парк.  Постари од 10 години се 79,4 отсто од автомобилите во земјава, или околу 305.000 возила. На нашите патишта има малку нови возила, околу 6.000 возила се помлади од две години, што изнесува 1,6 отсто во однос на 384 илјади патнички моторни возила, колку што биле вкупно регистрирани на крајот од 2015 година.

Инаку, според Евростат, во 15 од 24 земји-членки на Европската унија, за кои се достапни податоци, повеќе од половина од автомобилите се на бензински погон.  Овој удел е најголем во Кипар (86 отсто), пред Финска (75 отсто) и Унгарија (70 отсто). Автомобилите со дизел ги надминаа прагот од 50 отсто во Франција (69 отсто), Литванија (65 отсто), Луксембург (64 отсто), Белгија (60 отсто), Австрија и Шпанија (по  57 отсто), како и Португалија (54 отсто) и Латвија (53 отсто). Употребата на алтернативни горива, освен бензин или дизел, е највисока во Полска (16 отсто), Литванија (10 отсто), Италија и Латвија (по 8 отсто).

Промовирани огласи »

Во Јапонија одлучија на работното место да отворат соби за спиење. 

Собите се опремени со уреди за намалување на бучава, има кревети на кои работниците можат да спијат, додека мобилни, таблети и лап топите се најстрого забранети. 

На ваква мерка јапонските работодавачи се одлучија, откако едно истражување покажа дека поспаноста влијае на ефикасноста на работниците, а тоа газдите ги чинеше 138 милијарди долари годишно. 

Промовирани огласи »

Јадранка група од Лошињ, една од водечките хотелско-трговски друштва во Хрватска и добитник на наградата “Најдобар хрватски работодавач 2015”, вработува.

Ако сте амбициозни, посветени на работата и желни за работни предизвици во иновативно и стимулирачко опкружување, а воедно и самостојни и одговорни, идеалното сезонско вработување се наоѓа на остров на северен Јадран. Станува збор за Јадранка група, едно од водечките хотелско-трговски друштва во Хрватска, која веќе 70 години успешно работи со хотелиерство, капминг и трговски активности на островите Цреша и Лошињ.

Во група работат околу 800 постојани вработени, додека пак за време на туристичката сезона вкупниот број на вработени достигнува и до 1600 особи, распоредени во фирми ќерки: Јадранка хотели, Јадранка кампови, Камп Слатина и Јадранка трговија.

Јадранка група на сите нивоа се грижи за своите вработени и, покрај договорените услови за работа (кои вклучуваат дополнителни плати за работа во недела, празници, двократно работење и други права загарантирани со колективен договор), обезбедува сместување и исхрана без да ги намали платите. Трошоците за санитарни прегледи и превоз до местото на живеење по истекот на договорот за вработување се рефундираат.

Јадранка група посебно внимание посветува на создавање на иновативно и стимулирачко опкружување, овозможува стекнување на искуство во професијата со искусни и стручни ментори, вклучување во програмата за надградување и понатамошно напредување во кариерата.

Потенцијално работно место Ве чека Вас во Јадранка хотели и хотелскиот бренд Лошињ Хотели и Вили, под кои спаѓаат 6 хотели ( сите во категорија 4* и 5*) и ресторани на вилите и апартманите сместени на најатрактивната локација на островот Лошињ.

Со одлука на Владата на Република Хрватска можност за работа во Хрватска имаат и земјите коишто не се членки на ЕУ, па така и во Јадранка група од Лошињ, на работните места: кувар (м/ж), келнер (м/ж), помошник кувар (м/ж), помошник келнер (м/ж), чистач (м/ж) и собар (м/ж). Повеќе информации можете да најдате на http://www.jadranka.hr/karijere.

РАБОТНИК ВО ДОМАЌИНСТВО - СОБАР - Апликации на следниот линк: https://kariera.mk/job/oZpOawKZzU-g91ous-caxw/rabotnik-vo-domakjinstvo-sobar-hrvatska

КЕЛНЕР/КА - Апликации на следниот линк: https://kariera.mk/job/RmlAs9gslkukkgTELUwo-g/kelner-ka-hrvatska-mali-loshinj

Повеќе
КЛИКНИ